Новости за 07.08.2021

د ارزګان-کندهار د لويې لارې پرسر تلونکي مسافر او موټر چلوونکي وايي، دا لاره نن لسمه ورځ ده چې طالبانو د ملکي خلکو پر مخ تړلې چې له امله یې دوی له ګڼو ستونزو سره مخ دي. که څه هم د لارې تړل کېدو له امله ګڼ شمېر موټرونه او مسافر په ترینکوټ ښار کې بند پاتې، خو یو شمېر موټر چلوونکي وایي چې د خلکو د مجبورۍ پر اساس کندهار ته دوه شپې او دوه ورځې مزل کوي. ۳۸ کلن محمد رحیم د ارزګان او کندهار ترمنځ  د لویې لارې پر سر موټر چلوي وايي، کله چې طالبانو ورباندې یاده لار وتړله، نه یوازې دا چې ګټه يې نه ده کړې، بلکې ورته څو چنده زیان رسیدلی دی. Читать дальше...

امریکایي ځواکونو او د نړۍ اوو سترو صنعتي هېوادونو ایران د عمان په اوبو کې د تیلو د نړیوالې بیړۍ د برید مسوول بللی دی.  د امریکا مرکزي قومانداني وایي، داسې شواهد یې راغونډ کړي دي چې په عرب سمندرګي کې د تیلو پر بېړۍ د ډرون الوتکې برید شوی دی او د شواهد له مخې دا الوتکه په ایران کې جوړه شوې ده.  په دې حمله کې چې د جولای په ۲۹مه وشوه د کښتۍ یو بریتانیایي ساتونکی او  هغې چلونکی چې د رومانیا و، ووژل شول.  په ورته وخت کې د نړۍ اوو سترو صنعتي هېوادونو یا جي اووه، دا برید غندلی دی او دا حمله یې غیر قانوني بللې ده. Читать дальше...

د افغانستان دفاع وزارت د نیمروز لپاره د طالبانو د نومول شوي والي د وژلو ادعا کوي.  د دې وزارت یوه ویاند فواد امان په خپل ټویټر کې لیکلي دي چې عبدالخالق تېره شپه له ۱۴ تنه نورو طالبانو سره د هوایي برید پرمهال د زرنج په ښار کې ووژل شو.  طالبانو تر اوسه په دې اړه څه نه دي ویلي.

سپینې ماڼۍ طالبان او د افغانستان ګاونډیان وهڅول چې د افغان سولې او د سیمې د ثبات لپاره هڅې زیاتې کړي.  د سپینې ماڼۍ ویاندې جین ساکي پرون جمعه (د زمري ۱۵مه) په واشنګټن کې خبري غونډې ته وویل چې طالبان او د افغانستان ګاونډیان باید خپله انرژي د افغانستان په سوله او ثبات مصرف کړي. نوموړې وايي: "که طالبان په نړیواله کچه مشروعیت غواړي، دا اعمال دوی ته دا مشروعیت نه ورکوي، دوی باید په دې لاره روان نه شي، دوی باید دغه انرژي چې په پوځي کمپاین یې لګوي د سولې پر بهیر ولګوي. موږ په ډېر قوت دوی دې ته هڅوو،... Читать дальше...

د کندز ښار تېره شپه د سختو جګړو شاهده وو، وسله والو طالبان له څلورو استقامتونو پر ښار برېدونه پيل کړي وو او ان د ښار فضا کې مرمۍ له مرمۍ سره جنګېدلې. دې روان حالت د کندز ولایت اوسېدونکي سخت اندېښمن کړي دي. د کندز ښار د ګوټې ګرد  د سیمې یو اوسېدونکی رحمت الله وايي: "د شپې مې د جګړو له لاسه خوب نه دی کړی، لا هم د ښار په نژدې څنډو کې جګړه روانه ده. په کورونو کې مرمۍ او راکټونه لګېدلي." یو شمېر کندزیان وايي، که ډېر ژر د کندز روان وضعیت ته پاملرنه ونه شي، ښايي دغه ولایت د وسله والو طالبانو په لاس سقوط شي. Читать дальше...

په کونړ کې سوداګر او عام هټیوال وايي، جګړو يې سوداګري او کاروبار کمزوری کړی دی. د دوی په خبره، پخوا به له ولسوالیو او لېرې پرتو سېمو هټیوال او عام وګړي سوداګانو پسې راتلل، خو د جګړو زیاتېدو سره  اوس کډوال شوي دي. په کونړ کې سوداګر په هېواد او په ځانګړي ډول په یاد ولایت کې د جګړو له زیاتوالي او د دوی د کاروبارونو له کمزورتیا شکایت کوي. هاخو د کونړ چارواکي هم مني چې کرونا او جګړو يې په ولس او سوداګرو بده اغېزه کړې ده. د کونړ والي محمد اقبال سعید ازادي راډیو ته وویل: "موږ اسعداباد کې د نړیوال... Читать дальше...

کابل کې چاپېدونکو ورځپاڼو په خپلو نننيو ګڼو کې په افغانستان کې وروستيو د الله اکبر نعرو ته په اشارې سره سرمقالې خپرې کړي دي. د ازادي راډیو خبریال د دغه ورځپاڼو غورچاڼ په یوه راپور کې رانغاړلی دی. سرخط سرخط ورځپاڼې په خپله سرمقاله کې ليکلي، طالبانو د افغانستان په څو ولايتونو کې خپلو بريدونو ته زور ورکړی. د سرمقالې ليکوال ليکلي کندهار، هلمند او هرات په دې وروستيو کې سخت تر پوځي فشار لاندې راغلی، خو افغان پوځ يې پر وړاندې مبارزه کوي. وړاندې په سرمقاله کې ليکوال د ولس له شور او زور هم هرکلی کړی کړی دی. Читать дальше...

د بریتانیا حکومت خپلو ټولو اتباعو غوښتي دي چې له افغانستانه ووځي.  فرانس پرېس اژانس د بریتانیا د بهرنیو چارو وزارت په وینا پرون جمعه (د زمري ۱۵مه) خبر وکړ چې د افغانستان امنیتي وضعیت په خرابیدو دی.  لندن دا خبرداری وروسته تردې ورکوي چې طالبانو خپل بریدونه زیات کړي دي او پرون یې د نیمروز مرکز زرنج ښار ونیو. دا لومړی ځل دی چې د وروستیو جګړو په ترڅ کې طالبان د یوه ولایت مرکز نیسي.

د افغانستان د کورنیو چارو وزارت وايي، طالب وسله وال له درنو تلفاتو وروسته د جوزجان له مرکز شبرغان ښاره په شا تمبول شوي دي.  د دې وزارت ویاند میرویس ستانکزي تېر ماښام ازادي راډیو ته وویل: "د تازه دمو ځواکونو له را رسېدو سره، د امنیتي دفاعي ځواکونو انسجام او د ولسي خلکو په مرسته او ملاتړ نه یوازې شبرغان ښار ډېر ژر له طالبانو تصفیه او ونیول شو او دوی د شبرغان ښار څنډو ته وشړل شول، بلکې دوی ډېر زیات تلفات هم ورکړل. سلو تنو ته یې مرګ ژوبله رسېدلې ده او د ښار له څنډو په شا وتمبول شول."  ښاغلي ستانکزي... Читать дальше...

د افغان حکومت د رسنیو د مرکز د رییس ترور د ملګرو ملتونو په امنیت شورا کې په کلکو ټکو وغندل شو.  دواخان مینه پال پرون جمعه (د زمري ۱۵مه) په کابل کې په یو تروریستي برید کې چې مسوولیت یې طالبانو ومانه، ووژل شو.  په ملګرو ملتونو کې د بریتانیا سفیرې باربرا ووډ وارډ د افغانستان د وضعیت په اړه د ملګرو ملتونو په بېړنۍ غونډه کې د خبرو پر مهال وویل: "د هدفي وژنو شواهد شته. د حکومت د رسنیو د مرکز د مشر دواخان مینه پال د خواشینوونکي قتل په ګډون حکومتي چارواکي وژل شوي. موږ د اقلیتونو او ښځو پر وړاندې د طالبانو... Читать дальше...

د افغانستان د بهرنیو چارو وزیر د طالبانو وروستي بریدونه له نړیوالو قوانینو څرګنده سرغړونه او یو بشري ناورین بللی دی.  د افغانستان د بهرنیو چارو وزارت په یوه بیان کې ویلي دي چې د بهرنیو چارو وزیر محمد حنیف اتمر پرون د زمري په ۱۵مه د طالبانو د حملو د سختولو، د دې ډلې له خوا د بشري سرغړونو او د دې په نتیجه کې د بشري ناورین په اړه د ملګرو ملتونو د بشري حقونو له لویې کمېشنرې مېشل بشلې سره خبرې وکړې.  د بیان له مخې مېرمن بشلې هم د افغانستان پر روان وضعیت چې بشري ناورین یې رامنځته کړی دی اندېښنه وښودله. Читать дальше...

د روسیې ګازپروم دولتي شرکت پرون د اګسټ په شپږمه اعلان وکړ چې د سایبریا په لویدیځ کې د ګاز د پروسس په تاسیساتو کې د اور لګېدنې له پېښې وروسته بهر ته د ګاز د صادرولو بهیر پڅ شوی دی. د راپورونو له مخې نووي اورېنګوی سیمې ته نژدې په دې اورلګېدنه کې چا ته زیان نه دی اوښتی، خو روسي رسنیو اعلان کړی چې د بلاروس او پولنډ له لارو بهر ته د روسیې د ګاز په صادراتو کې د ورځې یو میلیون مکعب متر کموالی راغلی. ګازپروم شرکت له دې مخکې د یامال- اروپا د ګاز د پایپلاین په وسیله له یامال ټاپو وزمې څخه د بلاروس له لارې... Читать дальше...

سلووینیا چې د اروپايي ټولنې دوره یي مشري کوي پرون جمعه (د زمري ۱۵مه) وویل، د دې ټولنې د بهرنیو چارو وزیران به د اګسټ په اتلسمه په خپله فوق العاده غونډه کې له بلاروس څخه لېتوانیا ته د غیرقانوني سرحدي لارو د زیاتېدو په اړه بحث وکړي.  رویټرز خبري اژانس د هغو مکتوبونو پر اساس چې د سلووینیا له خوا د اروپايي ټولنې ډپلوماتانو ته استول شوي وايي، په دې ویډیو کنفرانس کې به د فرونټکس یا د اروپايي ټولنې د سرحدي ادارو او د یورو پول استازي هم ګډون وکړي.  د رویټرز د راپور له مخې د دې مکتوب په متن کې راغلي چې... Читать дальше...

د روسیې یوې محکمې پرون جمعه (د زمري ۱۵مه) امریکایي پانګوال مایکل کالوي د اختلاس په تور په پنځه نیم کال تعلیقي بند محکوم کړ.  د دې حکم له صادرېدو یوه ورځ مخکې کالوي په هغه دوسیه کې چې نړیوالې تجارتي ټولنې له نژدې څارله مجرم وپېژندل شو.  د انټرفاکس خبري اژانس د راپور له مخې د بارینګ واستوک په نوم د پانګونو د خصوصي شرکت بنسټ ایښودونکی مایکل کالوي د ۲۰۱۹ میلادي کال په لومړیو کې د دې ډلې له نورو مدیرانو سره یوځای نیول شوی و.  کالوي او د دې شرکت نورو مشرانو پر دوی لګېدلي تورونه رد کړي دي.  د کالوي... Читать дальше...

د ملګرو ملتونو امنیت شورا په خپلې پرونۍ (د زمري ۱۵مه) بېړنۍ غونډه کې وویل، د افغانستان جګړه یوه خونړي او ویجاړوونکي پړاو ته رسېدلې ده. په دې غونډه کې چې په افغانستان کې د ناکراریو له پراخېدو وروسته د افغان حکومت د غوښتنې پر اساس جوړه شوې وه، د افغانستان لپاره د ملګرو ملتونو د مرستندوی ماموریت یا یوناما مشرې ډیبرا لاینز، د افغانستان د بشري حقونو د خپلواک کمېسیون مشرې شهرزاد اکبر او د افغان دولت او نورو هېوادونو استازو د افغانستان پر وضعیت خبرې وکړې. د یوناما غبرګون د یوناما مشرې تر ډېره طالبان... Читать дальше...

د ایران نوي ولسمشر ابراهیم رییسي په افغانستان کې د سولې په ټینګښت کې د هند د ونډې ملاتړ وکړ او په عین حال کې یې، د نوې ډېلي او تهران د اړیکو د پیاوړي کولو لپاره د یوې ګډې طرحې پر اړتیا ټینګار وکړ. ښاغلي رییسي چې د پنجشنبې په ورځ یې لوړه وکړه، پرون جمعه د زمري په ۱۵مه د هند د بهرنیو چارو له وزیر اېس جې شنکر سره چې د ده د لوړې په مراسمو کې یې د نوي ډېلي په استازیتوب ګډون کړی و، تر کتنې وروسته پر ټویټر ولیکل چې د ایران او هند ترمنځ د سیمه ییزو ګټو په مساله کې د نظر یووالی شته. جې شنکر په داسې حال... Читать дальше...

د نړۍ ګڼ شمېر چاپي او الکترونیکي رسنیو د افغانستان حکومت د اطلاعاتو او رسنیو د مرکز د ريیس دواخان مینه پال پر وژل کېدو راپورونه خپاره کړي دي.  مینه پال چې له ۲۰۰۶ تر ۲۰۱۰ پورې د ازادي راډیو خبریال و، پرون په کابل کې ووژل شو او مسوولیت یې طالبانو په غاړه واخیست. انډپېنډنټ  انډپېنډنټ ورځپاڼې او د ازادو مطبوعاتو ژورنال د طالبانو د ویاند ذبیح الله مجاهد څرګندونې رااخیستي چې د مینه پال په وژلو کې یې د خپلې ډلې لاس لرل تایید کړي دي.  فري پرېس ژورنال فري پرېس ژورنال یا د ازادو مطبوعاتو ژورنال... Читать дальше...