Новости за 11.12.2022

Якшәмбе көнне иртән буран аркасында Мәскәүнең өч аэропортында («Внуково», «Домодедово» һәм «Шереметьево») 51 рейс тоткарланган, алтысын расписаниедән алганнар. Бу хакта РИА Новости агентлыгы «Яндекс. Расписание» сервисы мәгълүматларына сылтама белән хәбәр итә.

Стопкоронавирус.рф порталы мәгълүматларыннан күренгәнчә, узган тәүлектә Татарстанда тагын 100 кеше коронавирус инфекциясе йоктырган. Әлеге инфекцияне эләктергән пациентлар саны инде дүртенче көн рәттән арта.

Бүген Казанның «Пирамида» күңел ачу комплексында республикакүләм «Татар кызы-2022» бәйгесенең финалы узачак. «Татар кызы» Халыкара конкурсы дирекциясе башкарма директоры Гүзәлия Гыйниятуллина «Татар-информ» хәбәрчесенә җиңүчеләр ничек сайланып алачагы турында сөйләде. 

За последние сутки еще 100 жителей республики заразились коронавирусной инфекцией.

Казанлылар һәм шәһәр кунаклары бүген 12.00 сәгатьтә «Казан» Гаилә үзәгенең күзәтү мәйданчыгына килә ала. Бу хакта шәһәрнең Парклар һәм скверлар дирекциясе үзенең телеграм-каналында хәбәр итте.

Бүген көн дәвамында һәм 12 декабрь иртәсендә Татарстанда бозлы яңгыр һәм юлларда бозлавык көтелә. Шуңа бәйле рәвештә, республикада шторм кисәтүе игълан ителде.

Премьер-министр Михаил Мишустин махсус хәрби операция барган вакытта РФ Кораллы Көчләре белән бер елга һәм аннан артыграк чорга килешү төзегән хәрби хезмәткәрләргә бер тапкыр түләнә торган акча бирү тәртибен раслады. Бу хакта «Российская газета» яза.

Айдар Алиев – молодой мужчина невысокого роста.

Мәскәү – Казан поезды бозлы яңгыр аркасында чыбыклар өзелү сәбәпле Чувашиянең Вурнары станциясе янында туктап калган. Бу хакта «Татар-информ» агентлыгы поезд пассажирлары хәбәр итте.

Чаллы мэры Наил Мәһдиев Воронеж өлкәсендә юл-транспорт фаҗигасендә һәлак булган табиб Николай Зотовның туганнары һәм якыннарының кайгысын уртаклашты.

Санкт-Петербургта «Без – 41нче ел балалары» фильмының премьерасы булды. Бу хакта Бөтендөнья татар конгрессының матбугат хезмәте хәбәр итә.

Әгәр чираттагы ял даталарын дөрес сайласаң, ул 28 көн урынына озаграк та дәвам итәргә мөмкин. Россия Юристлар ассоциациясе әгъзасы Маргарита Курашина «Прайм» агентлыгына шулай дип белдерде. Бу хакта «Российская газета» яза.

Женщины села Салдакаево каждый день собираются в местном Доме культуры вязать носки.

Чистай районының «Ватан» үзәгендә Татарстанның биш районыннан килгән командалар үзләренең осталыкларын һәм күнекмәләрен күрсәтте. Анда армиягә чакырылырга тиешле егетләр арасында хәрби-гамәли спорт төрләре буенча республика спартакиадасының финал ярышлары узды.

Баулы районының Исергәп авылы мәктәбендә капиталь ремонттан соң музей бүлмәсе ачылды. Туган якны өйрәнү музее тантанасына мәртәбәле кунаклар, ветеран укытучылар, авыл халкы, район җитәкчелеге, Баулы якташлар җәмгыяте рәисе Нурислам Хәбипов та чакырылган иде. Бу хакта «Баулы-информ» хәбәр итә.

Лениногорск шәһәренең «Ихлас» мәчетендә физик мөмкинлеге чикле кешеләр декадасы уңаеннан, җылы, уңай атмосферада очрашу үткәрделәр.Бу хакта «Заман сулышы» сайтында хәбәр ителә.

Швециянең Һелсиңборг шәһәрендә Русиянең азат халыклары форумының дүртенче җыены узды. Анда башкорт һәм татар сәясәтчеләре дә катнашты.