Новости за 14.04.2024

Шушы көннәрдә берьюлы ике урында — Түбән Каманың Төзүчеләр урамында урнашкан үзәк музейда һәм Кызыл Чишмә бистәсендәге Әхсән Фәтхетдинов музеенда танылган рәссам, Россиянең һәм Татарстанның атказанган сәнгать эшлеклесе Илдус Мортазинның шәхси күргәзмәләре ачылды. Бу хакта https://nkamsk-rt.ru/ сайтында хәбәр ителә.

Минзәлә педагогия көллияте студентлары һәм хезмәткәрләре махсус хәрби операциядә катнашучылар өчен токмач әзерләде. Әзер продукцияне алар волонтерларга илтеп тапшырды. Бу хакта «Минзәлә» сайтында хәбәр ителә.

Чистайның Ислам үзәгендә Гаилә елы уңаеннан үткән «Әлли-бәлли, былбылым» кичәсе күңел кылларына кагылып, йөрәкләрдәге иң якты, җылы хисләр ташкынын кузгатты. Чарада өлкәннәр белән беррәттән студентлар, мәктәп укучылары катнашу аеруча сөендерде. Бу хакта «Чистай-информ» хәбәр итә.

1 апрельдән хәрби хезмәткә язгы чакырылыш башланды. Ул 15 июльгә кадәр дәвам итәчәк. Әлеге чор дәвамында 200 гә якын әлмәтле армия сафларын тулыландырачак. Бу хакта «Әлмәт таңнары» сайтында Резеда Исмәгыйлева яза.

Кичә Казанның Бауман урамында полиция хезмәткәрләре балигъ булмаганнар белән профилактика чаралары үткәрде.

Россияне Якын Көнчыгышта эскалациянең яңа этабы борчый. Ул конфликтта катнашучы якларны тотнаклылыкка чакыра. Бу хакта РФ Тышкы эшләр министрлыгының Израиль территориясенә һөҗүм ясалу белән бәйле белдерүендә әйтелә.

18 апрельдә Сургут шәһәре «Сандугач» татар мәдәнияте коллективының «Сабантуй» дип исемләнгән концерты узачак. Бу хакта Сургут татарлары милли-мәдәни автономиясе ВКонтакте социаль челтәрләрендәге төркемендә хәбәр итә.

19 апрельдә Түбән Новгород өлкәсенең Сергач округы Кочко-Пожарки авылы мәдәният йортында традицион VII Өлкә актив татар хатын-кызлары җыены һәм «Нижгарбикә 2024» конкурсы узачак. Бу хакта Түбән Новгород өлкәсе татарлары автономиясенең ВКонтакте социаль челтәрләрендәге төркемендә хәбәр итәләр.

13 апрельдә Киров өлкәсе Кызыл Алан бистәсендә III Төбәкара «Түгәрәк уен» татар фольклоры фестивале узган. Бу хакта Бөтендөнья татар конгрессы сайтында хәбәр итәләр.

Казанда Россия көненә багышланган мәдәни чаралар үткәрү өчен хезмәтләргә 9,5 млн сум акча бүлеп бирелгән. Тендер дәүләт сатып алулары сайтында чыкты.

Драматург Равил Сабыр 50 яшьлек юбилеен Әлмәт театрында «Фәхрине үтереп ташладылар» киноспектакле белән үткәрде.

Шиһабетдин Мәрҗани исемендәге Фәнни һәм мәдәни программаларга ярдәм итү һәм үстерү фонды каршында Ислам сәнгате музее барлыкка килергә мөмкин. Мондый объектны ачу теләге турында әлеге оешманың Президенты Рөстәм Сөләйманов «Мәскәү – Татарстан күпере» IX Мәскәү яшьләр форумында белдерде.

Оренбургта су басу нәтиҗәләрен бетерүдә ярдәм күрсәтү өчен, бүген Казаннан ТР җыелма мобиль отряды китте. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр иттеләр.

Апрельнең беренче атнасында Татарстанда АИ-95 бензины бәясе 0,04 процентка яки литрына 3 тиенгә арзанайган. 8 апрельгә булган мәгълүматларга караганда, ул 53,11 сум торган. Бу Татарстанстат белешмәләреннән күренә.

13 апрельдә «Арча» спорткомплексында Фатих Сибагатуллин истәлегенә көрәш турниры булды. Ярышта 2009 нчы елгы һәм аннан яшьрәк егетләр катнашты. Бу турыда Бөтендөнья татар конгрессы хәбәр итә.

Тубыл шәһәренең «Себер-татар мәдәнияте үзәге» муниципаль автономияле мәдәният учреждениесе хезмәткәрләре оешма территориясендә өмә үткәргән. Бу хакта Тубыл шәһәре себер-татар мәдәният үзәгенең ВКонтакте социаль челтәрләрендәге төркемендә хәбәр итәләр.

Үткәрелү урыны цирк янында төзелеш эшләре бару сәбәпле үзгәргән.

Ел саен апрельнең икенче якшәмбесендә Россиядә Һава һөҗүменә каршы оборона гаскәрләре көне билгеләп үтелә. 2024 елда бу көн 14 апрельгә туры килә. Хәрби хезмәткәрләр һәм ветераннарны Татарстан Республикасы Хәрби комиссары вазифаларын вакытлыча башкаручы Руслан Мөхәммәтшин котлады.

Апрельнең беренче атнасында Татарстанда чөгендер 7 процентка, алма 2,72 процентка һәм маргарин 2,07 процентка кыйммәтләнгән. Бу Татарстанстат статистикасы мәгълүматларыннан күренә.

Иран, Дамасктагы консуллыгына һөҗүмгә җавап итеп, Израильгә ясаган зур һөҗүмен тәмамлады, дип хәбәр итә РИА Новости.

Татарстан Рәисе Рөстәм Миңнеханов татар ашлары әзерләү турында сорауга җавап бирде. Бу хакта республика җитәкчесеннән «Мәскәү — Татарстан күпере» IX Мәскәү яшьләр форумында катнашучыларның берсе сорады. Бу турыда «Татар-информ» хәбәрчесе Надежда Гордеева яза.

Россия, шул исәптән Татарстан да, Ислам дөньясыннан зур хуплау күрә. Бу хакта Татарстан Республикасы Рәисе Рөстәм Миңнеханов «Мәскәү — Татарстан күпере» IX Мәскәү яшьләр форумында белдерде. «Татар-информ» хәбәрчесе Надежда Гордеева шул хакта яза.

Якшәмбе Татарстанда аязучан болытлы булачак. Төнлә урыны белән бераз яңгыр ява, әмма көндез синоптиклар явым-төшемсез һава торышы фаразлый. Бу хакта Гидрометеорология үзәге сайтында хәбәр ителә.

Татарстан Рәисе Рөстәм Миңнеханов яшьләргә Туган илгә мәхәббәтен гамәлләре белән исбатлаучы чын патриотлардан үрнәк алырга кушты. Бу хакта республика җитәкчесе «Мәскәү — Татарстан күпере» IX Мәскәү яшьләр форумында белдерде.

Лаеш районында гаиләләргә Гаилә елына яхшы бүләк әзерлиләр. Район халкы җирлек башлыклары белән очрашуларда мәгариф учреждениеләре төзү турында үтенечләр әйтә. Бу хакта «Кама ягы» сайтында хәбәр ителә.