Новости за 19.05.2019

ნაციონალური მოძრაობის ერთ-ერთი ლიდერი, ნიკა მელია, ტელეარხ "რუსთავი ორთან" საუბარში აცხადებს, რომ "წინდაუხედავი განცხადებების გაკეთება" არ შეიძლება არჩევნების შედეგებთან მიმართებით. მელიას თქმით, ზოგიერთი ოპოზიციური პოლიტიკოსის ნათქვამი, „გამოვალ ხვალ და რევოლუციას დავიწყებ“, სასოწარკვეთაში აგდებს ამომრჩეველს. „ბევრი ოპოზიციური პოლიტიკოსი გამოდის, რომ თუ ეს [გამარჯვება] თუ არ იქნება, გამოვალ ხვალ და დავიწყებ რევოლუციას. არ იწყება ეს რევოლუცია და უარეს სასოწარკვეთაში ვაგდებთ ამომრჩევლებს. არ შეიძლება ასეთი წინდაუხედავი განცხადებების გაკეთება“... Читать дальше...

საქართველოს ექსპრეზიდენტმა, მიხეილ სააკაშვილმა თავის ფეისბუკის გვერდზე გამოაქვეყნა ვიდეომიმართვა, რომელშიც აცხადებს, რომ ბიძინა ივანიშვილის მმართველობის პირობებში საქართველოში "არჩევნები გაუქმდა" და დასძენს, რომ მხარს უჭერს სანდრა რულოვსის მოწოდებას, "გავიდეს და მოიაროს საქართველოს თითოეული ქალაქი". "იმისათვის, რომ ჩვენ ჩავატაროთ თავისუფალი არჩევნები საქართველოს რომელიმე ცალკე აღებულ პუნქტში, ან ქვეყნის მასშტაბით, ერთადერთი მეთოდი არის ივანიშვილის არაფორმალური მმართველობის მოშორება. მეტი გზა არჩევნების ჩატარების... Читать дальше...

საქართველოს პარლამენტის სპიკერმა, ირაკლი კობახიძემ, შუალედურ არჩევნებთან დაკავშირებით საგანგებო ბრიფინგი გამართა და განაცხადა, რომ მეორე ტურის გამართვა მხოლოდ თბილისში, მთაწმინდის ოლქში იქნება საჭირო. კობახიძის თქმით, ქართული ოცნების კანდიდატს, ლადო კახაძეს, ამ ოლქში ხმათა 40,92 პროცენტი აქვს. კობახიძემ ასევე განაცხადა, რომ წინასწარი მონაცემებით, ყველა სხვა ადგილას მმართველი პარტიის კანდიდატები იმარჯვებენ. მისი თქმით, ზუგდიდში მათმა კანდიდატმა, გეგა შენგელიამ ხმების 54.08 პროცენტი მიიღო.  კობახიძის ინფორმაციით... Читать дальше...

საქართველოს პრემიერ-მინისტრის, მამუკა ბახტაძის თქმით, „ქართული ოცნების“ კანდიდატები პირველივე ტურში დიდი უპირატესობით იმაჯვებენ ყველა საარჩევნო ოლქში. ბახტაძის თქმით, მეორე ტური, შესაძლოა, მხოლოდ მთაწმინდის საარჩევნო ოლქში გაიმართოს. საქართველოს პრემიერ-მინისტრმა კომენტარი გააკეთა ზუგდიდის მერობის კანდიდატის, სანდრა რულოვსის განცხადებაზე, რომლის მიხედვითაც, ზუგდიდის მერის არჩევნებში „ნაციონალურმა მოძრაობამ“ გაიმარჯვა პირველივე ტურში და „თუ ხელისუფლება გამოაცხადებს პირველ ტურს მოგებულს, მიიღებენ მთელი ქვეყნის პროტესტს. Читать дальше...

საქართველოს პარლამენტის წევრობის კანდიდატი, შალვა შავგულიძე აცხადებს, რომ ამ ეტაპისთვის არსებული მონაცემებით, მან გამარჯვება მოიპოვა მთაწმინდის ოლქის 12 უბანზე, 23 უბნიდან. შავგულიძემ "ევროპული საქართველოს" ერთ-ერთ ლიდერთან, დავით ბაქრაძესთან ერთად გამართა ბრიფინგი და ოპოზიციურად განწყობილ ამომრჩეველს მოუწოდა მეორე ტურში აქტიურობა გამოიჩინონ.

ლიონელ მესი ერთ-ერთი ყველაზე ცნობილი ადამიანია, რომლის სახელსაც პანამის დოკუმენტებში ვხვდებით. ბევრი სხვა ვარსკვლავიც, სპორტსმენი თუ ხელოვანი სარგებლობდა "მოსაკ-ფონსეკას" მომსახურებით. პანამის დოკუმენტებში ნახსენებია აგრეთვე ასობით ბიზნესმენი და პოლიტიკოსი - მათ შორის სხვადასხვა ქვეყნის ყოფილი და მოქმედი 12 პოლიტიკური ლიდერი: ბიძინა ივანიშვილი, პეტრო პოროშენკო, ისლანდიის პრემიერ-მინისტრი ზიგმუნდურ დავიო გუნლაუგსონი.

„ჩვენ მოგებული გვაქვს პირველი ტური და თუ ისინი გამოაცხადებენ პირველ ტურს მოგებულს, მიიღებენ მთელი ქვეყნის პროტესტს“, - განაცხადა ზუგდიდში „ნაციონალური მოძრაობის“ მერობის კანდიდატმა, სანდრა რულოვსმა. მისი თქმით, ის მზად არის, დაიაროს სოფელ-სოფელ, როგორც თავის დროზე ეს გააკეთა ზვიად გამსახურდიამ და თბილისში ბიძინა ივანიშვილის „შუშის სასახლემდე“ გაუძღვება ხალხს. სანდრა რულოვსის განცხადებით, ის არ ხუმრობს და ნებისმიერ ფასად გააკეთებს ამას, თუკი ზუგდიდში პირველ ტურში გამარჯვებულად გამოცხადდება „ქართული ოცნების“ კანდიდატი. Читать дальше...

„პანამის დოკუმენტების“ გამოქვეყნებას ზოგან მასობრივი პროტესტი მოჰყვა, სხვაგან - გამოძიებების ტალღა და საკანონმდებლო ცვლილებები. როგორი იყო რეაქცია საქართველოში იმათგან, ვინც დოკუმენტებშია ნახსენები, ან, ზოგადად, საზოგადოებისგან? ჩვენს შეკითხვებს უპასუხებს ნინო ბაქრაძე, გამომძიებელ ჟურნალისტთა გაერთიანება "აი, ფაქტის" დამფუძნებელი.

საქართველოს პარლამენტის თავმჯდომარე, ირაკლი კობახიძე მის ხელთ არსებულ წინასწარ მონაცემებზე დაყრდნობით ამბობს, რომ დიდი უპირატესობით პირველივე ტურში იმარჯვებენ „ქართული ოცნების“ კანდიდატები ზუგდიდის, მარნეულის, ჭიათურის და ხულოს საარჩევნო ოლქებში. „რაც შეეხება მთაწმინდის საარჩევნო ოლქს, დიდი უპირატესობა გვაქვს ამ ოლქშიც, თუმცა არ გამოვრიცხავთ მეორე ტურის შესაძლებლობას ლადო კახაძესა და შალვა შავგულიძეს შორის. ზესტაფონიდან არ გვაქვს იმ რაოდენობის ოქმები, რაც განზოგადების საშუალებას მოგვცემდა“, - განაცხადა... Читать дальше...

„არჩევნების დღემ საარჩევნო უბნებში ძირითადად მშვიდ გარემოში ჩაიარა“, - განაცხადა ცენტრალურმა საარჩევნო კომისიამ ხმის მიცემის პროცესის შეწყვეტის შემდეგ. „მიუხედავად კენჭისყრის შენობის გარეთ ცალკეულ შემთხვევებში განვითარებული მოვლენებისა, ამომრჩევლებმა თავისუფლად შეძლეს საკუთარი ნების გამოხატვა“, - განაცხადა ცესკოს პრესსპიკერმა, ანა მიქელაძემ, საარჩევნო უბნების დახურვის შემდეგ გამართულ ბრიფინგზე. მისი თქმით, „საარჩევნო ადმინისტრაცია უზრუნველყოფს ხმის დათვლის პროცესის გამჭვირვალობას“ და „საარჩევნო... Читать дальше...

აფეთქება მოხდა ეგვიპტეში, გიზას ცნობილი პირამიდების ახლოს, ტურისტული ავტობუსის გვერდით.  სააგენტო ფრანს პრესი პოლიციაზე დაყრდნობით იუწყება, რომ დაშავებულია სულ მცირე 17 ადამიანი. როიტერსის ინფორმაციით, დაშავებულთა უმრავლესობა ტურისტია.  ასაფეთქებელი მოწყობილობა მოქმედებაში მოვიდა მაშინ, როცა ტურისტების ავტობუსმა ჩაიარა. ავტობუსში სულ მცირე 25 ადამიანი იყო, უმეტესობა ტურისტი სამხრეთ აფრიკიდან.

ზუგდიდის მე-9 საარჩევნო უბანზე სასწრაფო სამედიცინო დახმარების მანქანის გამოძახება გახდა საჭირო. თავი შეუძლოდ იგრძნო "ერთიანი ნაციონალური მოძრაობის" დამკვირვებელმა ელგუჯა შაფათავამ. მისი კოლეგები აცხადებენ, რომ დამკვირვებელი მძიმე დღის შედეგად გადაიღალა. ზუგდიდის მე-9 საარჩევნო უბნის დახურვიდან მალევე შენობიდან გააძევეს „ნაციონალური მოძრაობის“ ერთ-ერთი ლიდერი თინა ბოკუჩავა, რომელიც რამდენიმე პირმა უბნიდან ძალის გამოყენებით გაიყვანა. როგორც საუბნო კომისიის წევრები აცხადებდნენ, დეპუტატს არ ჰქონდა... Читать дальше...

ზუგდიდში 67-ე საოლქო-საარჩევნო კომისიასთან, შენობაში და შენობის მიმდებარე ტერიტორიაზე, დაიწყო პოლიციის დანაყოფების მობილიზება, - ამის შესახებ ზუგდიდიდან იუწყება რადიო თავისუფლების კორესპონდენტი, რომლის თქმითაც, საოლქო საარჩევნო კომისიის უკანა ეზოში შევიდა ორი ავტობუსი, რომლებშიც ასევე პოლიციის პირადი შემადგენლობა იმყოფება. „კომიის შენობის წინ, ქუჩაში განლაგებულია საპატრულო პოლიციის ეკიპაჟები და პირადი შემადგენლობა. ქუჩა მთლიანად მოცულია პოლიციებით. საოლქო კომისიის შესასვლელში ასევე გაკეთებულია პოლიციის კორდონი... Читать дальше...

ზუგდიდის მე-9 საარჩევნო უბნიდან „ნაციონალური მოძრაობის“ ერთ-ერთი ლიდერი თინა ბოკუჩავა გააძევეს. დეპუტატი რამდენიმე პირმა უბნიდან ძალის გამოყენებით გაიყვანა. როგორც უბანზე აცხადებდნენ, დეპუტატს არ ჰქონდა პირადობის დამადასტურებელი მოწმობა და შესაბამისი დოკუმენტაცია, რომ ხმის დათვლის პროცესს დასწრებოდა. წყარო: ინტერპრესნიუსი

„ხმის მიცემის პროცედურებმა უბნებზე არსებითი დარღვევების გარეშე ჩაიარა“, - ასეთია ახალგაზრდა იურისტთა ასოციაციის საერთო შეფასება, რომელიც ორგანიზაციის დამკვირვებლების მიერ 20:00 საათისთვის, ხმის მიცემის პროცესის შეწყვეტის დროისთვის შეგროვილ ინფორმაციას ეყრდნობა. საიას თავმჯდომარის, სულხან სალაძის განცხადებით, ზუგდიდის ოლქში დღის ბოლომდე შენარჩუნდა ტენდენცია, რომელიც ამომრჩეველთა ნების კონტროლს გულისხმობს. „შენარჩუნდა დღის პირველი ნაწილის ნეგატიური ტენდენცია, რაც გამოიხატებოდა ზუგდიდის ოლქში ამომრჩეველთა... Читать дальше...

ახალგაზრდა იურისტთა ასოციაციის განცხადებით, უსაფუძვლო იყო ჟურნალისტის, ინტერნეტ მედია ჯგუფის (itv.ge, presa.ge, droni.ge) დირექტორის, გიორგი კაპანაძის დაკავება ზუგდიდის ოლქში. „როგორც გავრცელებული კადრებით დასტურდება, არ არსებობდა მისი თავისუფლების სამართლებრივი წინაპირობა; ხოლო პოლიციელთა ქმედება სცილდება კანონით მათთვის მინიჭებულ უფლებამოსილებას. ჩვენ ვაპირებთ, რომ ამ საკითხს მივადევნოთ თვალი და მოგვიანებით ვნახავთ, თუ როგორ წარიმართება ეს საქმე“, - განაცხადა საიას ხელმძღვანელმა, სულხან სალაძემ 19 მაისს გამართულ ბრიფინგზე. Читать дальше...

ზუგდიდის მე-9 საარჩევნო უბნიდან გააძევეს „ნაციონალური მოძრაობის“ ერთ-ერთი ლიდერი თინა ბოკუჩავა, რომელიც რამდენიმე პირმა უბნიდან ძალის გამოყენებით გაიყვანა. როგორც საუბნო კომისიის წევრები აცხადებდნენ, დეპუტატს არ ჰქონდა პირადობის დამადასტურებელი მოწმობა და შესაბამისი დოკუმენტაცია, რათა ხმის დათვლის პროცესს დასწრებოდა. „დამარეკინეთ ცესკოს თავმჯდომარესთან. თქვენს მაგივრად მცხვენია. ივანიშვილი დასრულდება და თქვენ ისევ მოგიწევთ მუშაობა პოლიციაში. პარლამენტის წევრს აქვს ნებისმიერ ადმინისტრაციულ შენობაში შესვლის უფლება საქართველოს კონსტიტუციით. Читать дальше...

გაერთიანებული ოპოზიციის ერთ-ერთი ლიდერის, გიორგი ვაშაძის თქმით, სანდრა რულოვსის მხარდამჭერებმა არ უნდა დაუშვან, თუნდაც ერთი ბიულეტენის ტყუილად გაბათილება, რადგანაც, მისი თქმით, საარჩევნო ადმინისტრაციას მიღებული აქვს დავალება, ოპოზიციის ხმები გადაყაროს ბათილ ბიულეტენებში და ამ გზით დააკლოს ხმები „ნაციონალური მოძრაობის“ კანდიდატს. „ჩვენთვის მთავრია თითოეული ბილუტენის დაცვა, დათვლა და თითოეული ხმის მიტანა, საბოლოო ოქმში ჩაწერა, მერე ოქმის მიტანა საოლქო კომისიაში და ყველა სამართლებრივი პროცედურის უნაკლოდ გავლა. Читать дальше...

რადიო თავისუფლების კორესპონდენტი, გოგა აფციაური გათავისუფლების შემდეგ ესაუბრა ჟურნალისტს გიორგი კაპანაძეს. შსს-ს ინფორმაციით, გიორგი კაპანაძე პოლიციის კანონიერი მოთხოვნისადმი დაუმორჩილებლობის და წვრილმანი ხულიგნობის ბრალდებით დააკავეს.

საქართველოს პარლამენტის თავმჯდომარის პირველმა მოადგილემ, თამარ ჩუგოშვილმა კანონის სრულად დაცვით მოქმედებისკენ მოუწოდა საარჩევნო უბნებზე დარჩენილ ყველა პირს, რომელიც ხმების დათვლის პროცესს აკვირდება. საარჩევნო უბნების დახურვის შემდეგ, თბილისში, მმართველი პარტიის „ქართული ოცნების“ შტაბში გამართულ ბრიფინგზე თამარ ჩუგოშვილმა თქვა, რომ ყველა ოლქში, სადაც გაერთიანებული ოპოზიცია "არ იყო კონცენტრირებული განსაკუთრებით დიდი დოზით, ხმის მიცემის პროცესი მშვიდად მიმდინარეობდა, ხოლო იქ, სადაც განსაკუთრებული მობილიზაცია ჰქონდათ გამოცხადებული... Читать дальше...

"არეულობისა და მღელვარებისკენ მოწოდებები დანაშაულია სახელმწიფოს წინაშე, დანაშაულია, როდესაც შენი ქვეყანა ოკუპირებულია“

20 საათზე საარჩევნო უბნები დაიხურა საქართველოს იმ საარჩევნო ოლქებში, სადაც პარლამენტის და საკრებულოს შუალედური არჩევნები და მერის რიგგარეშე არჩევნები ჩატარდა. თბილისის მთაწმინდის ოლქში საქართველოს პარლამენტის მაჟორიტარ დეპუტატად კენჭს იყრიდა 20 კანდიდატი. მათგან 14 პოლიტიკური პარტიებიდან და ბლოკებიდან და 6 საინიციატივო ჯგუფებიდან. საკრებულოს თითო წევრს ირჩევდნენ ახმეტის, საგარეჯოს, ადიგენის, ზესტაფონის, ჭიათურის, ტყიბულის, წყალტუბოს და ოზურგეთის მუნიციპალიტეტებში. საკრებულოს შუალედური არჩევნებისთვის... Читать дальше...

საქართველოს ცენტრალური საარჩევნო კომისიის(ცესკო) ინფორმაციით, 17 საათისთვის საოლქო კომისიებმა მიიღეს 68 საჩივარი. მათგან ყველაზე მეტი - 30 დაიწერა ზუგდიდის საოლქო საარჩევნო კომისიაში. მარნეულში 20, ხულოში 11, ზესტაფონში 5 და თითო-თითო ოზურგეთსა და თბილისში. ცესკოს სპიკერის, ანა მიქელაძის ინფორმაციით, საჩივრები ძირითადად, პროცედურულ ხარვეზებს შეეხება. „მარნეულის ყიზილაჯლოს 89-ე უბანზე, საუბნო საარჩევნო კომისიის ინფორმაციით, სავარაუდოდ, იყო ხმის განმეორებით მიცემის მცდელობა, თუმცა განმეორებით ხმის მიცემის ფაქტი არ დაფიქსირებულა. Читать дальше...

სამართალდამცავებმა ზუგდიდის მე-5 საარჩევნო უბნიდან ორი პირი გადაიყვანეს პოლიციის განყოფილებაში მას შემდეგ, რაც ისინი სიტყვიერ შეურაცხყოფაში დაადანაშაულა „რუსთავი 2“-ის ჟურნალისტმა, ემა გოგოხიამ. ამ უბანზე რეპორტაჟის მომზადებისას გოგოხია დაინტერესდა რას აკეთებდნენ საარჩევნო უბნის ეზოში „ძველი ბიჭები,“ რასაც სიტყვიერი დაპირისპირება მოჰყვა.

პარტია "თავისუფალი საქართველოს" ზესტაფონის მერობის კანდიდატმა, გოგი წულაიამ თავი ზესტაფონის მერად გამოაცხადა არჩევნების დასრულებამდე ორი საათით ადრე. "მინდა მადლობა გადავუხადო ყველა ზესტაფონელს. იმდენი სითბო და პატივისცემა მივიღე წინაასაარჩევნო პერიოდში, რომ, რას დაწერს ცესკო, ჩემთვის აღარ აქვს მნიშვნელობა, მე თავს ვაცხადებ ზესტაფონის მერად, რადგან წინასაარჩევნო პერიოდში ვნახე, როგორ გვიჭერს მხარს მოსახლეობა, არ მაინტერესებს, რას დაწერს ცესკო, თავს მერად ვაცხადებ და როდესაც დავჭირდები ზესტაფონელებს მათ გვერდით ვიქნები”... Читать дальше...