ვოლოდიმირ ზელენსკიმ წინადადება წამოაყენა, მისი ინაუგურაცია გაიმართოს 19 მაისს
უკრაინის არჩეულმა პრეზიდენტმა ვოლოდიმირ ზელენსკიმ წინადადება წამოაყენა, მისი ინაუგურაცია გაიმართოს 19 მაისს. ამის შესახებ მან ფეისბუკში დაწერა. თუკი ქვეყნის პარლამენტი, უმაღლესი რადა, ახალი პრეზიდენტის ინაუგურაციას 27 მაისამდე არ დანიშნავს, მაშინ ზელენსკი ვერ მოახერხებს პარლამენტის დათხოვნის შესახებ ბრძანებულების გამოცემას. უკრაინის კანონებით პრეზიდენტს რადის დათხოვნის უფლება აქვს არაუგვიანეს ნახევარი წლით ადრე პარლამენტის უფლებამოსილების დასრულებამდე. უკრაინის ამჟამინდელი პარლამენტის უფლებამოსილება 27 ნოემბერს იწურება. Читать дальше...