ირანმა სპარსეთის ყურეში დააკავა ტანკერი "კონტრაბანდული საწვავით"
ირანის ისლამური რევოლუციის გუშაგთა კორპუსმა (IRGC) სპარსეთის ყურეში დააკავა უცხოეთის ტანკერი, რომელიც 11 მილიონი ლიტრი საწვავით იყო დატვირთული. ირანის ოფიციალურმა პირებმა 31 ოქტომბერს მედიას აცნობეს, რომ ტანკერში საწვავი "კონტრაბანდული" იყო და რომ კაპიტანი და ეკიპაჟის წევრებიც დაკავებული არიან. ხომალდის და ეკიპაჟის ნაციონალობა დაკონკრეტებული არ არის. ირანის ხელისუფლება დროდადრო აცხადებს ხოლმე კონტრაბანდული საწვავისა და ამგვარი ხომალდების ეკიპაჟების დაკავებაზე.