Новости за 06.04.2020

Британиянын премьер-министри Борис Жонсондун абалы начарлап, интенсивдүү дарылоого которулганын Даунинг стрит -  британ өкмөтүнүн кеңсеси билдирди. - Бүгүн түштөн кийин премьер-министрдин абалы начарлап, аны караган медициналык топтун кеңеши менен ооруканадагы интенсивдүү терапия бөлүмүнө которулду - деп айтылат 6-апрелдеги билдирүүдө. Жонсон коронавирус жуктуруп алганы 27-мартта белгилүү болгон. Өкмөт башчынын дене табы түшпөгөндүктөн 5-апрелдин кечинде Лондондогу “Ыйык Фома” госпиталына жаткырылган эле. Читать дальше...

«Азаттык» (RFE/RL), OCCRP жана анын Кыргызстандагы өнөктөшү «Kloop» медиасы чогуу жүргүзгөн «Бажыдагы миллиондор: карактоо жана калкалоо» аттуу иликтөө эл аралык Том Реннер атындагы сыйлыкты жеңди.   Аталган иликтөө бир үй-бүлөгө таандык жүк ташуучу компаниянын Борбор Азиядагы көмүскө ишмердиги, кыргыз аткаминерлери менен байланышы, теги күмөндүү жүз миллиондогон долларды Кыргызстан аркылуу адалдап кеткени тууралуу.   Том Реннер сыйлыгы кылмыштуулуктун жана уюшма кылмыштуулуктун бетин ачкан журналисттик... Читать дальше...

«Эл үнү» программасына кайрылгандардын көбүн өзгөчө кырдаалда ишке чыга албай, жашоосуна күнүмдүк акча тапкан жарандар, жалгыз бой энелер жана көп балалуу үй-бүлөлөр түзөт. Москвада хостелде убактылуу тургандар кыргыз бийлигине кайрылып, атайын учак жиберүүнү суранышты.

6-апрелде президент Сооронбай Жээнбеков Бириккен Улуттар Уюмунун (БУУ) Кыргызстандагы туруктуу координатору Озонниа Ожиело менен жолугушуп, өлкөдөгү кырдаалды, коронавирустун жайылышына каршы күрөштөгү биргелешкен кадамдарды талкуулады. Тактап айтканда, тараптар өлкөдөгү саламаттык сактоо, билим берүү, азык-түлүк коопсуздугу, чакан жана орто ишкерликке колдоо көрсөтүү мүмкүнчүлүктөрү жөнүндө сүйлөштү. БУУнун Кыргызстандагы өкүлү Озонниа Ожиело уюм кыргыз өкмөтү менен бирге сегиз артыкчылык берилген багытта иш алып барып жатканын айтты. Читать дальше...

Кыргызстанда коронавирус жуккандар 216 кишиге жетти. Бул илдеттен төрт адам каза болуп, 33ү айыгып чыкты. Пандемияга байланыштуу коомчулукта дагы эле толгон-токой суроолор бар.

Казакстанда 6-апрелге карата коронавирус жукканы аныкталгандар 629 кишиге жетти. Алардын 120сы медицина кызматкерлери экенин өлкөнүн башкы санитардык дарыгери Айжан Есмагамбетова билдирди. Ооруга чалдыккан медиктердин 67си - коронавируска байланыштуу шек саналган же жуктурган адамдарга түздөн-түз жардам көрсөткөндөр. Марттын аягында Казакстандын өкмөтү эпидемияга каршы иштеп жаткан дарыгерлерге кошумча маяна берилерин билдирген. Ага ылайык, кооптуулук категориясына карап медицина кызматкерлерине... Читать дальше...

Өткөн аптада Нью-Йорктун Бруклин аймагында COVID-19 илдетинен Өзбекстандын эки жараны каза болду. Кошмо Штаттардагы өзбек элчилигинин маалыматына караганда алардын бири 51 жаштагы эркек, экинчиси 69 жаштагы аял болгон. Экөө тең үй-бүлөлөрү менен АКШда жашап, иштешчү. Нью-Йоркту он миңдеген өзбекстандык байырлайт. АКШда коронавирустан жабыркап жаткан ар бир үчүнчү адам Нью-Йорк штатына туура келет. Жалпы өлкө боюнча COVID-19 илдетине чалдыккандар 6-апрелге карата 340 миңди чамалады.

Словакия соту иликтөөчү журналист Ян Куциякты жана анын сүйлөшкөн кызын өлтүрүү үчүн айыпталган Мирослав Марчекти 23 жылга кести. Мурдагы аскер кызматкери Марчек өкүм угузулуп жатканда залда болгон жок. Ага чейин ал күнөөсүн мойнуна алган. Өткөн жылдын декабрында кылмышка себепкер болгон деп табылган дагы бир адам 15 жылга эркинен ажыратылган. Ал да суракта айыбын мойнуна алып, тергөө менен кызматташкан. Куцияк менен анын сүйлөшкөн кызы Мартина Куснированы 2018-жылдын февралында борбор Братиславадан... Читать дальше...

6-апрелде «Манас» эл аралык аэропортунда Екатеринбург-Бишкек каттамы аткарылды. Ал учак менен Кыргызстанга 17 жаран келди. Алардын ичинен эки адам Ички иштер министрлигинин ооруканасына, үч киши жугуштуу оорулар ооруканасына жаткырылды, калган 12 адам обсервацияга алынды. Бул тууралуу республикалык штаб маалымдады. «Урал авиа линиялары» учагы Орусиянын 35 жараны менен кайрадан Екатеринбургга учуп кетти. Буга чейин жергиликтүү маалымат каражаттары Орусияда дарыланып жаткан Чүй облустук ички иштер... Читать дальше...

Жогорку соту 6-апрелден 13-апрелге чейин карантинге жабылганын жарыялады. Жарандар Жогорку сотто каралуучу иштердин графигин төмөндөгү телефондор аркылуу билсе болот: Жазык иштери боюнча — 0 312 66-35-01; Административдик жана экономикалык иштер боюнча - 0 312 66-34-29; Жарандык иштер боюнча - 0312 66-30-40 же болбосо 62-19-29. Коронавируска байланыштуу Кыргызстандын айрым аймактарында 25-марттан 15-апрелге чейин өзгөчө абал режими жарыяланган. Буга чейин Кыргызстандын сот органдары өзгөчө... Читать дальше...

Жапон өкмөтү борбор Токио баштаган жети аймагына 7-апрелден тартып өзгөчө абал киргизүүгө камынууда. Бул тууралуу өлкөнүн премьер-министри Синзо Абэ дүйшөмбүдө билдирди. «Бир айга жакын уланат. Инфекция таралып кетпеши үчүн адамдар ортосунда байланышты азайтууда эл менен бирге иштешибиз керек. Медициналык системабызды да жакшылап даярдашыбыз зарыл. Өзгөчө абал ушул себептерден улам жарыяланат», - деди премьер-министр. Жекшембиде Жапонияда коронавируска чалдыккандар бир суткада кескин көбөйүп, 3500дөн ашып кеткен. Читать дальше...

Бишкек мэриясынын санитардык-экологиялык инспекциясы реабилитациялык зоопарктагы жаныбарларга эки мүшөк жемди жардам катары берди. Бул тууралуу мэрия кабарлады. Анын маалыматына ылайык, карантинге байланыштуу жаныбарлардын жеми түгөнүп калган, учурда алар кайдыгер карабаган шаардыктардын жардамы менен кармалып турушат. Зоопарктын кызматкерлери жаныбарлардын жемине жардам бергиси келгендерди «Instagram» социалдык тармагындагы @zoobishkek.kg дарегине кайрылууга чакырат. Андагы жаныбарлар үчүн жем, чөп, жаңгак, витаминдер керек. Читать дальше...

Бишкек Жылуулук электр борбору (ЖЭБ) боюнча соттолгон мурдагы премьер-министрлер Сапар Исаков, Жантөрө Сатыбалдиев «Электр станциялары» ишканасынын мурдагы жетекчиси Салайдин Авазов Улуттук коопсуздук боюнча мамлекеттик комитеттин тергөө абагынан Бишкектеги №1 абакка которулду. Мурдагы жетекчилер аларга карата соттун өкүмү күчүнө киргени үчүн №1 тергөө абагына жиберилген. Бул маалыматты Жаза аткаруу мамлекеттик кызматынын (ЖАМК) басма сөз бөлүмүнүн адиси Самат Калыков ырастады: «Бул адамдар өткөн аптада которулду. Читать дальше...

Кыргызстандын президенти Сооронбай Жээнбеков «өлкөдөгү өзгөчө кырдаал тартибин бузгандар өзүнүн үй-бүлөсү, туугандары үчүн гана эмес, бардык жарандар үчүн коркунуч жаратат» деди. Президент мындай пикирин апрель революциясынын 10 жылдыгына карата кайрылуусунда билдирди. «Эч кимдин «бул илдет мага келбейт, мага жукпайт» деп тобокелге салууга акысы жок. Азыр дүйнө жүзү боюнча илдетке чалдыккандардын саны миллиондон ашты. Кыргызстанда да оору жугузгандар көбөйүп жатат. Тилекке каршы, каза болгон да учур катталды. Читать дальше...

Орусияда ишсиз калган мигранттар бийликтен атайын рейс менен Кыргызстанга алып кетүүнү суранып жатышат. Ушул тапта Москвада хостелде убактылуу турган мекендештердин тобу "Азаттыкка" 6-апрелде видео кайрылуу жиберди.

Президент Сооронбай Жээнбеков Жээнбеков апрель революциясынын 10 жылдыгына карата кайрылуу таратты. Жээнбековдун кайрылуусу президенттин сайтында жарыяланды. Мамлекет башчынын кайрылуусунда 2010-жылдагы 7-апрель Кыргызстандын тарыхындагы бурулуш мезгилдин башаты болгонун, окуянын саясий жана тарыхый мааниси чоң экенин эске салды. Жээнбеков 7-апрелде адилетсиз бийликке каршы туруп, атылган октон жалтанбаган каармандар өз өмүрүн өлкө келечегине арнаганын белгиледи. Президент апрель революциясы... Читать дальше...

Баш калаадагы жардамга муктаж жарандардын өтүнүчтөрүнө Бишкек шаарынын мэриясынын аппарат башчысы Балбай Түлөбаев жооп берди.

Белгилүү коомдук ишмер, агартуучу Ташбоо Жумагулов 6-апрелге караган түнү 70 жаш курагында Москва шаарында каза болду.  Бул тууралуу жакындары кабарлашты. Маркумдун жубайы, акын жана драматург Жеңишгүл Өзүбекова «Фейсбуктагы» жеке баракчасына Ташбоо Жумагулов онкологиялык ооруга чалдыкканын, учурда реанимацияда экендигин,  акыркы жети айдан бери Орусия президентинин Иш башкармалыгынын Москва шаарындагы борбордук клиникалык ооруканасында дарыланып жатканын 2-апрелде жазган.  Коомдук ишмер жана... Читать дальше...

Саламаттык сактоо министрлиги буга чейин тест-системалардын жетишсиздигинен улам тоңдурулуп турган анализдерди текшере баштады.

Мамлекеттик материалдык резервдер фондунан Ош шаарындагы мүмкүнчүлүгү чектелүү адамдар жана аз камсыз болгон үй-бүлөлөр үчүн 130 тонна ун бөлүнгөн. Ун 5-6-апрель күндөрү жергиликтүү бийлик өкүлдөрүнүн жана социалдык кызматкерлердин катышуусу менен даректерине жеткирилип жатат. Бул тууралуу «Азаттыкка» Ош мэриясынын басма сөз катчысы Азамат Абсаттаров билдирди: «Мамлекет тарабынан бөлүнгөн жалпы 2600 кап ундун алгачкы партиясы - 50 тонна, тагыраак айтканда миң кап ун Ош шаарына келип түштү. Ун аймактык... Читать дальше...

Жогорку Кеңештин депутаты, саясатчы Акылбек Жапаров 2005-жылдагы март окуясында Аскар Акаевдин бийлиги кулаганда бириккен оппозициялык күчтөрдүн атынан бийликке келген. Ал эми 2010-жылы биринчи-вице-премьердин ордун ээелеген Жапаров Курманбек Бакиев менен кошо бийликтен кеткен. Жапаров “Азаттык” менен болгон маегинде өлкө тарыхындагы эки чоң саясий өзгөрүүгө өз баасын берди.

АКШ президенти Дональд Трамп коронавируска каршы күрөштө жакшы жылыштар бар экенин белгилеп, «туңгуюктан шоола көрүнө баштады» деп билдирди.

Борбор Азиянын үч өлкөсүндө өпкөнү сезгенткен вирусту жугузуп алгандардын саны 1200дөн ашты. Илдетке чалдыккан британ премьер-министри Борис Жонсондун абалы начарлап, ооруканага жаткырылды. Пакистанда "Таблиги жамаат" кыймылынын диний жыйынына чогулган 20 миң адам карантинге алынды.

6-апрелде Пакистандын түштүк-батышындагы Кветта шаарында нааразылык жүрүшүнө чыккан ондогон медицина кызматкерлерин полиция кармап кетти. Шаардык оорукана менен медицина коллежинин кызматкерлери коронавирус пандемиясы күчөп турган шартта иштеген орундарында коргоочу кийимдер жок экенин айтканы шаардык бийликтин имаратына келе жатышкан. Күбөлөр полиция операциясы учурунда медиктер тепкиге да алынганын айтып жатышат. Нааразылык билдиргендер COVID-19 илдетине чалдыккандарды дарылоо учурунда 12 кесиптеши коронавирус жугузуп алганын ырасташууда.

7-апрелде түнкүсүн өлкө аймагында жаан-чачын күтүлбөйт. Күндүз Талас, Баткен облустарынын көпчүлүк аймактарында, Чүй, Ош, Жалал-Абад, облустарынын кээ бир райондорунда жаан жаайт, тоолуу райондорунда карга айланат. Ысык-Көл, Нарын облустарында жаан-чачын жаабайт. Тоолордо жолдор тайгак болот. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетет.     Абанын температурасы Чүй өрөөнүндө түнкүсүн: 5…10, күндүз 19…24; Суусамыр өрөөнүндө түнкүсүн -2…-7... Читать дальше...