Новости за 10.04.2021

په پلازمېنه ویانا کې د ایران د اټمي تړون د بیا را ژوندي کولو د غونډو لومړی پړاو پرون جمعه (د وري ۲۰مه) له پرمختګ پرته پای ته ورسېد، خو ډیپلوماتانو دا څلور ورځنۍ غونډې ګټورې وبللې.  اروپایي ټولنه د دې خبرو کوربتوب کوي او هڅه یې دا ده چې د امریکا متحد ایالاتونه او ایران بېرته د دوه زره پنځلسم کال د اټمي تړون ژمنې پرځای کړي.  د امریکا او ایران ډیپلوماتانو د دې غونډو پر مهال مخامخ خبرې سره ونه کړې، خو د اټمي تړون د نورو خواوو، بریتانیا، چین، فرانسې، جرمني او روسیې استازیو له ایراني لوري سره د شته اختلافاتو پرسر خبرې وکړې. Читать дальше...

هند خبر ورکړ چې د کرونا وبا مثبتې پېښې او د دې ناروغۍ د قربانیانو شمېره وروسته له څه باندې پنځه میاشتو یو ځل بیا اوج ته رسیدلې ده.  په هند کې د مارچ له وروستیو را په دې خوا تر یو میلیون ډېر کسان په کرونا اخته شوي دي او ورځني تلفات تر پنځه سوه اوړي.  مرکزي حکومت هڅې کوي چې د اقتصادي ستونزو د مخنیوي لپاره له ټولبنده ډډه وشي، خو یو شمېر ایالاتونو په خپله بندیزونه لګولي دي.  په ماهراشترا ایالت او مرکز ممبۍ کې سر له نننه رسټورانټونه بند شوي او په عامه ځایونو کې باید تر پنځو کسانو ډېر یو ځای نه شي. Читать дальше...

جین ساکي د سپینې ماڼې ویانده وايي، د امریکا د متحدو ایالاتونو ولسمشر جو بایډن به د مې میاشتې تر لومړۍ نېټې مخکې له افغانستانه د امریکايي ځواکونو د وتلو یا نه وتلو په اړه خپله وروستۍ پرېکړه اعلان کړي. نور په دې ویډیويي راپور کې وګورئ:

فارن پالیسي فارن پالیسي خپرونې د افغانستان او پاکستان د سیاسي چارو د کارپوه مایکل کوګلمن په قلم لیکل شوی مطلب خپور کړی چې سرلیک یې دی، روسیه په جنوبي اسیا کې خپل زور ښيي.  په مطلب کې راغلي چې هند او پاکستان ته د روسیې د بهرنیو چارو د وزیر سیرګي لاوروف سفر په سیمه کې د نفوذ د زیاتولو لپاره د مسکو هڅې ښيي.   لاوروف تېره اوونۍ لومړی نوې ډیلي او ورپسې اسلام اباد ته ولاړ. د فارن پالیسي مطلب زیاتوي چې سیمه کې د نفوذ د پراخولو لپاره د روسیې په هڅو کې د هند او چین ترمنځ د سرحدي لانجې او د پاکستان... Читать дальше...

د کندهار د ارغنداب ولسوالۍ چارواکي وايي، دغه ولسوالۍ له شااوخوا شپږو میاشتو جګړو وروسته پرون د جمعې (د وري ۲۰مه) په ورځ د وسله والو طالبانو له شتون څخه پاکه شوې، خو لارې او کوڅې یې لا هم په ماینونو پوښلي دي. د ارغنداب ولسوالۍ ولسوال انجنیر محمد شریف رسولي وايي، دغه ولسوالۍ له شااوخوا شپږو میاشتو وروسته د وسله والو طالبانو د شتونه پاکه شوې. د ولسوال په وینا دا مهال افغان امنیتي ځواکونو په سیمه کې د ماینونو د شنډولو لپاره عملیات پیل کړي دي. ښاغلي رسولي زیاته کړه: "د امنیتي ځواکونو د راپور پر... Читать дальше...

د افغانستان د کرکټ ملي لوبډلې درې وتلي ستوري د هندوستان د کرکټ په لیګ کې چې بېګا پيل شول، لوبېږي.  دغه افغان لوبغاړي محمد نبي، راشد خان او مجیب الرحمان دي چې درې سره د سنرایزر حیدر اباد په لوبډله کې لوبه کوي.  د افغانستان کرکټ بورد  له شور او زوږه ډک دغه لیګ کې د افغان لوبغاړو لوبېدل ګټور بولي.  د هندوستان د کرکټ غوره لیګ د جون میاشتې تر څلورمې نېټې دوام کوي.

د افغانستان برېښنا شرکت وایي چې د کابل د اوسېدونکو د لګښت بېلونه یې له دوه میاشتني سیستم نه یوې میاشتې ته واړول.  د دغه شرکت ویاند وحیدالله توحیدي ازادي راډیو ته وویل چې دا ګام یې د خلکو له پرله پسې غوښتنې وروسته اوچت کړی دی او په خبره یې د ۱۴۰۰ کال له پيله دا چاره د تطبیق وړ ده: "د کال له پیله به دا د کابل په رهایشي سیمو کې تطبیق کړای شي او په نژدې راتلونکې کې به نورو غټو ولایتونو ته هم وغځیږي. له اقتصادي لحاظه دا به مشترکینو ته د بل په لګښت کې پنځوس فیصده کمښت راولي."  د پلازمېنې کابل او شااوخوا... Читать дальше...

د ننګرهار په سرخ رود ولسوالۍ کې هغه لوی پُل بېرته ونښلول شو چې وړمه شپه وسله والو مخالفانو په بمونو الوزولی و.  دغه پل د کابل- جلال اباد پر دوهم لوی سړک جوړ شوی و چې د څو ولسوالیو لار پرې سپره وه.  د ننګرهار والي ضیاالحق امرخېل ازادي راډیو ته وویل، پرون د ورځې په ترڅ کې خلک د پله د ورانې له کبله له ګڼو ستونزو سره مخ و: "د افغانستان دښمنانو د سره رود ولسوالۍ د فتح اباد په سیمه کې یو پلچک چې پر عمومي سړک و او دغه سړک درې ولسوالۍ سره وصلوي، په بمونو والوزوه او په بشپړه توګه یې له منځه یووړ، موږ... Читать дальше...

د امریکا د بهرنیو چارو وزارت وایي، د ایران کاري ډله بېرته خپلې خبرې پيلوي.  د دغه وزارت ویاندې جالینا پورتر د جمعې (د وري ۲۰مه) په ماښام وویل، واشنګټن تمه لري چې دا ډله راتلونکې اوونۍ خپل کار پيل کړي.  دې وویل، اوس مهال د دواړو هېوادونو پلاوي د مشورو لپاره خپلو پلازمېنو ته بېرته ګرځیدلي دي.  د امریکا او ایران د اټمي خبرو منځګړیتوب په اټمي تړون کې ښکېل اروپایي او د نړۍ نور ستر قدرتونه کوي.  د نړۍ له شپږو پياوړو هېوادونو سره د ایران اټمي موافقه ۲۰۱۵ میلادي کال کې لاسلیک شوه، خو د امریکا پخوانی ولسمشر ۲۰۱۸ کال کې له دې موافقې ووت.

ترکیه وایي، د امریکا متحده ایالاتونه تور سمندرګي ته دوه جنګي بېړۍ استوي.  د ترکیې د بهرنیو چارو وزارت یوه ویاند پرون جمعه (د وري ۲۰مه) ماښام د جرمني 'ډي.پي.اې' اژانس ته وویل، دا بېړۍ د باسفورس بندر له لارې تور سمندرګي ته اوړي.  د امریکا دفاع وزارت د تېرې دوشنبې په ورځ دغې سیمې ته د بېړۍ د استولو په تړاو له خبرو ډډه وکړه، خو ويې ویل، دا کوم غیر معمول کار نه دی.  تراوسه لا معلومه نه ده چې له اوکراین سره نژدې دې سمندرګي کې د امریکایي سمندري ځواکونو د حضور زیاتوالی دغلته د روسیې د ځواکونو له حضور... Читать дальше...

انټرپول یا نړیوال پولیس وایي، په اروپا او افریقا کې يې ۱۹۵ تنه نیولي او د انساني قاچاق پنځه سوه قربانیان یې ژغورلي دي.  د انټرپول په وینا دا پراخ عملیات د قانون د تنفیذ نړیوالې ادارې له خوا چې مرکز یې په فرانسه کې دی، ترسره شوي دي.  دوی وایي، نیول شوي کسان د انسانانو په قاچاق، ناقانونه کډوالۍ، د اسنادو په جعل او د نشه یي توکو اړوند جرمونو باندې تورن دي.  نړیوال پولیس وایي، دغو تورنو کسانو کې د سوډان، اسپانیې او چین اتباع شامل دي.

د نړۍ د بېلابېلو هېوادونو مشرانو، سیاستوالو او پېژندل شوېو څېرو د بریتانیا د ملکې د مېړه شهزاده فیلیپ پر مړينه خواشیني څرګنده کړې. دغو مشرانو ملکې الېزابت او د بریتانیا شاهي کورنۍ ته د تسلیت پیغامونه لیږلي دي. شهزاده فیلیپ پرون د ۹۹ کلونو په عمر مړ شو. د بریتانیا د بکنګهم ماڼۍ یا د انګلستان د سلطني قصر بیرغونه د شهزاده فیلیپ د مړینې په ویر نیمه ځوړند دي. د انګلستان حکومت له خلکو غوښتي چې د همدردۍ د څرګندولو لپاره د دغې ماڼۍ شاوخوا ته راټول نه شي او د کرونا د مخنیوي اصول مراعات کړي. له... Читать дальше...

د پاکستان د بهرنیو چارو وزارت وایي، اسلام اباد له افغانستانه د بهرنیو ځواکونو د منظم او با مسولیته وتلو ملاتړ کوي. د دغه وزارت ویاند زاهد حفیظ چوهدري وایي، د بهرنیو پوځیانو په بېړه وتل به ویجاړونکو یا ګډوډونکو کسانو ته د فعالیت موقع ورکړي. نوموړي پرون جمعه (د وري ۲۰مه) په اسلام اباد کې د خپلې اونیزې خبري ناستې پر مهال وویل چې افغانستان تېر کال د سولې برخه کې ښه پرمختګونه کړي او په خبره یې دا باید وساتل شي او لا پیاوړي شي. په اسلام اباد کې د ازادي راډيو د مشال څانګې خبریال طاهرخان د ښاغلي چوهدري د خبرو نور جزئیات داسې څرګند کړل... Читать дальше...