Новости за 29.02.2024

Татарстан Премьер-министры урынбасары Васил Шәйхразыев Әлки районында яңа эшли башлаган «Актай» яшүсмерләр клубы белән танышты. Бу хакта «Әлки хәбәрләре» яза.

Бүген Казанның «Ак Барс» хоккейчылары Екатеринбургның «Автомобилист» командасына 1:2 исәбенә җиңелде. Матч Казанда «Татнефть Арена» боз сараенда узды.

Татарстанда физика, рус теле, математика, чит телләр, химия, биология һәм башлангыч сыйныф укытучылары җитми. Республика мәгариф һәм фән министры Илсур Һадиуллин #ТатарстанОнлайн программасында шулай дип белдерде.

Бүген Чаллыда Нияз Акмалны искә алдылар.

Россия Президенты Владимир Путинның Юлламасы күбесенчә төзелеш комплексын үстерүгә багышланган иде. Телгә алынган барлык программалар да киләсе еллар бюджетында исәпкә алыначак, дип белдерде вице-премьер Марат Хөснуллин, дәүләт башлыгының Федераль Җыен алдындагы чыгышын шәрехләп.

2024 елдан Республика ифтары «Россия – Ислам дөньясы» Стратегик караш төркеме канаты астына күчә. Шул рәвешле, вакыйга федераль статус ала, дип хәбәр итә Татарстан мөселманнары Диния нәзарәте.

Татарстан мәгариф һәм фән министры Илсур Һадиуллин мәктәпләрдә дәрес вакытында гаджетлардан файдалануны тыю тәкъдименә аңлатма бирде. Министр #ТатарстанОнлайн программасында әлеге уңайдан үз фикерен белдерде.

Киң һәм аз хәрәкәтле антициклон аркасында Татарстанда һава температурасында зур аермалар күзәтелә. Көн дәвамында ул 20 градус тирәсе тәшкил итәргә мөмкин, дип хәбәр итә республика Гидрометеорология һәм әйләнә-тирә мохитне күзәтү идарәсе.

Татарстан Министрлар Кабинеты махсус хәрби операциядә һәлак булган гражданнарның гаилә әгъзаларына бер тапкыр бирелә торган түләүләр билгеләү тәртибен үзгәртү турында карар чыгарды. Шул хактагы документ ТР хокукый мәгълүмат порталында урнаштырылган.

Башкортстанның татар иҗтимагый оешмалары вәкилләре төбәк җитәкчесе Радий Хәбиров белән очрашуда Сабан туен республиканың Туймазы районындагы «Төмәнәк» татар тарихи-мәдәни үзәге һәм «Бабай утары» этнографик комплексы территориясендә Татарстан районнары белән бергәләп оештырырга тәкъдим итте. Бу хакта «Миллиард.Татар» басмасы яза.

Россия Президентын сайлау алдыннан Казан дәүләт энергетика университетында дүрт сайлау участогы эшләячәк. Югары уку йортында 12 меңгә якын студент белем ала. Бүген Татарстан Үзәк сайлау комиссиясе рәисе Андрей Кондратьев аларны сайлауларга чакырды.

Россия Герое Рәсим Баксиков фикеренчә, Россия Президенты Владимир Путин, Россия Федерациясе Федераль Җыенына Юллама белән мөрәҗәгать итеп, ил алдында торган бөтен кискен мәсьәләләрне кузгатты.

Бүген Казанның «Парк Хаус» һәм «Республика» сәүдә үзәкләрендә урнашкан кинотеатрларында Россия Президенты Владимир Путинның Федераль Җыенга еллык Юлламасын бушлай күрсәттеләр.

Бу резолюцияне Европа парламентының 547 депутатыннан 506сы хуплап тавыш биргән.

Россия Президенты Владимир Путин безнең илдә җитештерелгән суперкомпьютерлар егәрлеген 2030 елга 10 тапкыр арттырырга кирәклеген әйтте. Бу күрсәтмәсен ул РФ Федераль җыенга еллык юлламасында бирде.

Алдагы алты елда Россия эшкәртү сәнәгатенең тулаем өстәлгән бәясе 2022 ел белән чагыштырганда ким дигәндә 40 процентка артырга тиеш. Россия Президенты Владимир Путин Федераль Җыенга еллык Юлламасында шулай дип белдерде.

Россиядә 2030 елга кадәр 30 меңнән артык җәмәгать киңлеген ямьләндерү ниятләнә. Бу хакта РФ Президенты Владимир Путин РФ Федераль җыенга еллык юлламасында әйтте.

Газификация программасы ярдәмендә 1,100 млн участокка бушлай газ кертелгән, һәм гаризалар кабул итү дәвам итә, диде РФ Федераль җыенга еллык юлламасында РФ Президенты Владимир Путин.

Сәламәтлек мөмкинлекләре чикле кешеләр Россия Президентын сайлауга килә алсын өчен Татарстанның сайлау участоклары 100 процентка барлык кирәк-яраклар белән тәэмин ителәчәк. Бу хакта бүген Татарстан Үзәк сайлау комиссиясе рәисе Андрей Кондратьев журналистларга Казан дәүләт энергетика университеты студентлары белән очрашу алдыннан белдерде, дип яза «Татар-информ» хәбәрчесе Наталья Рыбакова.

Россия Президенты Владимир Путин Федераль Җыенга еллык юлламасында халыкара хәлгә дә кагылды. Бу эчке бурычларны хәл иткәндә юнәлеш бирү өчен кирәк иде, дип аңлатты Кремльнең рәсми вәкиле Дмитрий Песков «Звезда» каналына интервьюсында.

Россия Президенты Владимир Путин «Пушкин картасы» программасын киңәйтергә тәкъдим итте. Бу хакта ул РФ Федераль җыенга еллык юлламасында әйтте.

В Нурлатском доме-интернате для престарелых и инвалидов популярностью пользуется клуб «Селяночка».

Россиядә «Кадрлар» яңа илкүләм проекты гамәлгә ашырыла башлый. РФ Президенты Владимир Путин Федераль Җыенга Юлламасында шулай дип белдерде.

Россиядә 100 алдынгы инженер мәктәпләре челтәре булдырылачак, анда югары квалификацияле белгечләр әзерләү һәм төрле тармакларда оригиналь техник карарлар тәкъдим итү ниятләнә. Бу хакта РФ Президенты Владимир Путин Федераль җыенга еллык юлламасында әйтте.