Новости за 10.12.2021

د طالبانو د حکومت ویاند وایي، وروستیو درېیو میاشتو کې يې ۶۷۰ تنه داعشیان د افغانستان له بېلابېلو سیمو څخه نیولي دي.  د ترکیې انادولو خبري اژانس له دوی سره د ذبیح الله مجاهد د یوې مرکې پر بنسټ لیکي چې دې موده کې د داعش پنځه ویشت پټن ځایونه په کابل او جلال اباد کې له منځه تللي دي.  ښاغلي مجاهد خپله مرکه کې یو ځل بیا ویلي چې داعش د افغانستان لپاره کوم جدي ګواښ نه دی.  له کله نه چې طالبان په افغانستان کې واک ته رسیدلي دي، داعش وسله والې ډلې د څو خونړیو بریدونو پړه منلې.  دې بریدونو کې تر ټولو... Читать дальше...

د چک جمهوریت یوې خیریه موسسې 'پیوپل ان نیډ People in Need' بېرته په افغانستان کې خپل فعالیت پيل کړ.  د پراګ نړیوالې راډیو پرون راپور ورکړ چې د چکانو په ګډون د دغې موسسې بهرني کار کوونکي د نوومبر میاشتې له پيله په مزار شریف ښار کې ځای پر ځای شوي دي.  دا موسسه په افغانستان کې د بشري مرستو دوه عملیاتي دفترونه لري چې لسګونه محلي کارکوونکي هم په کې دي.  دا چکۍ موسسه وایي، تېرو شلو کلونو کې یې له سلګونه زره افغانانو سره د کورونو، ښونځیو، روغتیایي کلینیکونو او سړکونو په جوړولو کې مرسته کړې او دغه... Читать дальше...

د کډوالو په چارو کې د ملګرو ملتونو عالي کمېشنري 'یو.اېن.اېچ.سي.ار' وایي، کندهار او هلمند کې یې له ۱۴ زره هغو بېرته ستنېدونکو سره نغدي مرسته وکړه چې له خپلو مېنو بې ځایه شوي وو.  دغې ادارې د پنجشنبې په ورځ پر خپله ټویټرپاڼه ولیکل، اړینو خدمتونو ته د لاس رسي او د ډېرې بې ځایه کېدنې د مخنیوي لپاره داسې مرستې مهمې دي.  بل لورته د کډوالۍ نړیوال سازمان 'ای.او.اېم' ویلي، هڅه کوي چې افغانستان کې تر دوه لکو پورې کسان د دوی له مرستو برخمن شي.  دغه سازمان هم په یوه ټویټ کې لیکلي چې بې ځایه شوېو او زیان... Читать дальше...

د اروپایي ټولنې د ۱۵ هېوادونو یوې ډلې هوکړه کړې چې ۴۰ زره افغانانو ته به د میشتېدو زمینه برابروي.  دا خبره یوې اروپایي کمېشنرې ایلوا یوهانسن Elva Johansson پرون د دغې ټولنې د کورنیو چارو وزیرانو له غونډې وروسته وکړه.  د یوه سند له مخې چې فرانس پرېس اژانس کتلی، جرمني ۲۵ زره کسانو، هالنډ ۳۱۵۹، اسپانیا او فرانسه ۲۵۰۰ او نور هېوادونه کم شمېر افغانان قبلوي.  د مېرمن یوهانسن په خبره، دا د پیوستون یو نېکمرغه ګام دی.  له دې وړاندې د ملګرو ملتونو د کډوالو کمېشنر فلیپو ګراندې له اروپایي ټولنې غوښتي... Читать дальше...

سږ کال د بشري حقونو نړیواله ورځ داسې مهال را رسېږي چې په افغانستان کې دا حقونه او په تېره بیا د ښځو د حقونو وضعیت د ډېرې اندېښنې وړ بلل کېږي.  د بشري حقونو د څار سازمان د ښځو د څانګې مرستیاله هیدر بار وایي، افغانستان د بشري حقونو له پلوه بد وضعیت او سختې ورځې ګالي.  هغې له ازادي راډیو سره ځانګړې مرکه کې وویل: "دا د بشري حقونو او په تېره بیا د ښځو د حقونو لپاره یو ورانونکی او سخت وخت دی، په افغانستان کې میلیونونه ښځې او نجونې له خپلو حقونو بې برخې دي او په دې فکر کې دي چې څنګه له دې شرایطو سره... Читать дальше...

د امریکا ولسمشر جوبایډن د اقتدار او استبداد د پراختیا پر ضد د ډموکراسۍ د ساتنې د ژمنو د تازه کولو غوښتنه وکړه.  بایډن د ډموکراسۍ لپاره د دوه ورځنۍ انلاین غونډې په پرانیستونکې وینا کې وویل، بهیرونه "عمدتاً غلط لوري ته روان دي" او دموکراسۍ اتلانو ته اړتیا لري.  بایډن د نړۍ د ځینو مشرانو کړنو ته په اشارې وویل چې ډموکراسۍ د شاتګ له خطر سره مخامخ ده: "دا بهیرونه د نړیوالو ننګونو له کبله چې تر پخوا ډېرې پیچلې شوي، لا  خرابه کېږي، د دغو اندېښنو د لېرې کولو لپاره ګډو هڅو ته اړتیا ده، دوی د خپل قدرت او... Читать дальше...

کترینا کېف له ویکي کوشال سره واده وکړ.  کترینا کېف د هند د سینما بالیوود له مشهورو لوبغاړو ده. خاوند یې ویکي کوشال چې تازه سینما ته راغلی هم خورا شهرت ترلاسه کړی دی.  کترینا او ویکي کوشال پرون د هند په راجستان کې په یو لړ شانداره مراسمو سره د خپل واده مراسم ترسره کړل.   کترینا کېفپه خپل انسټاګرام لیکلي چې: "زموږ په زړونو کې یوازې مینه او د هغو ټولو شیانو قدرداني چې موږ یې دې شېبې ته راوستلو."

ګارډین ګارډین ورځپاڼه لیکي، د برتېش کونسل نږدې ۱۰۰ پخواني غړي په افغانستان کې دي او هلته‌یې ځانونه پټ کړي دي. ورځپاڼه لیکي چې دا هغه کسان دي چې د بریتانیا په ارزښتونو او انګلیسي ژبه‌یې خلک پوهول، خو د بریتانیایي چارواکو له لوري تر اوسه د دوی دا غوښتنه نه‌ده منل شوې چې بریتانیا ته راشي.  ګارډین وړاندې لیکي، په افغانستان کې د برتېش کونسل پخواني مسؤل جوزف سیتون د بریتانیا د کابینې غړو ته په یوه لیک کې لیکلي دي چې دا کسان باید بریتانیا ته راشي، خو د ده په وینا له څو میاشتو راهیسې د ده غوښتنې ته ځواب نه‌دی ویل شوی. Читать дальше...

د بشري حقونو د څار سازمان وايي افغانتسان د بشري حقونو له پلوه سختې او ورانوونکې ورځې تېروي. د دغه سازمان د ښځو د برخې مرستیالې هیتربار ازادي راډیو سره په ځانګړې مرکه کې له ښځو سره د طالبانو په چلند سخته نیوکه وکړه او ویې ویل یو شمېر هغه افغان نجونې چې اوس له ښوونځیو محرومې ګرځول شوي ممکن بیا هېڅکله مکتب ته ستنې نه شي. طالبانو بیا ویلي چې د اسلامي شریعت په چوکاټ کې ښځو ته حقونه ورکوي او ډېر ژر به ښوونیز مراکز هم د ټولو نجونو په مخ پرانیزي. له هیتر بار سره په دې اړه صفي الله ستانکزي د سکایپ له لارې مرکه کړې ده.

د نوبل د ۲۰۲۱ میلادي کال د سولې جایزې ګټونکی دمیتري موراتوف وایي، مستبدو مشرانو رسنۍ او ډموکرات بنسټونه له خطر سره مخامخ کړي دي.  موراتوف چې د یوې خپلواکې روسۍ ورځپاڼې 'نوایا ګزیتا Novaya Gazeta' ایډیټر دی، پرون په اوسلو کې د جایزې له اخیستو مخکې خبریالانو ته وویل، پر دموکراسۍ د خلکو د باور کمېدل په دې معنی دي چې خلک د وخت په تېرېدو دې اصل ته شا کوي.  د ده په وینا کله چې ډموکراسي له منځه ځي خلک به مستبد رهبران ولري چې هغه بیا جګړې ته زمینه برابروي.  د ده ورځپاڼه له ۲۴ کلونو راهیسې روسیه کې فعالیت کوي چې تراوسه یې ۶ کار کوونکي وژل شوي دي. Читать дальше...

اذربایجان او ارمنستان یو بل تورنوي چې د لانجمنې ګډې پولې په اوږدو کې یې له اوربنده سرغړونه کړې ده.  د اذربایجان د دفاع وزارت پرون د دسمبر په ۹مه نېټه یوه بیان کې وویل چې ارمني ځواکونو  په کلبه جر ( kal-ba-JAR ) ولسوالۍ کې د دوی پر ځواکونو ډزې کړي دي.  دا ادعا څو ساعته وروسته تر دې وشوه چې اذربایجان وویل، یو سرتیری یې د ارمنستاني ځواکونو له خوا ګډې پولې ته نژدې وژل شوی دی.  په همدې حال کې د ارمنستان د دفاع وزارت ویلي، اذربایجاني ځواکونو د دوی د پوځ پر مېشت ځایونو ډېرې ډزې کړي دي.   خپلواکو... Читать дальше...

په لندن کې مېشته یوه څیړنډله وایي، د چین حکومت په شینجیانګ کې د مسلمانانو عام وژنه کړې ده.  دې خپلواکې او غیر رسمي ډلې دا څرګندونې وروسته تر دې کړي چې دې سیمه کې یې د بشري حقونو د سرغړونو په تړاو څېړنې وکړې.  دوی ویلي، د چین حکومت شینجیانګ کې ایغوري، قزاقي او د نورو توکمونو خلک چې تر ډېره مسلمانان دي وژلي او شکنجه کړي دي.  دا ډله له بریتانوي وکیلانو، پوهانو او سوداګرو جوړه ده چې هېڅ ډول حکومتي ملاتړ نه لري.  د دې محکمې تنظیمونکي هیله من دي چې د بشري حقونو د سرغړونو په تړاو ښکاره شواهد به یې نړیوال د چین د سیاستونو پر ضد اقدام ته وهڅوي. Читать дальше...