Новости за 15.04.2024

Агымдагы елның гыйнвар башында Россия Эчке эшләр министрлыгының Әлмәт районы буенча кизү дежур частена 38 яшьлек хатын-кыз мөрәҗәгать иткән. Бу хакта «Әлмәт таңнары» хәбәр итә.

1 майдан казанлылар Калугага оча алачак. Даими авиарейслар «ЮВТ АЭРО» компаниясе тарафыннан дүшәмбе һәм чәршәмбе көннәрендә башкарылачак.

Апаста «Рухият» мөселман яшьләрен тәрбияләү үзәге - мәдрәсә төзелеше тәмамланып килә. Бу хакта «Апастово-информ» хәбәр итә.

Владивостокта намаз уку залында балалар өчен «Гаиләнең яраткан бйәрәме -Ураза» дип исемләнгән чара узды. Бу хакта Россия мөселманнары Диния нәзарәте матбугат хезмәте хәбәр итә.

Татарстан мәктәпләрендә «Пилотсыз авиация системалары» илкүләм проекты буенча пилотсыз очу аппаратлары түгәрәкләре барлыкка киләчәк. Бу хакта «Татар-информ»га Татарстан Мәгариф һәм фән министрлыгында хәбәр иттеләр.

Татарстанда биш ярминкәдә 1,1 млн данәдән артык тавык йомыркасы сатылган. Беренче авыл хуҗалыгы ярминкәләрендә йомыркага ихтыяҗ зур иде. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Татарстанда Ватанны саклаучылар истәлеген мәңгеләштерүгә багышланган иң яхшы мәктәп музеена һәм музей экспозициясенә конкурс уза. Җиңүчеләр 300 мең сумга кадәр грант алачак. Бу хакта «Бердәм Россия» партиясенең «Тарихи истәлек» партия проектының төбәк координаторы, Татарстан Архив эше буенча дәүләт комитеты рәисе Гөлнара Габдрахманова «Татар-информ» матбугат конференциясендә сөйләде.

Рамазан ае дәвамында Төмән районы Ямбай авылы һәм Боровский бистәсе мәчетләрендә Йәмәннән Коръән-хафизлар Мөхәммәд Әхмәд Сәид һәм Хәмид Абдулбасит Али Коръәнне тулысынча яттан укыды. Хезмәтләре өчен рәхмәт йөзеннән, Төмән өлкәсе мөфтие Зиннәт хәзрәт Садыйков коллектив ифтарларның берсендә һәркайсына үз исеменнән Рәхмәт хатлары һәм истәлекле бүләкләр тапшырды. Бу хакта Россия мөселманнары Диния нәзарәте матбугат хезмәте хәбәр итә.

Татарстанда күп балалы гаилә статусы чикләнмәве һәм көндезге бүлектә укучы 23 яшьтән дә өлкәнрәк булмаган студентлары булган күп балалы гаиләләргә социаль ярдәм чараларын тарату турындагы закон кабул ителде. Татарстан Республикасында Бала хокуклары буенча вәкаләтле вәкил Ирина Волынец «Татар-информ» мәгълүмат агентлыгына күп балалы гаиләләрнең тагын нинди ярдәм чараларына мохтаҗ булуы турында сөйләде.

Хөкүмәт махсус хәрби операция вакытында ата-анасының берсе һәлак булган инвалид балаларга икеләтә пенсия түләү турындагы закон проектын хуплады. Бу хакта РИА Новости Министрлар Кабинеты хәбәренә сылтама белән белдерә.

Су басу куркынычы булу сәбәпле, елга янында торак йортлар һәм башка объектлар төзү уйланылган булырга тиеш. Бу хакта Татарстан Дәүләт Советы Рәисе Фәрит Мөхәммәтшин парламент президиумы утырышында белдерде.

Ураза бәйрәме хөрмәтенә Чабаксар шәһәренең «Болгар» мәчете имамы Хәбир хәзрәт Ханов һәм мәчет мәхәлләсенең ревизия комиссиясе рәисе Равил Исмәгыйлев авыру мөселманнарга азык-төлек җыелмалары һәм фитыр сәдакасы таратты. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Татарстанда «Массакүләм мәгълүмат чараларында җирле үзидарә темасын иң яхшы яктырту» журналист эшләре конкурсы башланды. Гаризалар 3 майга кадәр кабул ителә.

«СалаваTik»ларның һәрбер җырлары балаларны яхшылыкка өнди, ярдәмчел булырга дәшә. Яңа җырлары да нәни дусларыбызга – кошларга багышлана, дип хәбәр итте оештыручылар.

Пенза өлкәсенең Татар милли-мәдәни мохтарияте офисында халык шагыйре Габдулла Тукайның 138 еллыгына багышланган «Мин татарча сөйләшәм!» акциясе узды. Бу хакта Вконтакте социаль челтәрендә «Пенза өлкәсенең Татар милли-мәдәни мохтарияте» төркемендә хәбәр ителә.

Мәскәүдә «Мәдинә» нәшрияте «Коран. Перевод смыслов и комментарии» китабын бастырып чыгарган. Хезмәтнең авторы Иман Валерия Порохова. Бу турыда Россия Мөфтиләр шурасы сайтында хәбәр ителә.

Казанның Ритуаль хезмәтләрне оештыру идарәсе «Курган» җирләү комплексында язгы ташу сәбәпле табутлар һәм мәетләр йөзеп чыгуы турындагы хәбәрләргә җавап бирде. Бу хакта «Татар-информ» агентлыгына Казан башкарма комитетының матбугат хезмәтендә хәбәр иттеләр.

19 апрельдә алтынчы чакырылыш Татарстан Дәүләт Советының илле өченче утырышы уза. Анда республика Премьер-министры Алексей Песошин депутатларга ТР Министрлар Кабинетының 2023 елдагы эшчәнлеге нәтиҗәләре турында хисап тәкъдим итәчәк. Бу хакта парламент президиумы утырышында билгеле булды. Бу турыда «Татар-информ» хәбәрчесе Надежда Гордеева яза.

Татар җәмәгатьчелеге Габдулла Тукайны искә алу көнендә шагыйрьнең каберенә чәчәкләр салганда Тукайны өйрәнүче үзәк кирәклеге мәсьәләсен күтәрде.

«Тәртип» радиосы баш мөхәррире Ризәлә Исмәгыйлева кеше арасында эшләүчеләрнең – артистларның да, журналистларның да матди ягы тиешле дәрәҗәдә кайгыртылган булырга тиеш дип белдерде. «Алар акча турында уйласа, иҗат итә, эшли алмый», – диде ул «Татар-информ»да «Тәртип» радиосының 10 еллыгына багышланган матбугат очрашуында.

Казанның Яңа Татар бистәсе зиратында татар халкының бөек шагыйре Габдулла Тукай каберенә чәчәкләр салу мәрасиме хәзрәтнең догалары белән башланып китте. «Без Тукайны әсәрләрен укып та, дога кылып та искә алырга тиешбез. Чөнки ул мөселман булган, дин буенча яшәгән һәм безнең догаларыбызга мохтаҗ. Без аңа дога кылып зур бүләк ясаячакбыз», - дип сүзен башлады дин әһеле.

Татарстанның халык артисты Җәвит Шакиров сәнгать дөньясында бөтен нәрсәне акчага корырга ярамый дип санавын белдерде. Ул бу хакта «Татар-информ»да «Тәртип» радиосының 10 еллыгына багышланган матбугат конференциясендә сөйләде.

Татарстан Республикасы яшь гвардиячеләре Оренбург өлкәсендә язгы ташудан зыян күрүчеләргә гуманитар ярдәмнең икенче партиясен озатты. Бу хакта «Бердәм Россия Яшь Гвардиясе»нең матбугат хезмәте хәбәр итә.

«Тәртип» радиосының 10 еллыгына багышланган «Кабатланмас моңнар» концертында танылган гаиләләр чыгыш ясаячак. Концерт 17 апрель көнне Казанның Габдулла Тукай исемендәге Татар дәүләт филармониясендә була. «Тәртип» радиосының 10 еллыгы һәм концерт турында «Татар-информ»да узган матбугат конференциясендә сөйләделәр.

Казанда санитар чистарту буенча икеайлык кысаларында 20 апрельдә гомумшәһәр өмәсе узачак. Өмәдә сулыкларның яр буе зоналарына һәм урман полосасы территорияләренә төп игътибар бирергә ниятлиләр. Шәһәр башкарма комитеты җитәкчесе урынбасары Игорь Куляжев эшлекле дүшәмбе киңәшмәсендә шулай дип белдерде.