Санкт-Петербург Җәмигъ мәчетендә ислам дине дәресләре оештырылачак
![Санкт-Петербург Җәмигъ мәчетендә ислам дине дәресләре оештырылачак](https://tatar-inform.tatar/attachments/111cc2d55495d3702169238ab3b35e9137296c50/store/crop_and_fill/0/0/2560/1704/780/440/d6c54dab26e085a0cbdf9c66759b8f3db46057918799662c0bab357a9859/YfAMdV3MtSM%5B1%5D.jpg)
(Казан, 1 август, «Татар-информ»). Санкт-Петербург һәм Россиянең Төньяк-Көнбатыш төбәге мөселманнары Диния нәзарәте ислам дине дисциплиналары буенча дәресләргә чакыра. Россия мөселманнары Дини җыены Үзәкләштерелгән дини оешмасы матбугат хезмәте хәбәр иткәнчә, дәресләр Коръән һәм Коръәнне өйрәнү, тәҗвид; Мөхәммәд Пәйгамбәрнең тәрҗемәи хәле; гарәп теле дисциплиналары буенча узачак. Дәресләр дүшәмбе, чәршәмбе, шимбә һәм якшәмбе көннәрендә 11.00-13.00 сәгатькә кадәр оештырыла. Үткәрү урыны: Санкт-Петербург Җәмигъ мәчете («Горьковская» метро станциясе, Кронверкский тыкрыгы, 7).