კრემლი: CIA დაგვეხმარა ტერაქტების აღკვეთაში სანკტ-პეტერბურგში
კრემლი აცხადებს, რომ აშშ-ის ცენტრალური სადაზვერვო კომიტეტმა (CIA) მას მიაწოდა ინფორმაცია, რომელიც რუსეთს დაეხმარა ტერორისტული აქტების აღკვეთაში სანკტ-პეტერბურგში. 17 დეკემბერს, სატელეფონო საუბარში რუსეთის პრეზიდენტმა, ვლადიმირ პუტინმა მადლობა გადაუხადა აშშ-ის პრეზიდენტ დონალდ ტრამპს ინფორმაციისთვის, რომელიც გამოიყენეს თავდასხმების დაგეგმვაში ეჭვმიტანილი "ტერორისტების ჯგუფის დევნისა და დაკავებისთვის" - ამ ცნობას ავრცელებს რუსეთის სახელმწიფო საინფორმაციო სააგენტო "ტასსი". თეთრ სახლს ჯერჯერობით სატელეფონო ზარის შესახებ განცხადება არ გაუვრცელებია.