Новости за 26.08.2021

(Казан, 26 август, «Татар-информ»). Республикада «Агростартап» грантын алуга проектларны сайлап алу конкурсы  тәмамланды. Барлыгы 152 гариза бирелгән, шуларның 6сы быел теркәлгән шәхси эшкуарлар. Татарстан Авыл хуҗалыгы һәм азык-төлек министрлыгы хәбәр иткәнчә, конкурс комиссиясе икътисади яктан нәтиҗәле 60 проектны сайлап алды, алар якын арада инде авыл хуҗалыгы продукциясе җитештерә башлыйлар, грант алган елда ук иң күп санда эш урыннары булдырачаклар.    Өстенлекле юнәлеш — сөт терлекчелеге. Бу категориядә 24 кеше җиңүче булды ... Читать дальше...

(Казан, 26 август, «Татар-информ»). Менделеевск районының Ижевка авылында «Яулык: милләт символы» бөтенроссия фестивалендә милли яулыклардан келәмне тәкъдим итәчәкләр. Чара 28 августта 11:00 сәгатьтә Татарстан Республикасы көнен бәйрәм итү кысаларында үткәрелә. Бөтендөнья татар конгрессы матбугат хезмәте хәбәр иткәнчә, Чулман елгасы буенда милли уеннар һәм күңел ачулар, җыр-хореография этнокомпозицияләре, милли ризыклар, яулыклар, декоратив-гамәли сәнгать эшләнмәләре ярминкәсе узачак. ⠀

(Казан, 26 август, «Татар-информ»). ТР мөселманнары Диния нәзарәтенең «Хозур» нәшрият йорты татар телендә Татарстан мөфтие Камил хәзрәт Сәмигуллинның Хәнәфи мәзһәбенә багышланган «Хәнәфи фикһына кереш»  китабын бастырып чыгарды. Әлеге хезмәтендә Татарстан мөфтие Хәнәфи мәзһәбенең һәм фикһының барлыкка килү тарихы белән таныштыра. «Хәнәфи фикһына кереш» тә автор тугры хәлифәләр һәм табигыйннәр заманыннан алып «фикһның алтын чоры”на кадәр Ислам кануннары үсешенең дәверләрен билгели, дип хәбәр итте Татарстан Диния нәзарәте. Читать дальше...

26-29 августта Гагаузиядә XIX Бөтендөнья Төрки яшьләр берлеге корылтае уза. Анда берлектә теркәлгән 37 оешманың 24еннән вәкилләр катнаша. Татарстаннан "Азатлык" татар яшьләре берлеге оешмасы бу корылтайны канунсыз дип белдерде һәм катнашудан баш тартты.

(Казан, 26 август, «Татар-информ»). Иртәгә Татарстан территориясендә җылы һәм коры һава торышы булачак. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, төнлә һәм иртән томан төшәргә мөмкин. Төнлә һава температурасы +7..+12 градус булачак, ә көндез +20..+25 градуска кадәр күтәреләчәк. Шулай ук синоптиклар фаразлавынча, төньяк-көнчыгыштан уртача тизлектә җил исәчәк.

(Казан, 26 август, «Татар-информ», Надежда Гордеева). Дәүләт Думасы депутатларын сайлауда тавыш бирү көннәрендә Казан мәктәпләрендә белем бирү процессы туктатылмаячак. «Без төрле планнар эшлибез, тик сайлау вакытында белем бирү процессы ниндидер форматта дәвам итәчәге турында тәгаен әйтә алам. Ягъни, көндез яки дистанцион рәвештә. Без бу мәсьәләне хәл итәбез», — диде журналистларга Татарстан башкаласының мәгариф идарәсе башлыгы Ирек Ризванов мәгариф хезмәткәрләренең август киңәшмәсендә. Аның сүзләренчә... Читать дальше...

(Казан, 26 август, «Татар-информ», Эльза Кузнецова). Бүген кичке сәгать алты тирәсендә Казанның Гвардия урамында юл-транспорт һәлакәте булган. «Татар-информ» агентлыгына шаһитлар хәбәр итүенчә, биредә «ГАЗель» белән трамвай бәрелешкән. Шәһәр дәүләт автоинспекциясе белешмәсе буенча, трамвай рельстан чыккан һәм «ГАЗель» машинасына бәрелгән. Каты бәрелешүдән соң йөк машинасы бер ягына ауган, аның кабинасының һәм кузовының бер өлеше җимерелгән. Шаһитлар сүзләренчә, авария вакытында җәмәгать транспортында 20 пассажир булган. Читать дальше...

(Казан, 26 август, «Татар-информ»). Бүген Татарстан Республикасы Хөкүмәте йортында утырышта «Татэнергосбыт» АҖ Директорлар советы рәисе итеп бертавыштан Алексей Песошин сайланды. «Татэнергосбыт» АҖ Директорлар советы утырышы ТР Премьер-министры Алексей Песошин рәислегендә узды, дип хәбәр итте Татарстан Президентының матбугат хезмәте. Көн тәртибенә берничә актуаль мәсьәлә чыгарылган иде, шул исәптән «Татэнергосбыт» АҖнең 2021 елның беренче ярты елындагы эшчәнлеге нәтиҗәләре, 2021-2022 елларда Директорлар Советының эш планы... Читать дальше...

(Казан, 26 август, «Татар-информ», Эльза Кузнецова). Татарстаннан алты проекты кече шәһәрләрдә һәм тарихи җирлекләрдә уңайлы шәһәр мохите булдыру өчен бөтенроссия конкурсында җиңде. Бәйгегә республикадан 11 гариза бирелгән иде. 26 августта Түбән Новгородта «Тормыш өчен мохит» форумында йомгак ясадылар. «Татар-информ» мәгълүмат агентлыгына «Татарстан шәһәрләре үсеше институты» фондында хәбәр итүләренчә, быел республикадан 10 шәһәр һәм бер авыл (Әгерҗе, Алабуга, Арча, Баулы, Зәй, Кукмара, Лаеш, Лениногорск... Читать дальше...

(Казан, 26 август, «Татар-информ»). Татарстан Президенты Рөстәм Миңнеханов «Татнефтехиминвест-холдинг» ААҖ Директорлар советы утырышын уздырды. Татарстан Республикасы Хөкүмәте Йортында инновацион проектлар тәкъдим иттеләр. Татарстан Президентының матбугат хезмәте хәбәр иткәнчә, кризис шартларында Татарстанның нефть эшкәртү заводларының рентабельлеген арттыру турында Уфадан техник фәннәр докторы Илшад Тиләшев хәбәр итте. Ул зур холдинг составында (ТАНЕКО) һәм үз нефтеннән башка (ТАИФ — НК) булган... Читать дальше...

(Казан, 26 август, «Татар-информ»). Саратовның «Шәех Сәид» мәдрәсәсендә 2021-2022 уку елында кичке һәм читтән торып укырга керергә теләүче абитуриентлардан документлар кабул итә башладылар. Россия Мөфтиләр шурасы матбугат хезмәте хәбәр иткәнчә, мәдрәсәдә алар намаз уку кагыйдәләрен, ислам хокукын һәм этикасын, гарәп телен һәм башка фәннәрне өйрәнәчәк, Коръән уку осталыгын камилләштерәчәкләр. Уку елы дәвамында укытучылар студентлар өчен ял итү һәм мәдәни-агарту чаралары оештыра. Укулар «Ислам фәннәре һәм тәрбия» юнәлеше буенча алып барыла.

(Казан, 26 август, «Татар-информ»). Мәҗит Гафури исемендәге Башкорт академия драма театрының яңа сезоны 22 сентябрьдә Мостай Кәримнең «Кыз урлау» пьесасы буенча музыкаль комедия белән ачыла. 12-16 ноябрьдә Камал исемендәге Татар академия драма театрының Уфага гастрольләре билгеләнгән, дип хәбәр итә « Башинформ » агентлыгы. Камал театрының Уфа гастрольләре сентябрь аенда булырга тиеш иде, ләкин аның вакыты соңракка күчерелгән. Камал театры Уфа гастрольләрен җанисәптән соң үткәрүне сәясәткә бәйләп карамаска өнди , дип язган идек. Читать дальше...

(Казан, 26 август, «Татар-информ»). Быел ипотеканың уртача срогы кискен арткан — яңа төзелешләр өчен — 2 елга, икенчел торак өчен — 2,5 елга. Россия Банкы матбугат хезмәтенә сылтама белән «Известия» газетасы хәбәр иткәнчә, яңа төзелешләрдә өлешчеләр килешүе буенча торак займнары өчен күрсәткеч ике елга арткан һәм 20,9 ел булган, ә икенчел торак буенча 2,5 елга арткан һәм 20 елга кадәр җиткән. Тенденция 2016 елда башланды, ул вакытта күрсәткечләр 15 һәм 14,8 елдан артмаган иде. 2021 елда ул ипотека ставкаларын арттыру исәбенә көчәйде... Читать дальше...

Һәлак булучылар һәм яраланучылар турында әлегә төгәл мәгълүмат юк. Шартлаулар өчен җаваплылыкны "Ислам дәүләте" сугышчы төркеме (Русиядә террорчылык оешмасы дип танылган һәм тыелган) алды.

(Казан, 26 август, «Татар-информ»). Татарстан Президенты Рөстәм Миңнеханов «Интерсити» (Төркия) компаниясе идарәсе рәисе Вурал Ак белән очрашты, дип хәбәр итте Татарстан Президентының матбугат хезмәте. «Интерсити» — автотранспортны арендалау буенча компания. 40 меңнән артык машина автопарклы базарда иң зур уенчы булып тора. Шулай ук компания Төркиядәге «Intercity Istanbul Park» спорт трассасына идарә итә. Әңгәмә барышында Рөстәм Миңнеханов һәм Вурал Ак автоспорт өлкәсендә хезмәттәшлекне үстерү перспективалары турында фикер алыштылар.

(Казан, 26 август, «Татар-информ», Зилә Мөбәрәкшина). Бүген Татарстанның атказанган сәнгать эшлеклесе, шагыйрь һәм язучы Нур Әхмәдиев белән хушлаштылар. Аны туган ягы — Азнакай районы Әсәй авылы зиратында җирләделәр. Татарстан Язучылар берлеге рәисе Ркаил Зәйдулла Нур Әхмәдиевны халыкчан һәм ихлас булуын искә төшерде. «Ул үзенчәлекле шагыйрь. Халыкчан, ихлас күңелле иде, юморга бай кеше. Әсәрләрендә дә чагыла иде ул. Нур абыйның әтисен дә күргәнем бар, Гариф абый да юморга оста. Юмор хисе әтисеннән күчкә булган... Читать дальше...

(Казан, 26 август, «Татар-информ», Сергей Гаврилов). ТР Дәүләт Советы Рәисе, ТР Волейбол федерациясе җитәкчесе Фәрит Мөхәммәтшин волейбол буенча FIVB 2022 дөнья чемпионаты башлануга кадәр вакытны саный торган сәгатьне эшләтеп җибәрде. Ярышлар Россиянең 10 шәһәрендә, шул исәптән Казанда да узачак. Тантанада катнашучыларны сәламләп, Фәрит Мөхәммәтшин Казанның һәрвакыт зур спорт чаралары уздыру белән дан тотуын әйтте. «Безнең шәһәр 2013 елгы Бөтендөнья җәйге универсиаданы, 2015 елгы су спорты төрләре буенча дөнья чемпионатын... Читать дальше...

(Казан, 26 август, «Татар-информ»). Кичә вафат булган Нур Әхмәдиевны бүген соңгы юлга озаттылар. Татарстан Язучылар берлеге хәбәр иткәнчә, мәрхүм туган ягында — Азнакай районы Әсәй авылында җирләнде. Күренекле татар язучысы Нур Әхмәдиев озакка сузылган каты авырудан соң 75 яшендә бакыйлыкка күчте , дип язган идек.

Коронавируска каршы вакцинадан соң кешеләр барыбер авырыймы? Аның нинди тискәре нәтиҗәләре була ала? "Спутник V"га ышанып буламы? Азатлык вакцинация турында күп кешене борчыган сорауларга җавап әзерләде.

(Казан, 26 август, «Татар-информ»). Иртәгә Казансу акваториясендә мотосерфинг буенча Дөнья кубогы ярышлары башлана. Татарстан Президенты Рөстәм Миңнеханов һәм MSR Engines компаниясе хуҗасы, генераль директоры Мартин Шула чарага әзерлек турында фикер алышты.  Республика җитәкчесенең матбугат хезмәте хәбәр иткәнчә, MSR Engines 2017 елдан әлеге ярышларны оештыручы буларак чыгыш ясый. Быел Дөнья кубогында җиде илдән 50 спортчы катнашачак. Казанда кубок этабы 30 августка кадәр дәвам итәчәк.

(Казан, 26 август, «Татар-информ»). 30 миллионнан артык пенсионер киләсе атна ахырында ук бер тапкыр бирелә торган акчаны алачак. Пенсияне банк карталарына алучылар әлеге түләүне киләсе атна ахырына алачаклар. Үз чиратында, акчаны өйләренә китереп бирә торган 12,7 миллион кеше өстәмә ун мең сум акчаны 3 сентябрьдән пенсия белән бергә алачак.Бу хакта РИА Новости Россия хезмәт һәм социаль яклау министры Антон Котяков сүзләренә сылтама белән хәбәр итә. Владимир Путин узган атнада «Бердәм Россия» вәкилләре... Читать дальше...

(Казан, 26 август, «Татар-информ»). «Татэнерго» акционерлык җәмгыятенең челтәрләренә тоташтырылган торак йортларда сентябрь аена кайнар су белән тәэмин итүне туктатып тору графигы чыкты. Бу хакта Казан мэриясе матбугат хезмәте хәбәр итә. Кайнар суны туктатып тору җылылык челтәрләренә ремонт һәм гидроопрессовкалар үткәрү белән бәйле.  Әлеге график белән Казан мэриясе порталында танышырга мөмкин.

Вакцинадан соң 120 көн узгач антитәнчекләрнең нейтральләштерүгә сәләте, 42 көн узу белән чагыштырганда, күпкә артык диелә галимнәр күзәтүендә.

(Казан, 26 август, «Татар-информ», Эльза Кузнецова). 30 августта, Татарстан көнендә, Казанда яшәүчеләрне фестивальләр, концертлар һәм башка бик күп вакыйгалар көтә. Республика көнен бәйрәм итү Туган телләр һәм халык бердәмлеге елы химаясында узачак. «Бу елның үзенчәлекле булуын барыбыз да беләбез — Татарстан Президенты указы белән ул Туган телләр һәм халык бердәмлеге елы дип игълан ителде», — диде «Татар-информ» мәгълүмат агентлыгында узган матбугат конференциясендә Татарстан мәдәният министры урынбасары Дамир Натфуллин. Читать дальше...

Консультация – предупреждение об интенсивности метеорологических явлений на территории Республики Татарстан