Новости за 07.08.2022

تخار ولایت کې د واليبال حذفي جام سيالۍ پاى ته ورسېدې. د افغانستان د والیبال فدارسیون په یوې خبرپاڼې کې ویلي، د واليبال حذفي جام سیالۍ چې دوه اونۍ وړاندې د ١٨ لوبډلو ترمنځ پيل شوې وې تېره ورځ د دشت قلعه ولسوالۍ په بريا سره پاى ته ورسېدې. په دغه سیالیو کې تالقان لوبدلې دوهم مقام ترلاسه کړ. دغه سيالۍ د واليبال فدراسيون له لوري د بدني روزنې او ورزش امريت په مرسته د تالقان ښاروالۍ په چمن کې پيل شوې وې، چې موخه يي د غوره ورزشکارانو پېژندل او د مرکز او ولسواليو په کچه د واليبال ورزش وده بلل شوې ده.

د افغانستان رګبي لوبډلې ایران ته په ماتې ورکولو سره د اسيا سياليو پای لوبې ته لار ومونده.   د افغانستان د بدني روزنې او ورزش ریاست په یوې خبرپاڼې کې لیکلي، چې د افغانستان رګبي لوبډلې د اسیا سیالیو په نیمه پای لوبه کې د ۰ـ۲۲ په توپیر ایران لوبډلې ته ماتې ورکړه او په دې سره یې پای لوبې ته لاره ومونده.   د دې ریاست د معلوماتو له مخې، دغه سیالۍ چې د اندونیزیا په پلازمېنه جارکاتا کې تېره اونۍ پیل شوې وې، افغانستان، اردن، هندوستان، اندونیزیا او ایران لوبډلو ته په ماتولو ورکولو سره ددې سیالیو فاینل یا پایلوبې ته لاره پیدا کړه. Читать дальше...

د ډاکټرانو په وینا، کولرا شدید، منځني او خفیف ډولونه لري او که پر وخت یې درملنه و نه شي، د مرګ لامل کېدای شي. د دوی په وینا، په کولرا په هغو ځایونو کې زیات خلک اخته کېږي چې اوبه يې ناپاکې او ککړتیا پکې ډېره وي.

د افغانستان شطرنج ملي لوبډلې قبرس ته ماتې ورکړه. د ورزشي اژانسونو د راپورنو له مخې، د افغانستان شطرنج ملي لوبډلې د شطرنج نړيوالو لوبو اتم پړاو سیالیو کې تېره ورځ د قبرس ملي لوبډلې ته ماتې ورکړه. د شطرنج دغه نړېوالې لوبې دوه اونۍ وړاندې د هندوستان هېواد په چېناى ښار کې پیل شوي، چې افغانستان تر دا مهاله په خپل ګروپ کې درېیم مقام لري. د راپورنو له مخې، افغانستان به نن يکشنبه يوګانډا سره مخ شي. په دغه سیالیو کې د ۱۸۸ هېوادونو څخه لوبغاړي ګډون لري، چې د روانې میلادي میاشتې تر لسمې نېټې پورې به دوام وکړي.

په ننګرهار کې د ډينګي تبې له ډېرېدو وروسته د افغانستان په پلازمېنې کابل کې هم خلک اندېښمن کړي دي. د ننګرهار ولایت اوسېدونکی امېد چې یوه اوونۍ مخکې په ډينګي تبې اخته شوی وايي، زړه بدوالی، د عضلاتو او سترګو درد د دې ناروغۍ نښې دي. امېد وايي، په ننګرهار کې د حشراتو زیاتوالی لامل شوی چې دی په دې ناروغۍ اخته شي. هغه زیاتوي: "تبه مې وه، د سترګو او عضلاتو درد هم ورسره و. زړه بدوالی مې درلود او اشتها مې هم کمه وه. دې ناروغۍ څو ورځې په تکلیف کړم. له خلکو مې غوښتنه دا ده چې خپلې روغتیا ته پام وکړي. په... Читать дальше...

د اوکراین ولسمشر وایي، روسیې د زاپوریژیا د اټومي برښنا کوټ په بمبارولو سره "نړیوال ګواښ" پیښ کړی دی. د اوکراین ولسمشر ولودمیر زلنسکي وایي، د زاپوریژیا اټومي برښنا کوټ شاوخوا سیمه کې وضعیت ډېر کړکېچن شوی دی. زلنسکي پرون ماښام ولس ته په خپله ورځنۍ وینا کې روسیه د نړۍ لومړنی هېواد یاد کړ چې په خبره یې له اټومي برښنا کوټه د وحشت او وېرې په توګه کار اخلي. زلنسکي وویل، د همدې " نړیوال ګواښ" رامنځته کولو په خاطر به دوی له نړۍ نه وغواړي چې پر روسیې نوي بندیزونه ولګوي. د اوکراین چارواکو ویلي، په... Читать дальше...

د طالبانو حکومت، په کابل کې د القاعدې ډلې د مشر تر وژل کېدو وروسته پر دوی د ځینو نړیوالو او کورنیو چارواکو او ادارو د شکونو او نیوکو په غبرګون کې وایي، چې د یادې پېښې په دې اړه یې لا هم څېړنې روانې دي. طالبان وایي، د دې پېښې په اړه د څېړنو جزییات پټ نه پاتې کېږي. د طالبانو د حکومت ویاند ذبیح الله مجاهد ازادي راډیو ته وویل: "دا معلومات او جزییات یې پټ نه پاتې کېږي، خو تحقیقات روان دي. کله چې په دې اړه د اسلامي امارت تحقیق بشپړ شي، بیا به له ټولو هغو ادارو او اشخاصو او جهتونو سره شریک شي چې لازمه... Читать дальше...

د ناروې د بهرنیو چارو په وزارت کې د دولت وزیر ایوینډ واډ پیټرسن ویلي چې په افغانستان کې د طالبانو کړنو دوی "مایوسه" کړي دي.

د طالبانو حکومت تر کنټرول لاندې د اوسپڼۍ پټلۍ اداره وايي، په تېره یوه اونۍ کې ۶۷ زره او ۶۷۷ ټنه انتقالات شوي. دغې ادارې په یوې خبرپانې لیکلي، چې یاد انتقالات د اقینې، حیرتان او تور غونډۍ بندرونو له لارې شوي. د خبرپاڼې په حواله، د دغو انتقالاتو ډېره برخه د حیرتان بندر له لارې ده چې ۴۳ زره ۸۲۵ مټریکه ټنه کېږي. د اوسپنۍ پټلۍ ادارې د معلوماتو له مخې، په یادو انتقالاتو کې نفتي، غیرنفتي او نور مواد افغانستان ته وارد شوي دي. د یادې ادارې په وینا، په دغه اونۍ کې له دې لارې له افغانستان نه ۹۸۴۰ مټریکه ټنه صادارت هم شوي چې لویه برخه یې ممیز دي. Читать дальше...

د افغانستان د سوداګرۍ او پانګونې خونه وايي، د تېر کال په پرتله پاکستان او هندوستان ته د تازه میوو صادرات زیات شوي. د دغې خونې مرستیال یونس مومند نن ازادي راډیو ته وویل، د تېر میلادي کال په ورستیو شپږو میاشتو کې د صادراتو کچه ۴۸۰ میلیونه ډالره وو، خو د سږکال په لومړیو شپږو میاشتو کې دغه کچه ۷۵۰ میلیونو ډالرو ته پورته شوې. د ښاغلي مومند په خبره، که د تازه میوو صادرات په همدې ډول روان وي ښايي د صادراتو کچه تر راتلونکو څو میاشتو پورې څو چند لوړه شي. دا په داسې حال کې ده، چې له دې وړاندې د افغانستان... Читать дальше...

د ناورې د بهرنیو چارو وزارت له القاعدې ډلې سره د طالبانو پر اړیکو اندېښنه څرګنده کړه. د ناروې د حکومت چارواکي له القاعدې ډلې سره د طالبانو اړیکو اندېښمن کړي دي. د ناروې د بهرنیو چارو وزیر ایویند واډ پیټرسن د اګسټ پر شپږمه نېټه ډاګبلاډېټ ورځپاڼې سره په مرکه کې ویلي، په افغانستان کې د القاعدې ډلې د مشر ایمن الظواهري وژل کېدو دا ثابته کړې چې له دغې ډلې سره د طالبانو "تماسونه" لا هم شته، هغه ادعا چې طالبانو مخکې په وار وار رد کړې ده. ډاګبلاډېټ ورځپاڼه کې د ښاغلي پیټرسن له قوله راغلي: "په کابل کې... Читать дальше...

په سیند کې بارانونو او سېلاوونو خلکو ته د مرګژوبلې تر څنګ لوی مالي زیانونه هم ور په برخه کړي دي. د سیند د یوشمېر کلیو کروندګر وايي، سېلاوونو یې د پنبې ولاړ فصلونه خراب کړي دي. په هغه صوبه کې زیاتره کروندګر پنبه کري. د رویټرز اژانس له ویډیو جوړ رپورټ.

د افغانستان د ۱۹ کلنو کم عمره فوټبال لوبډلې تېره شپه تاجکستان ته لوبه وبایلله. دغه لوبه د کابل په وخت تېره شپه اته نیمې بجې پیل شوه چې تاجکستان لوبډلې د افغانستان لوبډلې ته ۴-۱ ماتې ورکړه. د تاجکستان پلازمېنه دوشنبه د اسیا د ۱۹ کلنو کم عمره فوټبال لوبډلو کوربه ده. افغانستان له دې وړاندې له قرغزستان هم ماتې خوړلې وه. د افغانستان د فوټبال فدراسیون د معلوماتو پر اساس افغانستان دوه نورې لوبې هم لري، چې سبا دوشنبه ایران او جمعې په ورځ ازبکستان سره د لوبې ډګر ته وځي.

د افغانستان د کرکټ ملي لوبډله به روانه اونۍ په بلفاسټ کې له ایرلنډ سره د شل اورونو لوبلړۍ پيل کړي. ټاکل شوې ده، چې لومړۍ لوبه د سې شنبې په ورځ وکړي او بیا د اګسټ تر اوولسمې له کوربه ایرلنډ سره د شل اورونو څلور نورې لوبې ترسره کړي. له هغه ځایه به افغان لوبډله عربي متحد اماراتو ته سفر وکړي او د اسیا د کرکټ په اتلولۍ کې به برخه واخلي. په دې جام کې به د افغانستان ترڅنګ د هند، پاکستان، بنګله دیش او سریلانکا ملي لوبډلي سیالي سره وکړي.

د ایران سیستان سیمې ته د افغانستان له لورې اوبه داخلې شوې. د افغانستان لپاره د ایران د ولسمشر ځانګړي استازي حسن کاظمي قمي پرون وویل، چې د پر له پسې دیپلوماتیکو هڅو په پایله کې افغانستان اوبه ورخوشې کړې دي. ښاغلي قمي زیاته کړه، چې له طالبانو سره یې خبرې روانې دي څو اوبه په دوامدار ډول د ایران لور ته وبهېږي. وروسته تر دې چې طالبانو کابل نیولی دی دا دوهم ځل دی چې د کمال خان بند اوبه خوشې کوي. خو طالبان وايي، چې اوبه یې د افغانستان پر لور خوشې کړې دي.

سپینې ماڼۍ پرون وویل، چې د ولسمشر جو بایډن د کورونا ټېسټ منفي شو. نهه اویا کلن بایډن د جولای په یو ویشتمه کورونا شوی و چې څو ورځې وروسته یې نتیجه منفي شوه، خو د جولای په دېرشمه یې بله نتیجه بېرته مثبت وخته. د جو بایډن ډاکتر ویلي دي، چې د ولسمشر صحت بیخي ښه دی، خو اوس به بیا هم د هغه بلې نتیجې ته انتظار شي او تر هغه به له نورو خلکو بېل وي.

د اټومي انرژۍ د نړیوالې ادارې مشر د اوکراین په زاپروژیا اټومي بټۍ باندې ډزو ته ژوره اندېښنه ښکاره کړه او ویې ویل چې دا به د اټومي ناورین سبب شي. رافایل ګروسي پرون په یوه بیان کې وویل، د جمعې په ورځ د اروپا پر دې سترې اټومي بټۍ ډزې شوې چې په اوکراین او له اوکراین څخه ورها خوا خلک او چاپېریال تهدیدوي. ماسکو او کییف یو بل تورنوي، چې د زاپروژیا پر اټومي تاسیساتو یې ډزې کړې دي. پر اوکراین د روسیې غیرموجه برید د فبروري په څلورویشتمه پيل شو او لاهم روان دی.

تایوان وایي، چین داسې پوځي تمرینات پیل کړې دي لکه پر تایوان چې برید کوي. د امریکا د استازیو جرګې مشره نانسي پلوسي تېره اونۍ تایوان ته ولاړه او له دې سفره سره په یوه وخت چین دا تمرینات پيل کړل. پیکنګ د اغلې پلوسي پر سفرسختې نیوکې وکړې او وایي چې تایوان بېل هېواد نه دی، د خاورې برخه یې ده. د تایوان د ملي دفاع وزارت خبر ورکړ، چې وسله وال پوځ یې چین ته خبرداری ورکړی دی. دې وزارت پرون څرګنده کړه، چې د تایوان شاوخوا اوبو ته سمندري ځواکونه، هوا ته الوتکې لېږل شوې دي او د مځکنیو توغندیو سیستم فعاله شوی دی. Читать дальше...

د محرم د لسمې ورځې د مراسمو لپاره طالبانو په کابل کې ځانګړي امنیتي تدابیر نیولي دي، خو د دې سربېره په تېرو دوو ورځو کې په دوو بریدونو کې شیعه افغانان په نښه شول او د دې دواړو حملو مسوولیت داعش خراسان څانګې منلی دی. رویټرز اژانس د کابل په پل سوخته سیمه کې د پرونۍ چاودنې د قربانیانو شمېر ۸ او د ټپیانو ۲۲  یادوي. د طالبانو د امنیه قومانداني ویاند خالد ځدراڼ د چاودنې په لومړیو شېبو کې ازادي راډیو ته ویلي و، چې تلفات کم دي دومره نه دي لکه څومره چې یې ځینې رسنۍ شریکوي. د پرون ورځې په پای کې د امنیه... Читать дальше...

واشنګټن ایګزامینر: واشنګټن ایګزامینر ورځپاڼې په دې اړه چې له افغانستانه د امریکايي پوځیانو له وتلو یو کال وروسته لا هم امریکا د ځواکونو د ایستلو په اړه په دې هیواد کې د جنګېدلیو سرتېرو د پوښتنو د ځوابولو پوروړې ده. ورځپاڼه کاږي، له دوې لسیزې جګړې، د زرګونو کسانو له قرباني ورکولو، د میلیاردونو ډالرو له لګولو وروسته امریکا له افغانستانه په نامناسب ډول ووتله، اوس یوه ترهګره ډله پر افغانستان واکمنه ده او طالبان تر ۲۰۰۱ کال مخکې اوس لا ډېرې وسلې لري. خو له دې سره سره د افغانستان د جګړې کمېسیون به،... Читать дальше...

د راپورونو له مخې طالبانو د کمال خان بند اوبه خوشې کړې دي. ایراني چارواکي وایي، د دې بند اوبه د ایران لور ته خوشې شوې دي، خو طالبان وایي چې د بند اوبه یې د افغانستان دننه پرې ایښې دي. د ایران د سیستان او بلوچستان والي حسین مدرس خیاباني د دغه هېواد تسنیم خبرې اژانس ته ویلي دي، چې د کمال خان بند اوبه د ایران په لور خوشې شوې دي. د خیاباني په وینا، دا د خبرو او په افغانستان کې د ډېرو ورښتونو نتیجه ده. ویل کېږي، چې د افغانستان په لوېدیځ کې وروستي ورښتونه د دې سبب شوې دي چې د کمال خان بند پر کاسې اوبه واوړي. Читать дальше...