Новости за 20.08.2022

د خبریالانو د خوندیتوب نړیوالې کمېټې یا سي پي جي له طالبانو غوښتي چې هر څه ژر ازاد امریکايي خبریال او فلم جوړونکی او له هغه سره نیول شوی افغان فیض‌الله فیض له بنده ازاد کړي. د خبریالانو د خوندیتوب نړیوالې کمېټې د جمعې په یوه خپره کړې اعلامیه کې لیکلي، طالبانو ازاد خبریال او فلم جوړونکی ایورشیرر او ورسره یو بل افغان پروډیوسر فیض‌الله فیض د اګسټ په ۱۷مه، د کابل په شېرپور سیمه کې، هغه مهال ونیول چې دواړو ویډیو اخیسته. دوی دواړه هغه سیمه کې نیول شوي چېرې چې د القاعده شبکې مشر ایمن‌الظواهري د امریکا د بې‌پیلوټه الوتکې په برید کې ووژل شو. Читать дальше...

د طالبانو د حکومت د صنعت او سوداګرۍ وزارت وایي، له روسیې سره یې افغانستان ته د یو میلیون مټریک ټنه تېلو د واردولو په اړه خبرې روانې کړي. د طالبانو د حکومت د صنعت او سوداګرۍ وزارت چارواکي تاییدوي چې د دغه وزارت د سرپرست نور الدین عزیزي په مشرۍ یو پلاوی چې روسیې ته «د جنوبي اسیا په جګړه ځپلو هېوادونو کې د پانګونې د هڅولو په موخه ناستې» کې د ګډون په موخه تللی، روسیي چارواکو سره یې افغانستان د یو میلیون میټریک ټنو تېلو پر واردولو خبرې پیل کړي. د دغه وزارت د رسنیو برخې مسوول احمد جاوېد دبیر د شنبې په ورځ ازادي راډیو ته په دې اړه وویل... Читать дальше...

په اسلام اباد کې د اګست پر ۱۹مه نېټه په اوونيزه خبرې غونډه کې د پاکستان د بهرنیو چارو د وزارت ویاند عاصم افتخار وویل چې په امریکا کې د افغانستان کنګل شوې شتمنۍ باید په بیړنۍ توګه ازادې او موقتي چارواکیو ته دې کارول اسانه شي.

د ملګرو ملتونو سازمان په افغانستان کې د ۶ میلیونو ډالرو په ارزښت وروستیو زلزله ځپلو ته د استوګنې ۱۰۰۰ کورونه جوړوي. د پکتیکا په برمل ولسوالۍ کې ورستیو زلزله ځپلو ته د زرو کورنو د جوړېدو چارې تېره ورځ پیل شوې. د طالبانو حکومت له طبعې پېښو سره د مبارزې وزارت وايي، د یادو کورونو سروې میاشت وړاندې شوې او چارې د جمعې په ورځ پیل شوې. د دې وزارت مرستیال شرف الدین مسلم د شنبې په ورځ ازادي راډیو ته وویل چې له دې پروسې وروسته په ګیان ولسوالۍ هم د ۱۰۰۰ کورونو د جوړېدو لپاره پلان شته. مسلم وویل: "د دغو... Читать дальше...

په ۲۰۰۲ کې په هرو یولک میندو کې ۱۶۰۰ په اولاد مړې کېدې خو د تېرو ۲۰ کلونو د هڅو په نتیجه کې د ۲۰۲۰ کال د سروې پر اساس دا شمېر په هر یولک ښځو کې ۶۳۸ ته راټیټ شو.

په داسې حال کې چې د طالبانو حکومت د خوړو او درملو ملي ادارې چارواکي وایي، د تېر په پرتله یې د درملو د واردتو او تولید برخه کې جدي اصلاحات رامنځته کړي خو مني چې په بازار کې درمل کم شوي دي. که څه د طالبانو د حکومت د خوړو او درملو ملي ادارې چارواکي له تېرو شپږو میاشتو راهیسې هېواد د درملو د وارداتو په برخه کې د جدي څارنې کیفیت او لوړ معیار خبره کوي او ان خبرداری ورکوي چې په خبره یې که د درملو واردوونکي توکي دې مسایلو ته پام ونه کړي نه یوازې دا چې نغدي جریمه کېږي بلکې عدلي او قضایي محاکمو ته به یې... Читать дальше...

د حکومت له خوا په بیان کې ويل شوي چې د اګست پر ۱۹مه نېټه د داخله چارو په برخه کې د اعلا وزیر سلاکار ضیا لانګو په مشرۍ کې د هرنايي پرلت په اړه غونډه وشوه چې پکې د رامنځ شوو حالاتو جاج واخيستل شو.

که څه هم د ۱۳ طالب چارواکو د سفرونو د بندیز معافیت نن پای ته رسېږي، خو د ملګرو ملتونو امنیت شورا د خپلمنځي اختلافاتو له امله تر اوسه د نوې پرېکړې په اړه یوې هوکړې ته نه‌ده رسېدلې. د ملګرو ملتونو امنیت شورا د ۱۳ طالب چارواکو د سفرونو د معافیت په اړه نه‌‌ده توانېدلې خپله وروستۍ پرېکړه وکړي. اسوشیتیډپرس خبري اژانس نن د اګست په شلمه د لوړ پوړو ډیپلوماټانو له قوله راپور ورکړی چې روسیه او چین د دې پلوي دي چې ۱۳ طالب چارواکو د سفرونو معافیت دې دوام وکړي او دا طالب چارواکي دې د روسیې او چین په ګډون، قطر او د سیمې هېوادونو ته د سفر اجازه ولري. Читать дальше...

د طالبانو حکومت د يوې نوي طرحې د جوړولو له لارې غواړي هغو معتادینو ته د کار زمينه برابره کړي چې نشه پرېږدي. د يادولو وړ ده چې دوی ته به تر کار مخکي مسلکي زده کړې هم ورکول کېږي. د معتادینو د تخنيکي او مسلکي زده کړو طرحه چې په ۱۳۹۶ شمسي کال کې د نشه يي موادو د قانون د (۶۷) او (۷۱) مادو له مخې چمتو شوې وه، تازه د طالبانو د حکومت کابينې تائيد کړه. د دې طرحې له مخې د عامې روغتيا وزارت مکلف شوی چې د کورنیو چارو وزارت په همکارۍ معتادین راټول او درملنه يې وکړي. د پوهنې، حج او اوقافو او امر باالمعروف... Читать дальше...

له دريو زرو کسانو څخه چې په تېر يوه کال کې د جنايي جرمونو په تور په کابل کې نيول شوي، تر درې سوه ډېر يې د نشه يي موادو قاچاق کوونکي او خرڅوونکي دي. د طالبانو حکومت یو کال وروسته د لومړي ځل لپاره په کابل کې د نشه يي موادو د توليد او قاچاقو د وضعيت په اړه راپور خپور کړ. دا راپور ښيي چې په کابل کې د نشه يي موادو د قاچاقو کچه لوړه ده. د کابل د امنيې قوماندانۍ په دې راپور کې راغلي چې، د طالبانو د حکومت امنيتي ځواکونو په تېر يوه کال کې يوازې په کابل ښار کې له نشه يي موادو سره د مبارزې په برخه کې تر دوه سوه ډېر عمليات کړي دي. Читать дальше...

تېره شپه سلګونو افغانانو د لندن په لوېدیځ کې د ساوت هال په سیمه کې له بریتانیا څخه د افغانستان د خپلواکۍ د اخیستو جشن جوړ کړ. واټونو ته د سلګونو کسانو د راوتلو له کبله ګڼ سړکونه په ساعتونو بند شول. تر دې وړاندې د لندن په همدې سیمه کې، چې اکثره اوسېدونکي یې هندیان او پاکستانیان دي، د اګست په څوارلسمه پاکستانیانو او د اګست په ۱۵ مه هندیانو د خپلو هېوادونو خپلواکۍ ونمانځلې. تېره شپه په ساوت هال او شاوخوا سیمو کې یې پولیسو د شپې تر ناوخته پورې واټونه بند کړي وو چې په دغه ځای کې افغانان په اسانه د خپلواکۍ جشن ونمانځي. Читать дальше...

د طالبانو د حکومت د مالیې وزارت وايي، د کاني موادو ګمرکي محصول یې ۲۵ سلنې ته لوړ کړی دی. د دغه وزارت په وینا د ناپروسس شویو معدني موادو پر صادراتو مالیه پخوا ۵ سلنه وه. دا وزارت وايي چې تعرفه یې د دې لپاره لوړه کړې چې د کاني موادو بیه د نړیوالو بازارونو له بیې سره برابره شي.

د روسیې ریا نووستي خبري اژانس وايي، په افغانستان کې د طالبانو د حکومت چارواکو له روسیې سره د بارتري سوداګرۍ غوښتنه کړې ده. د اژانس پر اساس، طالبانو وړاندیز کړی چې د روسیې د تېلو او نورو محصولاتو په بدل کې به دغه هېواد ته منرالونه، ممیز او طبي بوټي صادر کړي. د طالبانو د حکومت د سوداګرۍ او صنعت وزیر نورالدین عزیزي ویلي چې که د روسیې او افغانستان ترمنځ بارتري سوداګري ممکنه نه شوه د سوداګرو په وسیله به د پیسو د انتقال له لارې له روسیې تېل واخلي. د طالبانو پر حکومت د امریکا د بندیزونو له کبله افغانستان ته د پیسو انتقال له ستونزو سره مخامخ دی.

د شلو سترو اقتصاد لرونکو هېوادونو په سرمشریزه کې د روسیې د ولسمشر له ګډون سره له مخالفتونو سره سره د اندونیزیا ولسمشر جوکو ویدودو پرون جمعه وویل چې د روسیې او چین ولسمشران به په دې غونډه کې ګډون وکړي. ټاکل شوې ده چې د شلو سترو اقتصاد لرونکو هېوادونو سرمشریزه د سږ کال د نوومبر په منځویو کې د اندونیزیا په بالي ټاپو کې جوړه شي. د اندونیزیا ولسمشر وویل، د چین ولسمشر شي جین پینګ به ورشي او ولسمشر پوتین هم ورته ویلي چې ورځي. دا سرمشریزه کېدای شي چې د نړۍ د لانجمنو مسئلو پر سر د امریکا د ولسمشر جو... Читать дальше...

د سوریې په شمال کې د الباب ښار پر یوه مارکېټ پرون جمعه د توغندي د لګېدو له کبله لږترلږه ۹ تنه وژل شوي او لسګونه نور ژوبل دي. د سوریې دا سیمه د ترکیې له ملاتړه د برخمنو ملېشه ځواکونو تر کنټرول لاندې ده. په بریتانیا کې د سوریې د بشري حقونو څارونکو د سوریې دولتي ځواکونه د دې برید مسوول بللي او ویلي چې دا برید د ترکیې د هوايي ځواک د بمبارۍ په ځواب کې شوی دی. د ترکیې د هوايي ځواک د تېرو ورځو په برید کې لږترلږه ۱۱ تنه سوري پوځیان او ملېشه وژل شوي وو.

ترکیه وايي، له هغو افغانانو سره د کار موندلو په برخه کې مرسته کوي چې په خپله خوښه خپل هېواد ته ستانه شوي دي. ترکیې دا نوښت وروسته له دې وکړ چې سلګونه افغانان یې د خپل هېواد په ښارونو کې ونیول او افغانستان ته ولېږل. دغه هېواد سږ کال د هغو افغانانو لپاره شرایط سخته کړي چې قانوني اسناد نه لري او دغه هېواد ته یې له غیرقانوني لارو سفر کړی دی. د ترکیې سره میاشت ټولنه وايي، په افغانستان کې بېرته ستنو شویو ته د کاروبار په برخه کې د دوی مرسته سبب شوې چې ترکیې ته د پناه وړونکو افغانانو شمېر کم شي. نور جزییات د لاندې لېنک په کېکاږلو اورېدلی شئ... Читать дальше...

په افغانستان کې د زرګونو قابلو د روزل کېدو له کبله په اولاد د میندو مړینې خورا کمې شوې وې خو اوس یو وار بیا د زېږون په مهال د میندو مړینې په ډېرېدو دي. د روغتیا متخصصان اندېښنه لري چې د قابلو او نورو ښځینه روغتیاپالو د روزلو بهیر به نور هم ټکنی شي ځکه چې طالبان نجونو ته اجازه نه ورکوي چې له شپږم ټولګي پورته زده کړې وکړي. نور جزییات د لاندې لېنک په کېکاږلو اورېدلی شئ:

نیویارک ټایمز: نیویارک ټایمز ورځپاڼې په افغانستان کې په وروستیو ورانونکو سېلابونو یو تفصلي راپور خپور کړی چې په کې یې په بېلابېلو ولایتونو کې له افغان سېلاب ځپلو سره خبرې کړي دي او د طالب چارواکو له خولې یې ویلي چې په تېره اونۍ کې د افغانستان په ختیځو، مرکزي او جنوبي سیمو کې سېلابونو لسګونه کسان وژلي دي. ورځپاڼه د ملګرو ملتونو د بشري همغږۍ د ادارې په حواله وايي چې په همدې اونۍ کې سېلابونو شاوخوا ۷۹۰ کورونه نړولي دي چې څلور زره کورنۍ ورسره اغېزمنې شوې دي. نیویارک ټایمز وايي، افغانستان چې په... Читать дальше...

د تاجکستان یو چارواکی وايي، د کاسا ۱۰۰۰ پروژې کار د افغانستان د وضعیت د ناسموالي له کبله ځنډول شوی دی. دا پروژه، د منځنۍ اسیا برښنا د افغانستان له لارې پاکستان ته رسوي. لوېدیځ هم د کاسا زر پروژې ملاتړ کاوه. نور جزییات د لاندې لېنک په کېکاږلو اورېدلی شئ: