Новости за 05.10.2021

Бишкек шаардык кеңешинин мурдагы спикери Жаныбек Абиров Жогорку Кеңештин депутаттыгына ат салышат. Ал Бишкектин Ленин районунан бир мандаттуу округдан катыша турганын "Азаттыкка" билдирип, 5-октябрда документтерин Борбордук шайлоо комиссиясына (БШК) тапшырганын айтты. Абиров 2018-жылы шаардык кеңешке төрага болгон. Быйыл жергиликтүү кеңештерге 11-апрелде өткөн, кийин жыйынтыгы жокко чыгарылган шайлоодо "Эмгек" партиясынан катышып, талапкерлердин тизмесинин сап башында турган. Шайлоонун кийинки... Читать дальше...

Казакстандын маданият күндөрүн өткөрүү үчүн Бишкекке 300дөн ашуун казак өнөрпоздору келет. Кыргызстандын Маданият, маалымат, спорт жана жаштар саясаты министрлигинен кабарлашкандай, иш-чара 7-9-октябрда болот.  Маданият күндөрүнүн алкагында казак кино күндөрү, археологиялык артефактар, көркөм сүрөт көргөзмөсү уюштурулат. Акын, агартуучу, казак жазма адабиятынын жана адабий тилинин негиз салуучусу Абай Кунанбаевдин таржымалы тууралуу “Абай операсы” көрсөтүлөт. Казак делегациясын маданият жана спорт министри Актоты Раимкулова жетектеп келет. Читать дальше...

Токмок шаарынын прокуратурасы Жалпы медициналык практика борборунда акча кымырылганы аныкталганын билдирди.  Башкы прокуратуранын басма сөз кызматынын маалыматына караганда, жасалма документтер аркылуу коротулган каражаттан улам мамлекетке 2 миллион 502 миң 885 сом зыян келтирилген. Текшерүүнүн баштапкы жыйынтыгына караганда, борбордун кызмат адамдары айрым кызматкерлерге жасалма келишим аркылуу акы төлөп, кээ бир материалдарды алууда жасалма документ түзгөн.  Кылмыш-жаза кодексинин 320-беренеси... Читать дальше...

Ушул жылдын 14-октябрында Баткен шаарында "Баткенди өнүктүрүү – өлкөнү өнүктүрүү" аттуу форум өтөт. Бул тууралуу Министрлер кабинетинин басма сөз кызматы кабарлады. Форумга өкмөт башчы Улукбек Марипов, мамлекеттик органдардын жетекчилери, эл аралык уюмдардын, дипломатиялык корпустардын, финансылык институттардын өкүлдөрү, бизнес-омбудсмен, атамекендик ишкерлер катышат. Расмий маалыматка караганда, иш-чара аймактын экономикалык потенциалын кеңейтүү жана инвестициялык мүмкүнчүлүктөрүн көрсөтүү,... Читать дальше...

Ооганстандык кыргыздарга 55 тонна ун, 14 тонна күрүч, 7 тонна кесме, 400 литр өсүмдүк майы, 5 тонна туз жана 10 тонна кумшекер жеткирилди. Жардам мамлекет башчы Садыр Жапаровдун тапшырмасы менен жеткирилгенин президенттин басма сөз кызматы кабарлады. Расмий маалыматка караганда, жеткирилген азык-түлүк памирлик кыргыздарга бөлүштүрүлдү. Памир кыргыздары — 1575-1930-жылдар аралыгында Ооганстанга туруктуу жашоого кеткен кыргыздардын тукуму. Алар катаал, билим алуу менен ден соолукту чыңдоого шарт жок Чоң жана Кичи Памир тоолорун байырлайт. Читать дальше...

Парламенттик шайлоого бир мандаттуу округдан катышуу ниетин билдирип арыз тапшыргандардын саны 5-октябрга карата 92 адам болду. Жаңы арыз бергендердин бардыгы өзүн-өзү көрсөткөндөр. Борбордун шайлоо комиссиясынын (БШК) сайтындагы маалыматка ылайык, 4-октябрда мурдагы ички иштер министри, Жаза аткаруу кызматынын мурдагы төрагасы Мелис Турганбаев бир мандаттуу №28 Октябрь округунан (Бишкек шаары), Жогорку Кеңештин мурдагы төрагасы Дастан Жумабеков №20 Манас округунан (Талас), мурдагы маданият министри... Читать дальше...

Бүгүн кыргызстандык спортчу кыз финалда панамерикалык чемпионаттын жеңүүчүсү, АКШлык Кайлой Миракл менен таймашат. Беттештер кечки саат 21:30дарда болору болжолдонууда.

2020-жылдын октябрында жараат алгандар жана активисттер 5-октябрда Бишкекте чогулушту. Алар бир жыл мурдагы нааразылыктар учурунда көз жумган Үмүтбек Алтынбек уулун эскерип, куран окушту. Жабыркагандардан түзүлгөн "Кыргыз үмүтү" уюмунун төрагасы Сыргак Сакыбаев "Азаттыкка" чогулгандардын талабын айтты. "Биздин талап - бул люстрация. Бир жыл ичинде эч кандай өзгөрүү болгон жок. Канчалаган балдарыбыз мунжу болуп, энелердин көз жашы акты. Мамлекеттен жардам болболду. Биз ал күнү адилетсиздикке каршы чыккан элек". Читать дальше...

Кыргызстандын президенти Садыр Жапаров бүгүн, 5-октябрда 2020-жылдагы октябрь окуяларынын бир жылдыгына карата кайрылуу жасады. Кайрылууда парламенттик шайлоодо, андагы адилетсиздиктен улам кулаган бийликтин катачылыгын, бийлик жетекчилеринин жоопкерчиликтен качканын, портфель бөлүшүү аракеттерин, партиянын ичиндеги жана өлкөдөгү коррупцияга алып келген шарттар тууралуу айткан. "Мындай жагдайдын пайда болушуна 2010-жылы Кыргыз Республикасынын Конституциясынын редакциясынын парламенттик-президенттик... Читать дальше...

ACA 130 мелдешиндеги беттеш кечээ, 4-октябрда, Чеченстандын борбору Грозный шаарында өттү. Кыргызстандык мушкер кезектеги беттешин нокаут менен утту.

Коронавируска каршы күрөшүү боюнча республикалык ыкчам штабдын маалыматына караганда, 5-октябрда коронавирустан эки бейтап каза болду. Алар вируска каршы вакцина албаганы маалыматта белгиленген. Ал эми 69 адам вирус жуктуруп алганы лабораториялык жактан тастыкталды. Көбү Бишкек шаарында. Нарын, Баткен, Ош облустарында жана Ош шаарында жаңы учур катталган эмес. Бишкек - 32 Чүй облусу – 21 Талас облусу - 1 Ысык-Көл облусу – 9 Жалал-Абад облусу – 6 Ушуну менен былтыр марттан бери Кыргызстанда... Читать дальше...

5-октябрда – Ош шаарынын күнү белгиленүүдө. Мэриянын басма сөз кызматы бул күнү калаадагы мекеме-ишканалардын кызматкерлеринин майрамдык жүрүшү жана гала-концерти болорун кабарлады. Борбордук аянттагы концертке Кыргызстандын, Өзбекстандын, Орусиянын ырчылары катышат. Ош шаарынын күнү 2000-жылдан бери 5-октябрда белгиленет. Болжол менен 30 кылым мурда түптөлгөн калаага 1876-жылы шаар деген расмий макам берилген. Майрамга шаардык бюджеттен бөлүнгөн каражат сарпталат.

Башкы прокуратура “Батукаев иши” боюнча жаңы ачылган жагдайларга байланыштуу Жогорку сотко кайрылып, өкүмдү кайра күчүнө киргизүүнү өтүндү. Иштин алкагында экс-президент Алмазбек Атамбаев 11 жылга соттолгон эле. Былтыр октябрь окуяларынан кийин сот бул өкүмдү жокко чыгарып, ишти кайра кароого жиберген. Мурдагы мамлекет башчынын тарапташтары прокуратура Атамбаевди парламенттик шайлоого катыштырбоо аракетин көрүп жатканын айтышууда. Жокко чыккан өкүмдү жокко чыгаруу Кримтөбөл Азиз Батукаевдин... Читать дальше...

Бүгүн спорттук күрөштүн түрлөрү боюнча дүйнө биринчилигинде кыз-келиндер күрөшү уланат. Анда 50, 53, 65 жана 76 килограмм салмактагы атлеттер таймашка чыгышат.

Өзбекстанда сентябрь айында укук коргоо органдары радикал диний топторго каршы күрөштү күчөтүп, рейд өткөрүштү. “Озодлик” радиосу булактарына таянып, мындай чаралар Ооганстанда талибдер бийликке келгенден кийинки учурга туш келгенин кабарлады. “Көптөн бери эле ар түрдүү радикалдуу топтор жанданганы тууралуу билдирүүлөр түшө баштаган. Өзүңөр билесиңер, алар дайыма эле байкоо алдында. Бирок “Коопсуз зона” операциясы башталгандан кийин рейд жүрүп, айрым кишилер кармалды. Алардын көбү мурда түрмөдө отуруп чыккандардын тизмесине киргизилди. Читать дальше...

Элетте өзгөчө мектеп ачуу кыялын орундаткан мугалим. Жол боюндагы жайма базарда соода кылган 89дагы байбиченин сагынычы.

АКШнын мамлекеттик департаменти Вашингтон Грузиядагы окуялардын өнүгүшүнө көз салып жатканын кабарлады. Өлкө бийлигин саясатчы Михаил Саакашвилинин кылмыш ишиндеги коюлган айыптар боюнча акыйкат тергөө камсыздоого чакырды. Дүйшөмбүдө АКШнын Грузиядагы элчилиги ЕККУнун баайкоочуларынын шайлоого берген оң баасына кошуларын, "жөнү жок админстративдик ресурс колдонулду” деп белгилеген. АКШнын дипломаттары Грузиядагы шайлоодо коркутуу, сатып алуу жана талапкерлер менен добуш берүүчүлөргө кысым көрсөтүү... Читать дальше...

Керимбек Калыкулов мэриянын коомчулук менен байланыш кызматынын жетекчиси болуп дайындалды. Буйрукка шаар мэри Алмаз Мамбетов 4-сентябрь күнү кол койду. Калыкулов буга чейин ОшМУнун "Нур" гезитинде радактор, "Үмүт" телестудиясынын жетекчиси, Ош шаардык "Ош шамы" гезитинде башкы редактор, ЭлТР, ОшТВ телеканалдарында башкы директор болуп эмгектенген. Ош шаардык мэриясынын коомчулук менен байланыш кызматынын жетекчиси болуп ушул жылдын август айына чейин Азамат Абсаттаров иштеп турган. Ал мурунку... Читать дальше...

Ички иштер министри Улан Ниязбеков коомдук тартипти сактоо боюнча онлайн кеңешме өткөрүп, алдыдагы шайлоодо милиция кызматкерлерине саясатка аралашпоону тапшырды. Бул тууралуу мекеменин басма сөз кызматы маалымдады. “Министр Улан Ниязбеков бир дагы милиция кызматкери саясатка аралашпай, ар бир кызматтын өзүнө жүктөлгөн мыйзамдуу милдеттеринин чегинде гана элдин коопсуздугун, коомдун тынчтыгын сактоо боюнча жүктөлгөн тапшырмаларды так аткарууну тапшырды”, - деп айтылат мекеменин билдирүүсүндө. ... Читать дальше...

Facebook, Instagram социалдык тармактары жана WhatsApp мессенджери (бардыгы Facebook корпорациясына таандык) дүйшөмбү күнү түштөн кийин олуттуу үзгүлтүккө учурады. Бул акыркы жылдардагы эң ири деп бааланган учур. Социалдык тармактар жана мессенджер көпчүлүк колдонуучуларга беш сааттан ашык жеткиликсиз болуп турду. Социалдык тармактар жана WhatsApp иштебей калганы тууралуу алгачкылардан болуп АКШ, Батыш Европа жана Орусиянын колдонуучулары коңгуроо кагышкан. Аталган сайттардын тиркемелери да иштен чыккан. Читать дальше...