Новости за 01.11.2022

"Эркин Европа / Азаттык" радиосунун президенти Жейми Флай "Азаттык Медианын" банк эсептеринин эч түшүндүрмөсүз бөгөттөлүшү боюнча билдирүү жасады. "Кыргыз бийлигинин мындай эскалациясы Кыргызстандын мыйзамдарын бузуп жаткандай көрүнөт. Биз журналисттерибиздин оозун жабуу аракетине каршы күрөшөбүз", - деди Флай. Эл аралык медиа корпорациянын жетекчиси "Азаттык" радиосу ишенимдүү маалымат булагы экенин жана ага тоскоолдуксуз иштөөгө уруксат берилиши керектигин кошумчалады. "Азаттык Медианы" эсебине... Читать дальше...

Азербайжан менен Армения Тоолуу Карабакка байланыштуу "күч колдонбоо" тууралуу макулдашууга кол коюшту. Акыйкатчы Атыр Абрахматова жана парламенттин төрт депутаты башаламандык уюштурууга шектелип кармалган саясатчылар жана активисттердин абалы менен таанышып чыкты. Ал арада журналист Семетей Талас уулун да милиция кармап кетти.

Журналист Семетей Талас уулу Бишкек шаардык ички иштер башкармалыгынын убактылуу камоочу жайына 48 саатка камакка алынды. Бул тууралуу анын адвокаты Аскат Жакупбеков "Азаттыкка" билдирди. Анын айтымында, Талас уулуна Кылмыш кодексинин 332-беренеси ("Экстремисттик материалдарды даярдоо, таратуу") менен айыбы угузулуп, камакка алынды. Анын бөгөт чарасы эртең, 2-ноябрда каралат. Ички иштер министрлиги журналисттин кармалышы тууралуу азырынча комментарий бере элек. Семетей Талас уулу жыл башында... Читать дальше...

Июль айынын башында Каракалпакстандагы нааразылык акциясына катышканы үчүн камакка алынгандардын дагы 35и бошотулду. Бул тууралуу Өзбекстандын акыйкатчысынын басма сөз кызматы билдирди. Башкы прокуратура аларды Каракалпакстандагы окуяларды өз алдынча иликтеп жаткан комиссия мүчөлөрүнүн жана Жогорку Кенгестин (парламент) өтүнүчү менен 1-ноябрда бошотту. Буга чейин 34 айыпталуучу августтун аягында, 38 соттолуучу октябрь айынын ортосунда бошотулганы маалымдалган. Быйыл 1-2-июлда күч органдары... Читать дальше...

Жогорку Кеңештин тармактык комитети Кемпир-Абад суу сактагычынын суусун биргелешип башкаруу жөнүндө кыргыз-өзбек өкмөттөр аралык макулдашуусунун долбоорун жактырды. Бул бийлик менен оппозициянын тирешине алып келген суу сактагыч боюнча парламенттин Эл аралык иштер, коргоо, коопсуздук жана миграция комитети колдогон экинчи документ болуп калды. Буга чейин комитет кыргыз-өзбек чек арасы боюнча эки тараптуу келишимдин долбоорун жактырып, бирок чечимге кол коюлбай калган. “Талабы татаал макулдашуу”... Читать дальше...

Мирзохалим Каримов - "Даңк” медалынын ээси, кыргыз-тажик жазуучусу, белгилүү котормочу, публицист. Автордун пикири "Азаттыктын" көз карашын чагылдырбайт. 1983-жылы Кыргыз мамлекеттик университетинин (ал кезде СССРдин 50 жылдыгы атындагы деп аталчу) филология факультетиндеги журналистика бөлүмүндө билим алган элүүгө жакын курсташ окууну бүтүргөндөн кийин ар кимибиз өз райондорубуз менен калааларыбызга гезит-журнал, теле-радио сыяктуу массалык маалымат каражаттарында иштөө үчүн тарап кеткенбиз. Читать дальше...

Азербайжан менен Армения Тоолуу Карабак жаңжалын чечүүдө "күч колдонбоо" тууралуу макулдашты. Алар мындай келишимге Орусиянын ортомчулугу менен өткөн сүйлөшүүдө жетишти. Ушундай эле форматтагы үч тараптуу жолугушуу эки жыл мурдагы жаңжалдан кийин да өтүп, ок атышпоо келишимдери кабыл алынган. Бирок анын артынан кайрадан кагылыш катталды. Үч тараптуу жолугушуу Сочидеги 31-октябрдагы үч тараптуу кездешүүнүн алдында алгач Орусиянын президенти Владимир Путин Азербайжан жана Армения лидерлери менен өз-өзүнчө жолукту. Читать дальше...

Журналист Семетей Талас уулу Ички иштер министрлигинин Башкы тергөө башкармалыгында сурак берип жатканы кабарланды. Бул тууралуу укук коргоочу Азиза Абдирасулова "Азаттыкка" билдирди. Мындан төрт саат мурда, 15:00гө жакын Талас уулу суракка кирип баратканын "Азаттыкка" ырастаган. ИИМ журналисттин кармалышы тууралуу азырынча комментарий бере элек. Талас уулу буга чейин социалдык тармактарда Кемпир-Абад маселеси тууралуу пикирин байма-бай жазып келген. Ушул жылдын башында ал Улуттук коопсуздук... Читать дальше...

Улуттук коопсуздук боюнча мамлекеттик комитети Казакстандын эки жараны 26-октябрда кыргыз-өзбек чек арасындагы "Достук" бекети аркылуу Өзбекстанга чыгып кетүүгө аракеттенип жаткан учурда кармалганын маалымдады. Мекеменин басма сөз кызматы кабарлагандай, алар 23-октябрда Кыргызстанга чек арадан мыйзамсыз өткөнү аныкталган. "Бул факты боюнча Казакстандын эки жараны - Ж.А.Е. менен Б.Д.Дга карата Кылмыш кодексинин 378-беренеси ("Мамлекеттик чек арадан мыйзамсыз өтүү") менен кылмыш иши козголуп, сотко чейинки өндүрүш ачылган. Читать дальше...

Мамлекеттик катчы, курултайды уюштуруу комитетинин башчысы Сүйүнбек Касмамбетов "Биринчи радиого" берген маегинде элдик курултайдын сайты ачыла турганын билдирди. Анда курултайда көтөрүлгөн маселелер, сунуштар жазылып, иш-чаранын программасы жарыяланат. Андан тышкары кабыл алынган сунуштар, мыйзамдар тууралуу да маалыматтар чыгып турат. "Мурдараак курултайдын жыйынтыгы боюнча кандай иш жүрөт деген суроо көп берилчү. Айрымдар курултайды жылына бир өтүп, анан унутулуп калчу жыйын катары түшүнчү. Читать дальше...

Жогорку Кеңештин депутаттары Дастан Бекешев, Жанар Акаев, Мирлан Самыйкожо, Эмил Токтошев жана жана акыйкатчы Атыр Абдрахматова "массалык башаламандык уюштурууга даярданды " деген шек менен камакка алынган саясатчы жана активисттерден кабар алды. Алардын айтымында, камактагы саясатчы жана активисттер мыйзамсыз камалганын жана бийликти басып алуу тууралуу сөз айтылбаганын билдиришкен. Социалдык тармактарга тараган аудио жазуулар монтаждалганын айтышкан. Шарты жана башка жагдайлар тууралуу олуттуу даттануулары болгон эмес. Читать дальше...

“Массалык башаламандык уюштурууга даярдык көргөн” деген шек менен камалган жыйырмадан ашык саясатчы, активисттердин арасында журналист Айданбек Акматов да бар.

Экономика жана коммерция министрлигине караштуу Монополияга каршы күрөшүү кызматы көмүрдүн баасына тескөө киргизилүүсү ыктымалдыгын, маселе учурда каралып жатканын маалымдады. Маалыматка караганда, мекеменин төрагасы Кеңешбай Тайлаков бүгүн, 1-ноябрда Бишкектеги көмүр саткан жайларды кыдырды. Көмүр сатуучу базалардын жетекчилери менен жолугушуп, бааларды жөнсүз көтөрбөөнү эскертти. Сатуучуларга "Атаандаштык" жана "Керектөөчүлөрдүн укугун коргоо" жөнүндө мыйзамдар тууралуу түшүндүрмө берилди. ... Читать дальше...

"Кемпир-Абадды коргоо" комитети Өзбекстандын президенти Шавкат Мирзиёевге ачык кайрылуу жолдоду. Кайрылуунун тексти башаламандык уюштурууга даярданган деген шек менен кармалгандардын бири, саясатчы Равшан Жээнбековдун Фейсбуктагы баракасына жарыяланды. Бул маалыматты аталган комитеттин мүчөсү Касиет Мамырбай "Азаттыкка" ырастады. Ал өзбек президентинин дарегине жолдонгон кайрылуу комитеттин учурда СИЗО-1 убактылуу тергөө жайында камалып турган мүчөлөрү менен адвокаттар аркылуу макулдашылгандан кийин жарыяланганын билдирди. Читать дальше...

1-ноябрдан тартып Бишкекте бир нече жерде тоннасы 4 миң сомдон арзан көмүр сатыла баштаганын "Кыргызкөмүр" ишканасы билдирди.  Алар: -Мурманск - 126; -Достоевский - 97к; -Киргизия көчөсү менен айланма жолдун кесилишинде; -Алматы көчөсү менен айланма жолдо. Маалыматка караганда, арзан көмүр бир үй-бүлөгө 2 тоннадан гана сатылып жатат. Мындай чектөө көмүр менен көбүрөөк үй-бүлөлөрдү камсыз кылуу максатында киргизилген. Арзан көмүр башка аймактарга жеткирилеби же жокпу азырынча маалымат жок. Читать дальше...

Орусиянын жарандарынын Кыргызстанга агымы азайганын Чек ара кызматы билдирүүдө. 31-октябрда Жогорку Кеңештин Социалдык саясат комитетинде депутаттардын суроолоруна жооп берип жатып мекеменин өкүлү Нурланбек Жалбиев Орусиядан келгендердин агымы азайып, мурдагы калыбына келип калганын, алардын саны Орусияда мобилизация жарыяланган 21-сентябрдан тартып октябрдын ортосуна чейин адаттагыдан көп болгонун маалымдады. Жалбиевдин айтымында, кээ бир орусиялыктар Кыргызстан аркылуу башка өлкөлөргө чыгып кетишти. Читать дальше...

Кыргызстанда балдарга сексуалдык зомбулук көрсөткөн кылмышкерлердин жазасын катуулатуу тууралуу мыйзам долбоору иштелип чыгып, азыркы тапта коомдук талкуудан өтүүдө. Анын авторлору, парламенттин басма сөз кызматы билдиргендей, Жогорку Кеңештин 61 депутаты. Коомдук талкуу 20-ноябрга чейин уланат. Эгер мыйзам долбоору колдоо тапса, Конституцияга тийиштүү өзгөртүүлөр киргизилип, балага сексуалдык кордук көрсөткөндөрдү өлүм жазасына тартуу каралган. Педофилдерди өлүм менен жазалоо сунуштары парламентте буга чейин да айтылып келген. Читать дальше...

Кошмо Штаттардын Казыналык департаменти “кримтөбөл” атыккан Камчы Көлбаев боюнча кандайдыр бир “реакция болоруна” үмүттөнөрүн 1-ноябрда АКИpress маалымат агенттигине курган маегинде департаменттин өкүлү Скотт Рембрандт билдирди. Ал “Маңзат соодасынан капитал топтоо АКШ туш болгон глобалдуу проблема” экенин белгилеп, “Бул көптөгөн мамлекеттер үчүн коркунуч болуп эсептелет. Сиздердин өкмөттө бул багытта иштөө ниети барбы, маңзат соодасына каршы туруу багытында кызматташууга даярбы, мен ага комментарий бере албайм” деди. Читать дальше...

Өзбекстандын борбору Ташкент шаарында Түрк тилдүү мамлекеттер уюмуна мүчө өлкөлөрдүн темир жол администрацияларынын башчыларынын биринчи жыйыны өттү. Ага Өзбекстан, Азербайжан, Казакстан, Кыргызстан жана Түркиянын темир жол ишканаларынын башчылары катышканын "Кыргыз темир жолу" мамлекеттик ишканасынан билдирди. Маалыматка караганда, жыйында Түрк тилдүү мамлекеттер уюмунун темир жол багытындагы кызматташтыгы талкууланды. Жолугушууда айтылган демилгелерди ишке ашыруу боюнча туруктуу жумушчу топ... Читать дальше...

Министрлер кабинетинин төрагасы Акылбек Жапаров Баткен облусундагы жабыркаган айылдарды калыбына келтирүү боюнча курулуш иштеринин ыргагына нааразы болду. "Курулуштун жүрүшү абдан жай" Ал мүмкүнчүлүккө жараша өкмөттөн каражат бөлүнгөнүн, бирок аны өздөштүрүүдө маселе бар экенин айтып, тиешелүү жетекчилердин жоопкерчилиги караларын эскертти. Айрым депутаттар өкмөттүн быйыл суук түшкөнгө чейин үйлөрдү куруп үлгүрбөстүгүн, андыктан аларды жылуу жайларга жайгаштырууну сунушташты. Өкмөттүн маалыматы... Читать дальше...

Өзбекстандын абактарында мамлекеттик электрондук кызматтарды жана нотариалдык кызматтарды колдонуу үчүн интернетке туташкан бөлмө ачуу пландалууда. Бөлмөгө веб-камера жана компьютер коюлат. Бул тууралуу Ички иштер министрлигинин ички документинин долбоору коомдук талкууга коюлду.  Долбоорго ылайык, министрлик түзөтүү мекемелеринин ички тартибине өзгөртүүлөрдү киргизүүдө.  Бул толуктоолор Өзбекстандын Башкы прокуратурасы, Саламаттык сактоо министрлиги, Иш менен камсыз кылуу жана эмгек мамилелери... Читать дальше...

Ушул тушта чет жерде баш калкалап жаткан казакстандык активист Жанара Ахмет Кыргызстандын атайын кызматы "Манас" аба майданынан казак активисттери Асхат Жексебаев менен Диана Баймагамбетованы кармап кеткенин билдирди. Анын ырасташынча, алар Бишкек аркылуу чет өлкөгө кетерде кармалган. Мындан улам Ахмет кыргызстандык укук коргоочуларга кайрылып, кармалгандар үчүн адвокаттык жардам сурады. "Алар өздөрүн коргоп, Казакстандан кетели дешкен. Алар пробациялык көзөмөлдө болушкан. Активисттерди эми албетте, экстрадициялашса керек. Читать дальше...

Маданият, маалымат, спорт жана жаштар саясаты министрлиги “Азаттык Медиа” мекемесинин веб-сайтын эки айга жапты.

Израилде 1-ноябрда парламентти - Кнессетти шайлоо өтүүдө. Бул өлкөдөгү акыркы үч жарым жыл ичиндеги бешинчи парламенттик шайлоо. Оппозиция лидери, мурда бир нече жолу премьер-министр болуп иштеген Беньямин Нетаньяху өкмөттү кайра жетектөөнү көздөөдө. Акыркы коомдук сурамжылоолорго караганда, анын оңчул консервативдүү "Ликуд" партиясы кайрадан башкаруучу күчкө айланышы мүмкүн. Бирок Нетаньяхунун жактоочулары чечүүчү сандагы мандаттарга ээ болобу, азырынча белгисиз. Парламенттик көпчүлүк үчүн кеминде 61 мандат керек. Читать дальше...

Бул маалыматты Семетей Талас уулу өзү "Азаттыкка" ырастады. Ички иштер министрлиги журналисттин кармалышы тууралуу азырынча комментарий бере элек. Талас уулу буга чейин социалдык тармактарда Кемпир-Абад маселеси тууралуу пикирин байма-бай жазып келген. Ушул жылдын башында ал Улуттук коопсуздук комитетинде (УКМК) Кылмыш-жаза кодексинин “Экстремисттик материалдарды таратуу” деген беренесинин негизинде козгогон кылмыш ишинин алкагында сурак берген. Журналист сурактан чыккандан кийин "чоң иликтөө... Читать дальше...