Новости за 28.08.2016

რუსთავი 2-ის საქმის განმხილველი კიდევ ერთი მოსამართლე, რომელზეც შესაძლოა ზეწოლას პროკურატურა ახდენდეს - საქალაქო სასამართლოს ყოფილი მოსამართლის თამაზ ურთმელიძის და მისი დედის, სააპელაციო სასამართლოს მოსამართლის ნათია გუჯაბიძისა და მისი დედის გახმაურებული ისტორიების შემდეგ, რუსთავი 2-ისთვის ცნობილი ამჯერად საკონსტიტუციო სასამართლოს მოსამართლის ლალი ფაფიაშვილის დედის ისტორია გახდა. 

დარიშხანის ანჰიდრიდი, დარიშხანმჟავა კალა და ზესუფთა მეტალური - ეს არ არის ყველა იმ ნივთიერების ჩამონათვალი, რომელიც ორგანიზმს ანადგურებს და ადამიანისთვის საშიშია, თუმცა ამ ნივთიერებებს რაჭაში ათობით ადამიანი დღემდე იღებს ჰაერიდან. საუბარია ამბროლაურის რაიონის სოფელ ურავზე, სადაც კომუნისტების პერიოდში არსებული სამთო ქიმიური ქარხანა დაშლილი და განადგურებულია. 

სოსო ჯაჭვლიანის კანდიდატურას ახალ თანამდებობაზე პრემიერმა ვიზირება მთავრობის სხდომაზე მისცა. გადაწყვეტილია, რომ ჯაჭვლიანი საარჩევნო სიაში აღარ იქნება და ის არჩევნების შემდეგ კურორტ თეთნულდის განვითარებაზე იზრუნებს.

ყაზბეგის გამზირზე გაჩეხილი ხეები ერთადერთი შემთხვევა არ არის, რომელიც დედაქალაქში მშენებლობას შეეწირა. პოსტსკრიპტუმმა მოიძია რამდენიმე ასეთი მაგალითი, მათ შორის შემთხვევები, როდესაც ხეების სხპეციალურად დაზიანება ხდება, შემდეგ კი დასკვნა გაიცემა და მათ ჭრიან.

გადატრიალების მცდელობიდან ზუსტად ერთი თვის თავზე, თურქეთი სირიაში ხალიფატის წინააღმდეგ ომს იწყებს. გუშინ თურქეთის არმიამერთი სასაზღვრო ქალაქი უკვე აიღო და ავიაიერიშებს ქვეყნის სიღრმეშიც აგრძელებს.

პრემიერმინისტრი და ხელისუფლება წინასაარჩევნოდ მოსახელობას ქვეყნის “აგუგუნებას” პირდება, რისი წინაპირობაც ინფრასტრუქტურული პროექტები უნდა გახდეს. პოსტსკრიპტუმმა ამ პროექტების სიას გადახედა და ბევრი ნაცნობი პროექტიც იპოვა, რომელიც მეოთხე წელია შეჩერებულია.

პოლიციელების მიერ მოქალაქეებზე ზეწოლის კიდევ ერთი ფაქტი - პოსტსკრიპტუმთან საკუთარი ისტორია ბონდო ბეჟიტაშვილმა მოყვა, რომელიც აცხადებს, რომ სამართალდამცველები მას იმ დანაშაულის აღიარებას აიძულებდნენ, რომელიც სოფელ სასირეთში სავარაუდოდ ორი თვის წინ მოხდა. ჯიხურის გაქურდვის მცდელობაში ბონდოს და მის ბიძაშვილს, მათივე ნათესავი გიანზე ბეჟიტაშვილი ადანაშაულებდა. ზეწოლა ქურდობის შემთხვევიდან დაახლოებით 2 თვის შემდეგ დაიწყო, მაშინ როდესაც ბონდო ბეჟიტაშვილი ბიძაშვილთან ერთად ავტომაგისტრალზე ჩადენილი დარღვევის გამო გააჩერეს. Читать дальше...

ევროპის სახალხო პარტიის ვიცეპრეზიდენტი დევიდ მაკალისტერი საპარლამენტო უმცირესობის ლიდერ დავით ბაქრაძესთან ერთად ერგნეთში, საოკუპაციო ხაზთან იმყოფებოდა.

ევროპის სახალხო პარტიის ვიცეპრეზიდენტი, დევიდ მაკალისტერი, რუსთავი 2-ში იმყოფებოდა. მაკალისტერმა შეხვედრა გამართა არხის წარმომადგენლებთან და კიდევ ერთხელ აღნიშნა, რომ EPP ყურადღებით აკვირდება სამაუწყებლო კომპანიის ირგვლივ მიმდინარე პროცესებს. 

მარიამობის დღესასწაულს ქობულეთის რაიონის სოფელ ბობოყვათის სამი მღვდელმთავრის სახელობის ეკლესიაში შეხვდა აჭარის მთავრობის ყოფილი თავმჯდომარე.

თურქეთის ავიაიერიშებს სირიაში 25 ადამიანი ემსხვერპლა. დარტყმები ავიაციამ ქალაქ ჯერაბლუსის მახლობლად განახორციელა. თურქეთის სამხედრო მაღალჩინოსნების ცნობით, დაღუპულები ქურთი მებრძოლები არიან.

საქართველოს პრეზიდენტი პოლიტიკურ პარტიებს საარჩევნო კამპანიის გააქტიურებისკენ მოუწოდებს. გიორგი მარგველაშვილის თქმით, სახელმწიფო ეფექტურად მუშაობს მხოლოდ მაშინ, როცა ამომრჩეველი ხმის მიცემით პოლიტიკოსს პასუხისმგებლობას აკისრებს და შემდეგ კონტროლს ახორციელებს მის საქმიანობაზე. 

ინდონეზიელმა სამართალდამცველებმა ჩრდილოეთ სუმატრას რეგიონში მასშტაბური ტერაქტი აღკვეთეს. პოლიციამ 17 წლის ახალგაზრდა დააკავა, რომელმაც კათოლიკურ ეკლესიაში თავდასხმის მოწყობა სცადა.

რომის პაპი უახლოეს პერიოდში მიწისძვრის შედეგად დაზარალებულ რეგიონებს მოინახულებს. განცხადება კათოლიკური ეკლესიის მეთაურმა წმინდა პეტრეს მოედანზე, საკვირაო ქადაგების დროს გააკეთა.

იტალიაში მიწისძვრამ კულტურული მნიშვნელობის 300-მდე შენობა დააზიანა, ამიტომ სტიქიის შედეგების აღმოფხვრაში საკუთარ წვლილის შეტანას იტალიის მუზეუმებიც გეგმავენ.

ახმეტაში აგრარულ ბაზართან ცოტა ხნის წინ ცეცხლსასროლი იარაღით ორი ადამიანი დაჭრეს. ტყვია მუცლის არეში ერთ-ერთ ადგილობრივს ესროლეს, ასევე დაჭრილია მეორე პირიც, რომელიც ბაზრის მიმდებარე ტერიტორიაზე მუშაობდა და მას ტყვია შემთხვევით მოხვდა.

The President of Georgia congratulated the citizens on the assumtion of Virgin Mary. The President attended a festive liturgy in Racha at Barakoni Virgin Mary Cathedral .

საქართველოს პრეზიდენტი მოქალაქეებს მარიამობის დღესასწაულს ულოცავს. გიორგი მარგველაშვილი დღესასწაულს რაჭაში, ამბროლაურში ბარაკონის ღვთისმშობლის ტაძარში შეხვდა და სადღესასწაულო წირვას დაესწრო. 

დღეს დილით ისრაელიდან ჩამოტანილ ანჩისხატის კანონიკური ასლი ამ წუთებში მამაოებისა და მრევლის თანხლებით მუზეუმში გადააქვთ, რამდენიმე საათში კი ხატს ანჩისხატის ტაძარში მიაბრძანებენ. 

გადაუღებელმა წვიმებმა შეერთებულ შტატებში მასშტაბური წყალდიდობა გამოიწვია. სტიქიამ ყველაზე მეტად მისურისა და ინდიანას შტატები დააზარალა. ინდიანაპოლისში დაიტბორა საცხოვრებელი სახლები, დაზიანდა ელექტროგადამცემი ხაზებიც, რის გამოც მოსახლეობის ნაწილს ელექტროენერგია ამ დრომდე არ მიეწოდება.

Non-governmental organizations believe that the authorities are inerfering in the Constitutional Court activity which harms the reputation of the court as an institution. The third sector think that the authorities have been trying in various ways to gain control of the Constitutional Court for several years .

არასამთავრობო ორგანიზაციების ნაწილი ფიქრობს, რომ ხელისულება საკონსტიტუციო სასამართლოს საქმიანობაში უხეშად ერევა, რაც სასამართლოს როგორც ინსტიტუტის რეპუტაციას ვნებს. მესამე სექტორში მიაჩნიათ, რომ ხელისუფლება სხვადასხვა გზებით რამდენიმე წელია ცდილობს, საკონსტიტუციო სასამართლოზე კონტროლი მოიპოვოს.

Protest rallies against the massive tree cutting In Tbilisi continue. Partizan gardeners will hold protest rallies daily at the Mayor`s office demanding the resignation of the Head and teh Deputy Head of the Ecology and Greenary Planting Department. For this purpose, they have been collecting signatures for a few days.

თბილისში ხეების მასიური ჭრის გამო აქციები გრძელდება. პარტიზანი მებაღეები ყოველდღიურ რეჟიმში თბილისის მერიასთან აქციებს გამართავენ და მოითხოვენ თანამდებობები დატოვონ ეკოლოგიისა და გამწვანების სამსახურის უფროსმა და მისმა მოადგილემ. ისინი ამ მიზნით უკვე რამდენიმე დღეა ხელმოწერებს აგროვებენ. 

კიევში რუსი ჟურნალისტი ალექსანდრე შეტინინი საკუთარ სახლში გარდაცვლილი იპოვეს. ცხედარი მისმა მეგობრებმა აღმოაჩინეს. სამართალდამცველების განცხადებით, არსებული ყველა გარემოება მიუთითებს, რომ ჟურნალისტმა თავი მოიკლა, თუმცა ექსპერტიზის დასრულებამდე გამოძიება პროფესიული საქმიანობიდან გამომდინარე მკვლელობის ვერსიასაც არ გამორიცხავს. შეტინინის კოლეგების განცხადებით, საინფორმაციო სააგენტო ახალი რეგიონის დამაარსებელს ბოლო პერიოდში ფინანსური და ოჯახური პრობლემები ჰქონდა.