Новости за 24.07.2022

جمعیت علمای اسلام (ف) په قبايلي ضلعو کې د هدفي او تېره اوونۍ په پېښور کې د درو نجونو د وژنو پرضد په ټوله خيبر پښتونخوا کې احتجاجي مظاهرې کړې دي. د جولای پر ۲۴مه په پېښور کې د خبریالانو مرکز مخې ته احتجاج ته د ګوند یوشمېر مشران او ملاتړي ورغلي ول. دا په داسې حال کې ده چې د پاکستان پوځ د جولای پر ۲۳مه په شمالي وزیرستان کې د یوشمېر وسله والو د وژنې او نیولو خبر ورکړ. د خیبر پښتونخوا اعلاوزیر پولیسو ته امر کړی چې په پېښور کې د نجونو په وژنه کې ککړ کسان ونیسي. ویډیويي رپورټ.

پاکستان او د طالبانو حکومت هغه هېواد ته د افغان ډبرو سکرو د صادراتو د زیاتېدو په اړه هوکړې ته رسېدلي دي.  یو کس د سمنګان په دره صوف کې د ډبرو سکرو د کان په استخراج کې کار کوي. هغه چې د امنیتي ستونزو له امله نه غواړي په راپور کې یې نوم خپور شي وايي، د طالبانو له راتګ وروسته په دې ولایت کې د ډبرو د سکرو استخراج زیات شوی دی. نوموړي وویل: "اوسمهال استخراج زیات شوی دی. مخکې به یو ګروپ په ورځ کې یو یا دوه ټنه استخراج کاوه خو اوس درې ټنه کار کوي. اوسمهال کانونو ته سمه رسېدنه نه کېږي حکومت هم سمه رسېدنه نه ورته کوي. Читать дальше...

د افغانستان د بډمنټون فدراسیون وايي، ټاکل شوې ډېر ژر د افغانستان په یو شمېر ولایتونو کې د بډمنټون منتخبې سیالۍ پیل کړي. د دې فدراسیون رییس ارشادالحق نن ازادي راډيو ته وویل، دغه سیالۍ به په هرات، بلخ او بامیانو ولایتونو کې پیل شي خو د کره نېټې په اړه یې څه ونه ویل. د نوموړي په خبره، له یادو سیالیو وروسته به د ټول هېواد په کچه د بډمنټون سیالۍ پیل کړي. د دغو سیالیو موخه د غوره استعداونو پېژندل ښودل شوي.

په کابل کې به ډېر ژر د پرمختګ په نوم د فوټبال ولایتي سیالۍ پیل شي. د کابل د فوټبال فدراسیون رییس حیات الله لوګروال نن یکشنبه ازادي راډيو ته وویل، دغه سیالۍ به د اسد میاشتې په دویمه نېټه پیل او لس ورځې به دوام وکړي. د نوموړي په خبره، په دغو سیالیو کې به له فراه، کابل، لوګر او کاپیسا ولایتونو نه لوبډلې ګډون وکړي. د دې سیالیو هدف د فوټبال لوبې وده ښودل شوې.

د والیبال د ملتونو لیګ په درېیمه اونۍ کې ایران لهستان ته ماتې ورکړه. د ورزشي اژانسونو د راپورنو له مخې، دغه سیالۍ تېره ورځ لهستان کې وشوه چې ایران یاد هېواد ته په خپل کور کې ۲ـ۳ ماتې ورکړه. یادې سیالۍ چې دوه اونۍ وړاندې پیل شوي، ښايي راتلونکي اونۍ هم دوام وکړي. د والیبال د ملتونو لیګ په دې سیالیو کې چې په ایټالیا کې روانې دي، د ۱۴ هېوادونو لوبډلې ګډون لري.

د بلوچستان د ټرانسپورټي چارو وزیر سردار عبدالرحمان کېتراڼ د جولای پر ۲۴مه مشال راډیو ته وویل چې په زیارت کې وژل شوي کسان "ترهګر" ول. دی وايي، "اوس به نو چې چېرې هم ترهګر وژل کېږي نو د هغوی لپاره به عدالتي کمېشن جوړېږي؟"

په ننګرهار ولایت کې په ۵۱۰ بزګرانو د جوارو اصلاح شوي تخمونه او کیمیاوي سره ووېشل شوه. د طالبانو حکومت د کرنې، اوبو لګولو او مالدارۍ وزارت په خپل توېټر پاڼه لیکلي، چې اې ایچ ایف موسسې په مالي لګښت د چپرهار په ولسوالۍ کې ۵۱۰ تنو بزګرانو ته د جوارو اصلاح شوي تخمونه، کیمیاوي سري او کرنیز وسایل وویشل شول. ددې وزارت په خبره، یاده کرنیزې کڅوړې هغو بېوزله بزګرانو ته ورکړل شوې، چې د اصلاح شويو تخمونو د اخیستو توان یې نه درلودل. د دوی به خبره، په دغه کرنیزو کڅوړو کې شپږ قلمه توکې د جوارو اصلاح شوی تخمونه،... Читать дальше...

د افغانستان د صنعت کارانو ټولنه د طالبانو له حکومت غواړي چې د برښنا په برخه کې د فابریکه لرونکو ستونزې حل کړي. د دغې ټولنې مشر عبدالجبار صافي نن ازادي راډيو ته وویل، که د فابریکه لرونکو ستونزې د برښنا په برخه کې حل شي دغه چاره کولای شي د صنعت د ودې او دغه شان افغانستان ته د بهرنیو پانګو په جذب کې مرسته وکړي. د صافي په خبره، په افغانستان کې د برښنا په برخه کې پیل شوې پروژې باید تر منزله ورسېږي څو له فعالیته لویدلې فابریکې بېرته فعاله شي. د افغانستان د صنعت کارانو ټولنه داسې مهال دغه څرګندونې... Читать дальше...

ځينې ښځينه پولیسې ادعا کوي، چې د طالبانو حکومت هغوی په جبري ډول تقاعد کړي دي او د تقاعد امتیاز هم نه ورکوي. نفیسه هغه پولیسه ده، چې په تېرو لسو کلونو کې یې د غزني ولایت په بېلابېلو ادارو کې کار کړی. د دې مېرمنې په وینا، طالبانو واک ته له رسېدو وروسته دا او نورې همکارانې یې په جبري ډول تقاعد کړې خو د تقاعد امتیازات نه دي ورکړل شوي. نفیسه وايي، خاوند یې کلونه مخکې مړ شوی، دا او لور یې د ۷ کسیزې کورنۍ سرپرستي کوي چې اوس دواړه بې دندې دي. نفیسې ازادي راډيو ته وویل: "روزګار مو ښه چلېده، چېرته... Читать дальше...

د کابل ښار یو شمېر اوسېدونکي وايي، له یوې خوا سختې ګرمۍ او له بلې خوا د څښاک او د ژوند د نورو اړتیاو لپاره د اوبو نشتوالي له ستونزو سره مخ کړي دي. دوی وايي، د دې ترڅنګ چې کورونو ته په غځېدلو نلونو کې دوامداره اوبه نه وي، ورسره د څاګانو اوبه هم بې کیفیته شوي او په ځینو سیمو کې وچې شوې دي. د کابل د احمدشاه بابا مېنې یو اوسېدونکی بسم الله همدرد وايي، دوی د لوښو د مینځلو لپاره د څاه اوبه کاروي او د څښاک لپاره معدني اوبه اخلي چې د هرې ورځې یوه لویه ستونزه یې همدا ده. همدرد وویل: "موږ د نل اوبه نه... Читать дальше...

د میدان وردګ او ننګرهار ولایتونو چارواکي وایي، وروستیو سېلابونو خلکو ته درانه ځاني او مالي زیانونه اړولي دي. د میدان وردګو ولایت د اطلاعاتو او کلتور ریاست سرپرست صفي الله راید ازادي راډيو ته وویل، چې د دغو سېلابونو په نتیجه کې چې تېره ورځ د دې ولایت په جلریز، نرخ او چک ولسوالیو کې راغلي، ۱۲ تنه لادرکه دي، ډېرې کرنیزې ځمکې تخریب شوي او یو شمېر لارې بندې دي. په ورته مهال د ننګرهار د اطلاعاتو او کلتور ریاست یوه مسوول قریشي بدلون ازادي راډيو ته په استول شویو معلوماتو کې ویلي، چې د د دې ولایت په یو... Читать дальше...

چارواکي وایي، چې دوه سخت دریځي فلسطینیان نن د اسراییلو د امنیتي ځواکونو له خوا ووژل شول. په دغه پېښه کې چې د فلسطین په نابلوس ښار کې رامنځته شوې، شپږ تنه نور ټپیان شوي دي. د راپورونو له مخې اسراییلي خفیه پولیسو په دې ښار کې پر یوه کور چاپه وهلې وه او غوښتل یې، چې دغه سخت دریځي ونیسي. د فلسطین د فتح الاقسا شهیدانو لوا په نوم ډلې د خپلو دوو غړیو وژل کېدل تایید کړي دي.

د ازبکستان د بهرنیو چارو سرپرست وزیر ولادمیر نوروف په مسکو کې خبریالانو ته ویلي ول چې د غونډې تیاری بشپړ شوی او پکې به د افغانستان ترڅنګ پر نورو سیمه ییزو موضوعاتو هم بحثونه وشي.

دا په داسې حال کې ده چې د پاکستان اېتلافي حکومت له عدالته غوښتي دي چې پر دې موضوع دې د ټولو قاضیانو جرګګۍ (فول کورټ) جوړ کړي. حکومت د جولای پر ۲۳مه په یوه بیان کې ویلي دي چې د پنجاب اعلاوزیر تر انتخاب وروسته پیدا شوی حالت خورا مهمه مسله ده چې باید یې اورېدنه ټول قاضیان په ګډه وکړي.

سبا دوشنبه ازبکستان د افغانستان په اړه د یوه نړیوال کنفرانس کوربه دی. د طالبانو حکومت وايي، د افغانستان په اړه د ازبکستان په ناسته کې يې د بهرنیو چارو د سرپرست وزیر امیر خان متقي په مشرۍ یو لوړپوړی پلاوی دغه هېواد ته روان شوی دی. د طالبانو د حکومت مرستیال ویاند بلال کریمي ازادي راډيو ته وویل، چې دغه پلاوی به په کنفرانس کې د بېلابېلو مسایلو او د افغانستان د اړتیاوو په اړه له ګډون والو سره خپلې خبرې شریکي کړي. کریمي وايي: "په دې پلاوي کې د مختلفو ادارو او سکتورونو استازي برخه لري. طالب پلاوی... Читать дальше...

په انډونیشیا کې لکونه غواګانې په یوه داسې ناروغۍ اخته شوې دي چې پکې یې خوله او ژبه پولۍ کېږي او په پښو کې یې دانو ته ورته زخمونه پیدا کېږي. د دې له وجې د څارویو بیې خورا ښکته شوې دي. د ناروغۍ خپرېدو ګاونډي هېوادونه هم اندېښمن کړي. د اسوشيېټډ پرېس اژانس له ویډیو جوړ رپورټ.

د طالبانو حکومت له ایران څخه ۳۵۰ زره ټنه نفتي مواد واردوي. د طالبانو د حکومت یو ګډ پلاوی په همدې هدف ایران ته تللی او هلته یې د شنبې په ورځ د ایران له یوه ځانګړي سهامي شرکت سره د نفتي موادو د پېرلو تړون لاسلیک کړی. د طالبانو د حکومت د مالیې وزارت په اعلامیه کې راغلي، چې د دغو نفتي موادو د رالېږدولو بهیر به په څو لنډو ورځو کې پيل شي. د تېلو د پېر هدف په بازارونو کې د تېلو د بیو کنټرول او ټيټول یاد شوي. د سوداګرۍ او صنایعو خونې د نفتي موادو د کمېټې د راپور په اساس یو لیتر پټرول په شاوخوا ۹۰ افغانۍ او ډیزل ۱۲۰ افغانۍ پلورل کېږي.

د طالبانو د حکومت د بهرنیو چارو سرپرست وزیر امیرخان متقي د اروپايي ټولنې د استازولۍ له شارژدافیر ارنوت پاول سره لیدلي. په یوه اعلامیه کې چې د طالبانو د بهرنیو چارو وزارت شنبه مازیګر خپره کړې لیکل شوي، چې په دې لیدنه کې امیرخان متقي ټينګار کړی چې نړیوال دې بشري موضوعات له سیاسي مسایلو سره ونه تړي. متقي همداراز ډاډ ورکړی، چې دوی چاته اجازه نه ورکوي د هېواد دننه یا بهر د نورو امنیت ته ګواښ پېښ کړي. د اروپايي ټولنې استازولۍ او شارژدافیر ارنوت پاول د دې لیدنې په اړه لا څه نه دي ویلي. خو د طالبانو... Читать дальше...

د شپږیزې د کرکټ په اتم پړاو کې نن بندامیر له هندوکش او بُست له سپین غر سره مخ کېږي. د کرکټ بورډ په فیسبوک پاڼه راغلي، چې بندامیر ښاماران به ماسپيښین له هندوکش ستورو سره مخ شي خو په سهارنۍ لوبه کې د شپږیزې دوه مخکښ ټیمونه چې تر اوسه یې په دریو لوبو کې هېڅ نه دي بایللي بُست او سپین غر سره مخ کېږي. د حشمت الله شهیدي په مشرۍ بُست ټيم پرون هم لوبه وګټله چې په کې ځوان پیلیز/اوپنر توپ وهونکي حسن عیسی خېل ۷۶ منډې وکړې او د لوبې غوره لوبغاړی شو. شپږیزه د افغانستان د کرکټ شل اوریزو سیالیو تجارتي لیګ دی چې اته ټیمونه په کې لوبېږي.

د روغتیا نړیوال سازمان پرون د بیزوتڼاکې ناروغي یو نړیوال بېړنی حالت اعلان کړ. په دې سره ښايي د دې ناروغۍ سره د مبارزې لپاره د نړیوالو پام او پانګونه راجلب شي. د روغتیا نړیوال سازمان مشر ټیډروس اډهانوم ګیبریسوس په یوه ویډیويي پیغام کې په دې اړه وویل: "ما پرېکړه کړې چې په نړیواله کچه د بیزوتڼاکې خپرېدل د عامې روغتیا یو فوق العاده بېړنی حالت دی." د بیزوتڼاکه، چې له لسیزو راهیسې په افریقا کې خلک پرې اخته کېږي، د مې میاشتې راهیسې په ټوله نړۍ کې په چټکۍ سره خپره شوې او د ۷۰ څخه زیاتو هېوادونو کې یې زرګونه خلک ناروغه کړي. Читать дальше...

د ایران د دولتي رسنیو په وینا، لږ تر لږه ۲۱ کسان پرون په جنوبي ولایت فارس کې چې له وچکالۍ سره مخامخ دی، د سېلابونو په پایله کې مړه شوي دي. سیمه ییزو چارواکو ویلي، چې د سختو بارانونو او د رودبال سیند د اوبو د کچې د لوړېدو په خاطر د مرکزي ښار استهبان په شمول څو ښارونو او کلیو کې سخت سېلابونه راوتلي دي. د استهبان ولسوال یوسف کارګر ویلي، چې ژغورنې ډلو ۵۵ کسان ژغورلي چې په دغو ناڅاپه سېلابونو کې اوبو وړي وو، خو لږ تر لږه ۶ کسان لادرکه دي. په ۲۰۱۹ کال کې د ایران په جنوب کې سخت سېلاب لږ تر لږه ۷۶... Читать дальше...

د اوکراین ولسمشر ولودومیر زیلنسکي وايي، له روسیې سره د غلې دانې د صادراتو له موافقې ۲۴ ساعته هم نه وو تېر شوي، چې روسیې پرون د اودیسې پر بندر راکټي برید وکړ. روسیې په اوکراین کې د اودیسې پر بندر، چې د تورې بحیرې پر غاړه یو مهم ستراتیژیک بندر دی، بمباري کړې. دا اقدام یوه ورځ وروسته له هغه شوی، چې د دغو دوو جنګ کې ښکېلو هیوادونو ترمنځ د غلو دانو د صادراتو د بیا پیلولو په اړه یو مهم تړون لاسلیک شو. د اوکراین د چارواکو په وینا، دوه روسي کروز توغندي پرون د اودیسې په بندر کې ولګېدل، خو د پام وړ زیان یې نه دی اړولی. Читать дальше...

په افغانستان کې د ماین پاکۍ لپاره د کافي بودیجې نشتوالي بشرپاله بنسټونه اندېښمن کړي دي. د طالبانو د حکومت د ماین پاکۍ اړوندې ادارې چارواکو رویټرز ته ویلي، چې خپله درې میلیونه ډالره بودیجه یې له لاسه ورکړې او مجبوره شوي چې ۱۲۰ تنه کارکوونکي ځواب کړي. رویټرز لیکلي، د بودیجې نشتوالی د یوه هېواد لپاره چې څلوېښت کاله یې جګړه تېره کړې او په ماینونو پوښلی خورا ګران پریوځي. د ډنمارک د کډوالو شورا یوه له هغو بشرپالو ادارو ده، چې په افغانستان د ماینونو د خطرونو په اړه عامه پوهاوی مخته وړي او د ماین پاکۍ اړوندو ادارو سره همکاري کوي. Читать дальше...

ایروایشیا ریوو: ایروایشیا ریوو خپرونه لیکي، د طالبانو له لوري د جمهوري نظام تر نسکورېدو راوروسته میاشتې میاشتې تېرې شوې خو د افغانستان وضعیت لاهم نه څرګند دی، نه د ډاډ وړ. د خپرونې په باور طالبان د تېر حکومت په پرتله هم په کور دننه له نورو افغانانو سره، هم له نړیوالو سره بل ډول چلند کوي. ایروایشیا ریوو بیا لیکي، بېلابېلو سیمه ییزو لوبغاړو د خپلو ګټو له مخې په ښکاره او پټه طالبانو ته لاس ورکړی دی او په دې ډول ناپېژندل شوي طالبان اوس د یوه سیاسي پیاوړي بنسټ په توګه راڅرګند شوي دي. د خپرونې... Читать дальше...

په تیرو څو ورځو کې د افغانستان ځینې سیمې د ناڅاپه سېلابونو شاهدې وې. د نورستان ولايت په نورګرام ولسوالۍ کې سختو بارانونو او سېلابونو ځاني او مالي زيانونه اړولي، د خوست په ځاځي ميدان ولسوالۍ کې د پرونيو سېلابونو له امله دوه ماشومان وژل شوي دي. که څه هم د افغانستان ډېری سیمې وچکالۍ ځپلې دي، خو د نورستان، خوست، میدان وردګو، پنجشېر او لوګر په ګډون یو شمېر ولایتونو کې تېر څو ورځې تر سختو ورښتونو وروسته سېلابونه راوتلي. د نورستان ولایت په نورګرام ولسوالۍ کې سختو بارانونو او وروستیو سېلابونو ځاني او مالي زیانونه اړولي دي. Читать дальше...