Новости за 14.11.2021

Шевченко Lady Killer (Киши өлтүргүч аял) каймана аты бар мушкердин, тагыраагы, Холли Берринин спорттогу атаандашынын ролун аткарган.

Польшанын өкмөт башчысы Матеуш Моравецкий НАТОго кайрылып, Беларус менен чек арадагы миграциялык кризисти чечүү үчүн «батыл чараларды» көрүүгө чакырды. Ал ошондой эле мигранттардын агымы күч менен киргенге аракет кылары күтүлүп жатканын билдирди. Бир күн мурда Беларус тараптан 200дөй адам Евробиримдикке мүчө мамлекетке күч менен киргенге аракет кылышкан. Жакынкы Чыгыштан келаткан миңдей адам учурда Беларус-Польша чек арасындагы лагерлерде, начар шарттарда жан багууга аргасыз болуп турушат. Евробиримдик аларды өз мекендеринен алып келип... Читать дальше...

Болгарияда 14-ноябрда президенттик жана парламенттик шайлоо өтүп жатат. Ушуну менен өлкөдө соңку бир жылда үчүнчү жолу шайлоо өтүүдө. Апрель жана июль айында өткөн добуш берүүнүн жыйынтыгында парламентке өткөн партиялар министрлер кабинетин түзүү боюнча орток пикир таба алышкан эмес. Добуш берүү Болгарияда саясий кризис, каатчылык жана эпидемиологиялык абал курчуп турган маалда өтүп жатат. НАТО менен Евробиримдикке мүчө Болгарияда коррупция болуп көрбөгөндөй жайылган. Шаркеттеги мамлекеттердин ичинен эң жакыр... Читать дальше...

Эквадор бийлиги билдиргендей, түрмөдө тутанган тополоңдо кеминде 68 адам мерт кетип, 20дан көбү жаракат алды. Гуаякиль шаарындагы түрмөсүндөгү ызы-чуу 12-ноябрдын кечинде башталган. Буга ичиндеги топтордун таасир талашуусу түрткү болгон. Тополоң 14-ноябрга чейин уланды. Полиция түрмөнүн ичинен курал-жабдыктарды, жардыруучу заттарды тапкан. Президент Гильермо Лассо «Твиттер» аркылуу жакындарын жоготкон үй-бүлөлөргө көңүл айтып, «мафия менен күрөшүү үчүн жаңы чаралар» зарыл экенин белгиледи. ... Читать дальше...

Ливиялык диктатор Муаммар Каддафинин уулу Сайф аль-Ислам Ливиянын президенттигине ат салышарын 14-ноябрда жарыялады. Бул тууралуу жергиликтүү агенттиктер кабарлашты. Адамзатка каршы кылмыштарга айыпталып Эл аралык кылмыш сотунун издөөсүндө жүргөн Сайф аль-Ислам өз талапкерлигин өлкө түштүгүнөн койгонун Ливиянын Жогорку улуттук шайлоо комиссиясы билдирди. Маалыматка караганда, «тиешелүү юридикалык шарттардын баарын» аткаргандан кийин катоодон өткөрүлүп, ага атайын күбөлүк тапшырылган. 2011-жылы... Читать дальше...

Таласта ордо боюнча республикалык мелдеш өттү. Спорт чебери Элүүбай Макешовдун элесине арналган иш-чарага Талас, Чүй, Ош облустары, Бишкек шаарынан барган он команда катышты. Жаштар арасында 1-орунду Талас району, 2-орунду Чүй облусу, 3-орунду Талас облусу ээледи. Ардагерлер арасында 1-орун Талас облусу, 2-орун Ош облусу, 3-орун Талас районунун энчисине тийип, жеңүүчүлөр сыйлык алышты. Ордочулар оюндун өнүгүшүнө мамлекет жетиштүү көңүл бөлбөй келатканын айтышты.

Японияда өткөн мелдеште жалгыздап бийлөө боюнча жергиликтүү спортчулар Сёма Уно менен Каори Сакамото мыктылыгын көрсөтүштү. Башка категориялар боюнча көбүнесе россиялык спортчулар алдыга чыкты.

Грузиянын экс-президенти Михаил Саакашвилинин ден соолугу начарлаганын "Немис толкуну" жазып чыкты. Жеке дарыгери Николоз Кипшидзе Саакашвили алдан тайып, төшөктөн тура албай калганын 13-ноябрда журналисттерге маалымдады. Дарыгер түрмөгө кирип, саясатчынын жанында беш саат отуруп чыккан. Ал Михаил Саакашвили дагы деле ачкачылыгын токтото электигин, бирок  дарыларды колдонуп жатканын айткан. Кийинчерээк Украинанын Жогорку радасынын депутаты, Михаил Саакашвили менен жакшы мамиледе болгон Елизавета... Читать дальше...

Лас-Вегаста кечээ түнү өткөн UFC турнириндеги башкы кармаш жеңил салмактагы америкалык Макс Холлоуэй менен мексикалык Яир Родригездин ортосунда болгон.

Немис бийлиги өлкөдө коронавируска чалдыккандар кескин көбөйүп жатканына байланыштуу чукул кадамдарга даярданууда.  «Немис толкуну» радиосу 14-ноябрда билдиргендей, бийлик толуп калган жана ооруларды кабыл алууга жетишпей жаткан ооруканаларга жардам берүү үчүн 12 миңдей аскерди тез арада мобилизациялоону көздөп жатат.  Аскерлер бустердик эмдөө жүргүзүүгө, карылар үйлөрүндө, ооруканаларда экспрес-тесттерди алууга көмөктөшөт.   Канцлер Ангела Меркель мекендештерин вакцина алууга чакырып, коронавирустун... Читать дальше...

«Бийлик сырлары” берүүбүздүн бул жолку мейманы Кыргыз Республикасынын эмгек сиңирген экономисти, Жогорку Кенештин мурдагы депутаты Шарипа Садыбакасова болду. Маектешибиз кантип банк кызматкери болгонун, Москвадан “сөгүш алганын”, “Кыргызстан” банкынын акционерлери министрлер экенин, депутатттык “согуштар”, кантип “Ак жол” партиясына мүчө болгону, саясатчылар Атамбаев, Бабанов менен кармашуулары ж.б. жөнүндө кенен кеп кылат. - Шарипа эже, 1995-жылы Жогорку Кеңеште депутат болуп шайландыңыз. Айтыңызчы... Читать дальше...

«Бийлик сырлары” берүүбүздүн бул жолку мейманы Кыргыз Республикасынын эмгек сиңирген экономисти, Жогорку Кенештин мурдагы депутаты Шарипа Садыбакасова болду.

Президент Садыр Жапаров өзүнүн "Фейсбуктагы" баракчасы аркылуу билдирүү таратып,  добуш сатып алгандар жана өз добушун саткандар мыйзамга ылайык жазаланарын эскертти. “Шайлоодо добушун саткан да, сатып алып жаткан жарандар да жоопко тартыласыңар. Бир жарым жылдан эки жарым жылга чейин соттолуп кетесиңер. Жазык кодексинде ушундай берене бар. Ошондуктан, шайлоочулар добушуңарды сатпагыла, талапкерлер сатып албагыла. Эгер ушундай көрүнүштөр боло турган болсо, укук коргоо органдары катуу чара көргүлө! Читать дальше...

14-ноябрдын таңында Жалал-Абад облусунун Сузак районунда алты жашар кыз жана төрт жашар эгиз наристелер өздөрү жашаган үйдө иске ууланып чарчап калды. 23 жаштагы энеси эс-учун жоготкон абалда Жалал-Абад шаардык ооруканасына жеткирилген.  Анын абалы оор деп бааланууда. Алдын ала маалыматтар боюнча үй-бүлө үйдөгү мешке жагылган оттун исине ууланган. Бул тууралуу облустук орукананын баш дарыгеринин орун басары Мелис Баймуратов билдирди. Кыргызстанда жыл сайын кыш мезгилинде мешке от жагууда коопсуздук эрежелери сакталбай... Читать дальше...

Кыргызгидрометеорология агенттиги билдиргендей, 15-ноябрда түнкүсүн Чүй, Талас, Жалал-Абад облустарынын көпчүлүк аймактарында, Ош, Баткен, Ысык-Көл, Нарын облустарынын кээ бир райондорунда жаан, кар, тоо этектеринде жана тоолуу райондорунда кар жаашы күтүлөт. Жалал-Абад облусунун кээ бир райондорунда катуу жаан-чачын жаайт. Күндүз Чүй, Талас, Нарын, Жалал-Абад облустарынын көпчүлүк аймактарында, Ош, Баткен, Ысык-Көл облустарынын кээ бир райондорунда жаан, кар, тоо этектеринде жана тоолуу райондорунда кар жаашы күтүлөт. Читать дальше...

Шотландиянын Глазго шаарында БУУнун климат боюнча 26-саммити аяктады. 1-14-ноябрдагы саммиттин соңку күндөрү дүйнөдөгү кубаттуу державалар жакыр жашаган өлкөлөрдүн климаттын өзгөрүшүнө ыңгайлашуусу үчүн каражат бөлүү маселесин кызуу талкуулашты.

13-ноябрда Глазгодо Бириккен улуттар уюмунун климаттын өзгөрүүсүнө багытталган тараптардын 26-саммити (COP-26) өз ишин аяктады. Анда глобалдык климаттын өзгөрүүсүн токтотуу үчүн 100 миллиард доллардык фондду түзүү келишими макулдашылган жок. Айрым өлкөлөр бул багытта жакыр мамлекеттерге бере турган каражаттын суммасын жарыялады. Ага ылайык АКШ 2024-жылга чейин 11,4 млрд. доллар берет, анын 3 млрд. доллары климаттык өзгөрүүгө ыңгайлашууга багытталат. Британия 11,6 млрд. долларды 2020-2025-жылдар аралыгында берет... Читать дальше...

14-ноябрда аткезчилер менен чыр-чатак учурунда Ала-Бука чек ара отрядынын чек арачылары эскертүү иретинде ок атууга аргасыз болгонун Улуттук коопсуздук мамлекеттик комитетинен маалымдалды. Жалал-Абад облусунун Аксы районунун Таза-Суу жерлигинде Ак-Дөбө айылынын элүү чакты тургуну Өзбекстандын аймагына мыйзамсыз мал айдап өтүүгө аракет кылып жатышканда токтотулган. Чек арачылардын мал айдап өтүүнү токтотуу талабына алар баш ийген эмес. Чыр-чатактын күчөшүнө жол бербөө үчүн чек ара кезмети асманга эскертүү иретинде үч жолу ок чыгарышкан. Читать дальше...

Украинанын президенти Владимир Зеленский Орусия менен чек арада 100 миңдей орус аскерлери турганын айтып чыкты. Ал батыш мамлекеттери орус-украин чек арасында Орусиянын армиясынын активдүү кыймылы тууралуу маалымат беришкенин кабарлады.  «Дүйнө эми ким чынында тынчтыкты каалай турганын, ким 100 миңдей аскерин биздин чек арага топтоп жатканын ачык көрүп, түшүнөт деп үмүттөнөм», - деди Зеленский украин президентинин расмий сайтында жарыяланган видеокайрылууда.  Украина менен чек арага жакын... Читать дальше...

Ишембиде Польша полициясы Беларус менен чек арадагы токойдон 20 жаштагы сириялык мигранттын сөөгү табылганын, өлүмдүн себептерин иликтөө үчүн экспертиза дайындалганын Twitter баракчасына жазды. Ушуну менен Беларус-Польша чек арасында миграция кризиси башталгандан бери кеминде тогуз киши каза болгонун "Азаттыктын" Беларус кызматы кабарлады. Бириккен Улуттар Уюмунда Батыш өлкөлөрү Жакынкы Чыгыштан келген миңдеген киши Беларус менен Польшанын чек арасына топтолуп калганы үчүн беларус бийлигин айыптаган. Читать дальше...

Кыргызстанда көмүр тартыштыгы байкалып, анын баасы кымбаттап кетти. Буга Кара-Кече кениндеги көмүрдү казуу кечигип башталганы себеп болду. Учурда Кара-Кечеде абал кандай жана көмүр кризиси качан жоюлат. "Кыргыз көмүр" ишканасынын директору Мирлан Жакыпов "Азаттыктын" суроолоруна жооп берди. - Мирлан мырза, акыркы күндөрү Кыргызстанда, айрыкча Бишкек, Нарын аймактарында көмүрдүн жетишсиздиги байкалууда. Муну Министрлер кабинетинин төрагасы Акылбек Жапаров моюнуна алып, эки жума аралыгында бул маселени чечүүгө тапшырма берди. Читать дальше...

Ош шаарындагы 170 батирлүү эки үйдүн курулушу ушул жылдын соңунда бүтөт. Бул үйлөр алгачкы жолу муниципиалдык ипотека программасынын алкагында курулганын шаардык мэриянын аппарат жетекчиси Камчыбек Досматов 14-ноябрда “Азаттык” радиосуна билдирди. Анын айтымында, ипотека төрт пайыздык үстөк менен 12 жылдык мөөнөт менен берилет. Шаардык кеңеш бекиткен жобого ылайык батирлерди бөлүштүрүүдө мамлекеттик жана муниципиалдык кызматкерлер, мугалимдер менен дарыгерлерге артыкчылыктар бар. Учурда Ош... Читать дальше...

Эл аралык басма сөзгө апта ичинде чыккан макалалар менен тааныштырабыз. The Foreign Policy басылмасы 7-ноябрда жарыялаган көлөмдүү макалада Линдси Кеннеди жана Натан Поль Саутерн Кошмо Штаттар чыгып кеткенден кийин аймактын өлкөлөрү Кытайга караганда Орусияга ыкташы ыктымал деген көз карашы менен бөлүшүп, бул ойду ар тараптан талдап чыгышкан. Авторлор чөлкөмдү кыдырып, катардагы элдин пикирлерин сураган, андан тышкары эл аралык эксперттерди сөзгө тарткан. "Советтик башкаруу оор мурас калтырганына карабай... Читать дальше...

Кыргызстандын нефтетрейдерлер ассоциациясы жакын арада Аи-92-үлгүсүндөгү бензин 7 сомго, дизель майы 12 сомго чейин кымбатташы мүмкүн экенин билдирди. Буга дүйнөдө мунайдын баасынын өсүшү жана эл аралык рыноктогу тартыштыктар себеп экени айтылды.  Бензин Баткенде 65, Чаткалда 75 сомдон сатылууда Бишкек шаарында Аи-92  үлгүсүндөгү бензин 56-57 сомдон сатылып жатса, алыскы аймактарда алдаганча кымбаттады. Кээ бир жерлерден күйүүчү-майлоочу май саткан бекеттердин жабык турганын көрүүгө болот. Мисалы... Читать дальше...

Ысык-Көл облусунун Ак-Суу районундагы Жыргалаң айылында кароосуз калган шахта урап, өз алдынча көмүр казып жүргөн 58 жаштагы тургун каза болгонун Өзгөчө кырдаалдар министрлигинен маалымдашты. Маркумдун беш баласы бар. Окуя 13-ноябрь кечке жуук катталган. Куткаруучулар сөөктү "Тез жардам" кызматкерлерине өткөрүп беришкен. Кыргызстанда шахталарда адам өмүрүн алган кырсыктар тез-тез катталып турат. Быйыл 15-январда Баткен облусунун Лейлек районундагы Коргон айыл аймагындагы кароосуз калган көмүр шахтасында жарылуу болуп... Читать дальше...