Новости за 09.11.2021

Бир айдан ашуун ачкачылык кармап жаткан Грузиянын мурдагы президенти Михаил Саакашвили түрмөнүн күзөтчүлөрү аны кемсинтип, ур-токмокко алганын айтууда. Анын жүздөгөн тарапташтары, оппозициячыл партиялар Саакашвилинин саламаттыгынын начарлашына байланыштуу жеке ооруканага которууну талап кылып Тблисинин аянтына чыгышты. Оппозициячыл партиялардын тарапташтары жана айрым өкүлдөрү 9-ноябрга караган түндү Эркиндик аянтындагы өкмөт үйүнүн алдында өткөрүштү. Шейшембинин таңында жүздөгөн адам топтолду. Читать дальше...

«Азыркы кыргызстандык» подкастынын бул жолку каарманы кыргызстандык балбан, жакында эле Сербияда өткөн эркин күрөш боюнча 23 жашка чейинкилер арасында Дүйнө чемпиону наамына татыган Эрназар Акматалиев.

Тажикстан 2022-жылдын 1-январынан тартып 52 өлкөгө визасыз режим киргизүүдө. Төмөнкү өлкөлөрдүн жарандары Тажикстанда 30 күн визасыз жүрө алат: АКШ, Канада, Швейцария, Австралия, БАЭ, Люксембург, Кувейт, Катар, Жаңы Зеландия, Исландия, Малайзия, Венгрия, Австрия, Аргентина, Германия, Италия, Түштүк Корея, Куба, Латвия, Литва, Мальдив, Польша, Португалия, Франция, Финляндия, Сингапур, Түркия, Хорватия, Чили, Эстония, Греция, Монако, Сауд Арабиясы, Бахрейн, Бельгия, Испания, Дания, Нидерланд, Норвегия... Читать дальше...

Орусиянын түрмөсүндө тогуз жылдык жаза мөөнөтүн өтөп жаткан АКШнын деңиз аскери Тревор Рид ачкачылык жарыялады. Анын жактоочулары Сергей Никитенков жана Виктория Буклова “Интерфакска” берген малыматтында Рид өз укуктарынын бузулушуна, жалгыз отура турган камерага “мыйзамсыз” которулушуна каршы чыгып төрт күн мурда ачкачылык жарыялаганын айтышты. Орусиянын Жаза аткаруу кызматы (ФСИН) Риддин жактоочуларынын маалыматын төгүндөп, ал тамак-аш жеп жатканын билдиришти. Рид Москвадан 350 чакырым аралыкта... Читать дальше...

Грузиянын оппозициячыл партиялары мурдагы президент Михаил Саакашвили абактагы ооруканын күзөтчүлөрүнөн кордук көргөнүн айткандан кийин нааразылык акцияларын өткөрүүнү пландаштырууда. Оппозициялык партиялардын өкүлдөрү жана тарапташтары 8-ноябрда Тбилисинин Эркиндик аянтына митингге чыккандан кийин өкмөттүк администрациянын имаратынын жанында түнөштү. Анын эртеси полиция темир тосмолорду коюп чыкты. Митингге чыгып сөз сүйлөгөн Бириккен улуттук кыймылдын лидери Ника Мелиа оппозициянын үч негизги талабын угузду. Читать дальше...

Жогорку Кеңешке шайлоого үгүт иштерине Ош шаарындагы студенттердин катышканы үчүн Ош мамлекеттик университетинин ректору Кудайберди Кожобеков кызматынан алынды. Ош мамлекеттик университетинин педагогика факультетинин деканы Б. Муратбаев жана ошол эле факультеттин үч окутуучусу кызматынан алынды. Билим берүү жана илим министри Болот Купешевге, Ош шаарынын мэри Алмаз Мамбетовго сөгүш жарыяланды. Бул тууралуу Министрлер кабинетинин төрагасы жана президенттик администрациянын башчысы Акылбек Жапаров... Читать дальше...

Европа Кеңеши Беларус менен виза режимин жеңилдетүү боюнча келишимин жарым-жартылай токтотту. Буга Минскинин Евробиримдикке каршы багытталган Польша-Беларус чек арасындагы мигранттардын кризисин күчөткөн “гибриддик чабуулу” себеп болду. Европа Кеңеши келишимди токтотуу чечими карапайым жарандарга таасир этпей турганын айтты. Бирок Беларустун аткаминерлери үчүн төмөндөтүлгөн виза төлөмдөрү жана виза алууга болгон жеңилдиктер алынып салынат. “Беларус режими миграцияны инструмент катары пайдаланып... Читать дальше...

Кытайдан Торугарт бекети аркылуу жүк ташыган айдоочулар Бажы кызматынын чек арада санитардык зона түзгөн эрежесине каршы болуп, бийликке кайрылуу жолдошту. Алар жаңы эреже коррупцияга жол ачып, мунун арты менен Кытайдан келген товардын саны азайып, баа кескин өсүп кетиши мүмкүн деген чочулашат. 8-ноябрда Кочкор районунда чогулган Кыргыз-кытай чек арасынан жүк ташыган айдоочулар Бажы кызматынын жаңы эрежесине каршы чыкты. "Сапарман" айдоочулар бирикмесинин төрагасы Максатбек Дүйшеев "Азаттык" радиосуна билдиргендей, 400дөн ашык киши чогулду.

Улуттук коопсуздук боюнча мамлекеттик комитетинин кызматкерлери "Хизб ут-Тахрир" кыймылынын түштүктөгү лидерин кармашты. Ал кыймылдын жашыруун тармагын түзгөн деп шек саналууда. Атайын кызматтын маалыматына караганда, кармалган адам Өзбекстандын жараны. Мекенинде издөөгө алынган. Кыргызстанга жасалма документ менен киргени аныкталды. Мекеменин басма сөз кызматы шектүү 4-ноябрда Ош шаарында, өзүнүн пикирлештери менен "Хизб ут-Тахрир" кыймылынын ишмердүүлүгүн кеңейтүү жана бекемдөө чаралары менен алектенип жаткан учурда кармалган. Читать дальше...

Дүйшөмбү шаарынын Сино районунун прокурорунун биринчи орун басары Сухроб Салимзода кызматтан алынды. “Озоди” радиосу өз булактарына таянуу менен анын кызматтан кетишине “Мадинанын ишин" адилетсиз тергегени себеп болгонун кабарлаган. 32 жаштагы Мадина Мухамаджонова жаткан Дүйшөмбү шаардык ооруканасынын реаниматологдорунун бири өткөн аптада "Азаттык" радиосунун тажик кызматына билдиргендей, учурда бейтаптын абалы тууралуу так маалымат айтуу кыйын. Дарыгерлер Мадина абанын жетишсиздигинен улам муунуп... Читать дальше...

"Клооп Медиа" коомдук фонду менен Борбордук шайлоо комиссиясынын (БШК) ортосунда 28-ноябрда өтчү парламенттик шайлоого байкоо жүргүзүү боюнча талаш чыкты. БШКнын “Клооп Медиага” жөнөткөн катында аталган фонддун уставында шайлоолорго байкоо жүргүзүү тууралуу жазылбаганын билдирген. “Клооп Медиа” БШКнын каттоодон баш тартышы Конституцияга каршы келет деп, сотко кайрылганын жарыялады. "Клооп Медиа" коомдук фонду Борбордук шайлоо комиссиясынын (БШК) шайлоого байкоо жүргүзүүгө уруксат бербей койгон... Читать дальше...

№20 Манас шайлоо округунан Жогорку Кеңештин депутаттыгына талапкер Мирлан Назарбековдун апасы мугалимдерге акча таратканы тууралуу АШКнын ыкчам чара көрүүчү тобу кабарлады. Маалыматка ылайык, С.Бапышов аттуу жаран аймактык шайлоо комиссиясына арыз менен кайрылган. Анда талапкер Мирлан Назарбеков 4-ноябрда Кара-Буура районунун Кызыл-Адыр айылындагы стадиондо мектеп окуучуларынын катышуусунда үгүт иш-чарасын өткөргөнү жазылган. Иш-чарада окуучулар талапкердин логотиби түшүрүлгөн кийимдерди кийип, желектерди көтөрүп жүрүшкөн. Читать дальше...

Кыргызстандын Министрлер кабинетинин төрагасы Акылбек Жапаров бүгүн, 9-ноябрда Кытайдын атайын жана ыйгарым укуктуу элчиси Ду Дэвэнь менен жолугушту. Анда эки тараптуу көп багыттуу кызматташтыктын маселелери талкууланды. Бул тууралуу өкмөттүн басма сөз кызматы кабарлады. Жапаров Кыргызстан Кытай менен соода жүргүзүүнү өнүктүрүүгө, биргелешкен инвестициялык долбоорлорду ишке ашырууга кызыкдар экенин билдирди. "Биз товар жүгүртүү деңгээлин жогорулатышыбыз зарыл. Министрлер кабинети инвесторлордун коопсуздугуна кепилдик берүүгө даяр"... Читать дальше...

Бишкек шаарынын Октябрь районунун Криминалдык милиция кызматынын башчысынын Н.Э.Д. аттуу орун басары, милициянын майору пара талап кылууга шек саналып кармалды. Бул тууралуу бүгүн, 9-ноябрда Улуттук коопсуздук боюнча мамлекеттик комитеттин басма сөз кызматы кабарлады. Расмий маалыматка караганда, милиция кызматкери жеке кызыкчылыгын көздөп, айрым жарандарга акча уурдоо фактысы боюнча жасалма арыз даярдаткан. Жыйынтыгында, моралдык-психологиялык кысым көрсөтүү жолу менен арызды кароону токтотуу үчүн 80 000 (сексен миң) сом талап кылган. Читать дальше...

Орусияда бир суткада COVID-19 вирусунан каза тапкандардын саны жаңы рекорддук көрсөткүчкө жети. Ал арада саламаттык сактоо кызматкерлери жаңы бейтаптарды жаткырып, дарылоого орундар жок кыйналып жатканын айтышууда. Орусиянын коронавируска каршы кризистик борбору 9-ноябрда акыркы 24 саатта 1211 өлүм катталып, 39 610 жаңы учур аныкталганын билдирди. Саламаттык сактоо министрлиги менен тыгыз иштешкен инфекционист Владимир Чуланов учурда коронавирус жуктурган бейтаптар үчүн 300 миң керебет даярдалганын айтып... Читать дальше...

SpaceX капсуласы Эл аралык космос кемесинен Жерге, Мексика булуңунун Флоридадагы жээгине төрт астронавтты аман-эсен жеткирди. Эки америкалык, бир француз жана жапондук астронавттан турган экипаж 8-ноябрда орбитадан суурулуп чыгып, сегиз саатта жерге келип конду. “Космоско Франциянын атынан учуп барып келгениме сыймыктанам. Кийинки аялдама – Айбы?”, - деп жазды Твиттерге франциялык астронавт.   НАСА билдиргендей төрт астронавт космостогу кемеде беш айдан ашык жүрүп, андагы күн панелдерин жаңыртууга жардам беришкен. Читать дальше...

25 жылдан ашуун убактан бери англисче чыгып келе жаткан көз карандысыз Kyiv Post гезити кожоюну менен эмгек жамаатынын пикир келишпестигинен улам жабылганы айтылууда. Басылманын ээси жана кыймылсыз мүлк менен иштеген ишкер Аднан Киван сайттын күтүүсүздөн жабылганы тууралуу 8-ноябрда маалымдап, бул "убактылуу" экенин билдирди. "Качандыр бир кезде гезит кайрадан жакшы жана мыкты болуп чыгат",- деп жазды ал. Бирок Kyiv Post гезитинин журналисттери билдирүү таратып, гезиттин жабылышына анын кожоюну... Читать дальше...

Польшанын чек ара кызматы Беларус менен болгон чыгыш тарабындагы чек ара өткөрмө бекети 9-ноябрда жабыларын кабарлады. Мындай чечим Беларустун аймагындагы мигранттар чек арада тартылган зым тосмолорун кесип өтүүгө аракет жасашкандан соң кабыл алынган. Беларустагы мигранттар "Бружи-Кузница" өткөрмө бекетинин жанына лагер жайып алышкан. Бул окуя Евробиримдик миграция кризисинен чоочулап турган учурга туш келди. Польшанын өкмөтү 8-ноябрда "Твиттерге" адамдар колунда бар буюм-тайымдары менен чек арадагы... Читать дальше...

Борбордук шайлоо комиссиясы (БШК) "Клооп Медиа" коомдук фондуна шайлоого байкоо жүргүзүүгө уруксат берүү маселеси толук каралып бүтө элек. Бул маселе БШКнын жыйынында каралат. Бул тууралуу Боршайкомдун мүчөсү Кайрат Маматов "Азаттыкка" билдирди. Анын айтымында, "Клооп Медиа" боюнча буга чейин толук чечим чыккан эмес, жөн гана түшүндүрмө берилген. "Клооп Медиа" каттоодон баш тартты деп маалымат таратып жатат. Бул туура эмес. БШК түшүндүрмө гана берген, каттоодон баш тарттык деген чечим жок. Биз муну карай элекпиз, аны карайбыз. Читать дальше...

Борбордук шайлоо комиссиясынын расмий сайтындагы маалыматка караганда, шайлоо дайындалган күндөн тартып Борбордук шайлоо комиссиясына (БШК) мыйзам бузуулар боюнча 56 кайрылуу келип түштү. Арыз-даттануулар арасында добуш сатып алууга аракет кылуу, мамлекеттик кызматкерлердин кайсы бир талапкерди сүрөмөлөгөнү, мектеп окуучуларын үгүт иштерине аралаштыруу сыяктуу кайрылуулар бар. Алардын арасында "Ата-Журт Кыргызстан" шайлоочулардан белек алып жатканы боюнча кайрылуу түшкөн.   Ушул эле партиянын... Читать дальше...

Шайлоонун үгүт өнөктүгү ортолоп калганда "Эл үмүтү" партиясынын талапкеринин анонимдүү киши берген акчаны “фондго котором” деген жарыясы кызуу талкууга айланды. “Эл үмүтү” партиясы менен шайлоого катышып жаткан Канышай Ырысбек кызы 1-ноябрда "Инстаграмдагы" баракчасына бир тутам акчанын сүрөтүн жарыялаган. Аны "бейтааныш адам" бергенин жана ал акчаны партиянын жалпы эсебине которо турганын жазган.   “Кечээ бейтааныш адамдар мени колдоп акча берип жибериптир. Бул акчаны “Эл үмүтүнүн” жалпы эсебине которууну чечтим. Читать дальше...

Сүймөнкул Чокморов 1939-жылы 9-ноябрда Чүй облусундагы Чоң-Таш айылында туулган. Ал тирүү болгондо быйыл 82 жашка чыкмак.

Кыргызстандын президенти Садыр Жапаров талкуу жаратып жаткан электр энергия жана көмүр маселеси боюнча өзүнүн Facebook баракчасына түшүндүрмө берди. Мамлекет башчы акыркы он жылда бир дагы ГЭС салынбаганын, электр энергиянын бир киловатын беш сомдон алып, элге 77 тыйындан берип турушканын, бул системаны банкротко алып келип, мурдагы бийлик 140 млрд. сомго жакын карызга батканын жазды. “Мындан ары бир тыйын карыз албайсыңар. Импортту беш сомдон алууну токтотобуз. Бизде өздүк наркы канча болсо ошончодон алабыз... Читать дальше...

Президенттин басма сөз катчысы Эрбол Султанбаев мамлекет башчынын жакын туугандары шайлоо жараянына таасир этип жатат деген маалыматтарга түшүндүрмө берди. Ал президент Садыр Жапаров өзүнүн жакын туугандарынын эч кимисине кайсыл бир саясий процесстерге аралашуусуна жана аларга таасир этүүсүнө жол бербей турганын белгилеген. "Социалдык түйүндөрдө, президент Садыр Жапаровдун жубайы Айгүл Жапарова саясий партиялардын бирин каржылайт имиш жана шайлоо жараянына таасир этүүгө аракет кылууда деген маалымат жалган. Читать дальше...

Синоптиктердин маалымдашынча, 10-ноябрда Ош, Баткен облустарынын кээ бир райондорунда жаан, тоолуу райондорунда кар жаашы ыктымал. Калган аймактарда жаан жаабайт. Тоо этектеринде жана тоолуу райондордо жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 2-7 метрге жетет. Абанын температурасы: Чүй өрөөнүндө түнкүсүн -2…+3, күндүз 7…12; Талас өрөөнүндө түнкүсүн -3…+2, күндүз 7…12; Баткен, Ош, Жалал-Абад облустарында түнкүсүн 0…5, күндүз 11…16; Ысык-Көл облусунда түнкүсүн -2…+3... Читать дальше...