Новости за 18.12.2022

ارجنټاین د ۲۰۲۲ زېږدیز کال د فوټبال د نړیوال جام په پایلوبه کې فرانسې ته په پنالټي شوټونو کې ۴ـ۲ ماتې ورکړه او په دې سره یې د درېیم ځل لپاره د نړيوال سياليو د اتلولۍ جام پورته کړ. سيالي د کابل پر وخت ماښام ۷:۳۰ د قطر په لوسیل لوبغالي کې پيل شوه او د لوبې ۲۳ دقیقې تېرې شوې وې چې د فرانسې لوبغاړو خطا ترسره کړه چې د پنالټي سبب شوه، د ارجنټاین لوبډلمشر ليونل میسي د پنالټي شوټ ترسره کړ او په ګول یې بدل کړ. میسي او ملګرو یې په ډېر دقت سره لوبه پرمخ بیوله او د پرله پسې هڅو په پایله کې یې د لوبې په ۳۶... Читать дальше...

په افغانستان کې د کوڅه ډبو سپیو ډېرېدو چې د داړلو پېښې هم ورسره ډېرې شوي، خلک یې اندېښمن کړي دي. فرهاد هغه ماشوم دی چې په خپلې کوڅې کې سپي داړلی دی. د نوموړي مور وايي، د سپي له داړلو وروسته یې ډېر ژر خپل زوی واکسین کړ. هغې وویل: "کور ته مو چې راوړ، له هغه وروسته مو روغتون ته یوړ، ډاکترانو چې وکوت، ویې ویل باید واکسین ورته وشي او بل روغتون ته یې ولېږلو، په بل روغتون کې یې له موږ ۵ زره افغانۍ واخیستې او واکسین یې ورته وکړ چې درې ورځې وروسته بیا یې هم واکسین کړ، ورپسې مو درې ورځې وروسته د درېیم... Читать дальше...

په کندهار کي د نصیر میرزايي په نوم یوه مخکېني سیمه ییز خبریال نن یکشنبه ځان وژنه کړې ده. د طالبانو د کندهار د امنیه قومندانۍ مطبوعاتي دفتر رسنیو ته په یوه استولي پیغام کې ویلي چې دغه خبریال نن په خپل کور کې ځان وژنه کړې ده. طالبانو د نوموړي خبریال د ځان وژنې علت کورنۍ ستونزې یادې کړي دي. تراوسه د دې خبریال کورنۍ د دې پېښې په اړه څه نه دي ویلي. د طالبانو د دویم ځلي په واکمنۍ سره د خبریالانو پر وړاندې تاوتریخوالی زیات شوی او د رسنیو ملاتړ بنسټونو په وینا چې لسګونه رسنۍ تړل شوي، خبریالان بې... Читать дальше...

د ډېسېمبر پر ۱۷مه د سوات په مینګوره کې د یتیمو ماشومانو ادارې د زده کوونکو لپاره یو ورځنی ساینسي او هنري نندارتون جوړ کړی وو. په نندارتون کې زده کوونکو ساینسي او فولکوري شیان وړاندې کړل او په اړه یې معلومات ورکړل. له دې پرته په نندارتون کې زده کوونکو د پښتنو دودیزې جامې اغوستې وې او اتڼ یې هم وکړ. ویډیويي رپورټ.

د ملګرو ملتونو د کډوالو عالي کمېشنرۍ ویلي، هره ورځ ښځې او نجونې د ټولنیزو ستونزو او ننګونو له امله له جنسي ځورونو سره مخ کېږي. یوې مېرمن په ۲۰۱۶ کال کې په افغانستان کې د امنیتي او جنسي ځورونو له امله له خپل بوډا پلار او سپین سرې مور سره اروپا ته قاچاقي سفر پيل کړ. هغه چې د موضوع د حساسیت له امله نه غواړي نوم یې په راپور کې واخیستل شي، ازادي راډيو ته یې وویل، په دې خاطر چې ښځه وه، ډېر کله له جنسي ځورونو سره مخ شوې ده. هغې وویل، له همدې امله یې افغانستان پرېښود، خو د قاچاقي سفر پر مهال هم له ورته ځورونو سره مخ شوې ده. Читать дальше...

د فوټبال نړۍ د وتلي ستوري لیونل مسي مینه والو د هغه په ویاړ یو لوی کمیس جوړ او په ښار کې ځړولی. د مسي او مینه والو لویه هیله یې د نړیوال جام ګټل دي.

مشال راډیو په دې اړه د طالبانو د حکومت دریځ معلومولو هڅه وکړه خو ویاندانو یې ځواب و نه وایه. البته طالبانو تر دې مخکې په بیا بیا ویلي دي چې په ټول افغانستان کې یې امنیت ټینګ کړی دی او د وسلوالو ضد اقدامات کوي.

پروان کې د طالبانو حکومت مسوولان وايي، په سالنګ کې د اور لګېدنې په پېښه کې د وژل شویو شویو کسانو شمېر شاوخوا ۲۰ کسانو ته رسېدلی دی. دوی د دغې پېښې د ژوبل شویو شمېر هم ۲۰ تنه ښودلی دی. پروان کې د طالبانو حکومت د سیه ییزو مسوولانو په وینا، د دغې پېښې په قربانیانو کې ښځې، ماشومان او سپین ږیري هم شته. په دغه ولایت کې د طالبانو حکومت د امنیه قوماندانۍ ویاند محمد کامران زید ازادي راډیو ته وویل: "لوېدیځه برخه کې ۸ تنه شهیدان شوي، دې برخه کې یو بل کس مازیګر شهید شو او ۱۱ تنه نور نن روغتون ته ولېږدول... Читать дальше...

په کابل کې د پاسپورټ یو شمېر غوښتونکي شکایت لري چې د پاسپورټ دفتر له دوو میاشتو د زیاتې مودې راهیسې تړلی او د طالبانو حکومت هېڅ اقدام نه دی کړی. شريفه په کابل کې د پاسپورټ له غوښتونکو څخه ده. هغه وايي، پلان لري چې پاکستان ته د درملنې لپاره لاړه شي، خو د پاسپورټ نه لرلو له امله نه شي تللای. نوموړي له ازادي راډيو سره په خبرو کې وويل، د زړه او د وينې د فشار ناروغي لري او ان مخکې له دې چې د پاسپورټ دفتر دروازه وتړل شي دا څو ځلې پاسپورټ ریاست ته تللې وه چې پاسپورټ تر لاسه کړي. هغې زیاته کړه:"زه... Читать дальше...

په پېښور کې د مفکورې په نوم په يو شخصي هنري سکول کې د موسيقي زده کړې پېل شوې دي. د مفکورې منتظم حيات روغانی وايي په راتلونکي کې په ټوله خیبر پښتونخوا کې د مفکورې د خلاصولو اراده لري. مفکورې د هلو ځلو تفصیل د مشال راډيو د خبریال عظمت علي شاه په رپورټ کې وګورئ

په مشال مرکه کې مو د خيبر پښتونخوا پخوانی صوبايي وزير عنايت الله خان مېلمه کړی دی. نوموړی د بر دير د یوې سیاسي کورنۍ غړی دی چې دوه ځلې صوبايي وزیر پاتې شوی دی. عنايت الله وايي، په ۲۰۱۳ز کال کې یې چې ګوند جماعت اسلامي له تحریک انصاف سره یو ځای په صوبه کې واکمن وو نو دوی د صحت او بلدياتي نظام ښه کولو لپاره ډېر کار وکړ چې ولس ته یې ګټه ورسېده. دی داراز وايي، ځوانان باید ځان ته په ژوند کې ځانونو ته اهداف وټاکي او په سیاسي بهیر کې هم فعاله ونډه ولري. بشپړه مرکه د غږ په ځای کې واورئ.

ایران وايي چې د افغانستان لپاره یې خپل ځانګړی استازی د سفیر په توګه ټاکلی دی. حسن کاظمي قمي وروسته له دې په کابل کې د ایران د نوي سفیر په توګه وګومارل شو چې مخکینی سفیر بهادر امینیان یې هغه ته د یوه منسوب صوتي فایل له افشا کېدو وروسته وروباله. پرون په کابل کې د ایران سفارت پر خپله ټویټرپاڼه کښلي و چې د بهادر امینیان د کار دوره پای ته رسېدلې او دا مسئله له هغه صوتي فایل سره تړاو نه لري چې په وروستیو ورځو کې افشا شو. دغه سفارت همداراز لیکلي و چې ښاغلی قمي به په کابل کې د ایران د سفارت سرپرستي... Читать дальше...

د جنوبي کوریا پوځ وايي، شمالي کوریا پرون یکشنبه یو بالستیک توغندی د ختیځ لور ته توغولی دی. د جاپان ایم ایچ کې تلوېزیوني چینل هم د حکومتي چارواکو په قول وویل چې د شمالي کوریا له لوري ویشتل شوی توغندی د جاپان له ځانګړې اقتصادي سیمې دباندې په سمندر کې لوېدلی دی. شمالي کوریا په روان میلادي کال کې د څو قاره ویشتونکو توغندو په شمول ګڼ شمېر بالستیک توغندي ازمویلي دي.

د وفاقي حکومت د اطلاعاتو وزیرې مريم اورنګزېب د عمران خان تر اعلان وروسته په اسلام اباد کې خبري غونډې ته وويل چې "انتخابات به د عمران خان په خوښه نه کېږي." حکومت وايي، تحریک انصاف د خیبر پښتونخوا او پنجاب اسمبلیو ماتولو ته نه پرېږدي.

د طالبانو په کنټرول کې د پروان د والي ویاند سید حکمت الله شمیم رسنیو ته په لېږلي یوه پیغام کې ویلي، په سالنګ کې د تېرې شپې پېښه کې ۱۹ کسان مړه شوي او ۳۲ ټپیان دي. هغه وویل، دا شمېرې وروستي نه دي او ښايي زیاتوالی په کې راشي. په ورته مهال د طالبانو په کنټرول کې د ټولګټو چارو وزارت وايي، په سالنګ تونل کې د تېرې شپې د اورلګېدنې له امله ۱۲ تنه مړه شوي او ۳۷ تنه ټپیان دي. د دې وزارت ویاند حمیدالله مصباح ازادي راډیو ته وویل، اورلګېدنه د تونل دننه د تېلو د یوه ټانکر موټر د چپه کېدو له امله پیل شوه... Читать дальше...

د کرکټ نړیوالې شورا د ټېسټ اتلولۍ په درجه بندۍ کې تر دې دمه اسټرالیا لومړی او سویلي افریقا دویم ځای لري او که ترپایه دا مقامونه له ځانه سره وساتي، نو پایلوبه به هم ترسره کړي. د دواړو هېوادونو ترمنځ ۳ ټېسټ لوبې ترتیب شوي چې لومړۍ یې اسټرالیا په ۶ ويکټو وګټله. دغه سيالي د ډسمبر په ۱۷مه نېټه پيل شوه او په دویمه ورځ پای ته ورسېده. د سویلې افریقا توپ وهونکو په لومړۍ پاڼۍ کې ۱۵۲ منډې وکړې، خو په وروستۍ پاڼۍ کې یې یوازې ۹۹ منډې جوړې کړې. اسټرالیا هم په لومړۍ پاڼۍ کې ۲۱۸ منډې جوړې کړې وې، خو د سویلي... Читать дальше...

د اوکراین د برښنا کارګرو په تېر یوه شپه او ورځ کې شاوخوا شپږو میلیونو کسانو ته بېرته برښنا برابره کړه. د روسیې د بریدونو په وروستۍ لړۍ کې د برښنایي شبکو په ګډون د دې هېواد ډېر بنسټیز تاسیسات زیانمن شوي دي. خو د اوکراین د برښنا کارګر له دمې پرته د ویجاړو شویو برښنایي تاسیساتو په ترمیم لګیا دي. د اوکراین ولسمشر ولودومیر زیلینسکي بېګا په یوه پيغام کې په دې اړه لا زیات جزییات ورکړل. هغه وویل: "نن ورځ اصلي شی د انرژۍ سکتور دی. د ورځې په اوږدو کې، موږ توانېدلي یو چې نږدې شپږ میلیونه اوکراینیانو ته برښنا بېرته راوړو. Читать дальше...

په ارزګان کې کونډې او بې سرپرسته ښځې وايي، که طالبان غواړي عزت يې خوندي کړي نو د دوی ماشومانو لپاره دې د خوړو غم وخوري. په ارزګان ولایت کې اوسمهال زرګونه بې سرپرسته ښځې شتون لري چې ټوله ورځ په ښار کې خیرات ټولوي او یا هم د موسسو د دفترونو مخې ته په دې نیت کېني څو ورسره مرسته وشي. نور نور حال د شریف الله شرافت په راپور کې د لاندې لېنک په کېکاږلو اورېدلی شئ:

د ملګرو ملتونو سازمان سرمنشي وايي، په افغانستان کې وسله‌والې نښتې زیاتې شوي او تر خوا یې د طالبانو د مخالفانو فعالیت هم زور موندلی. د افغانستان د وضعیت په اړه د ملګرو ملتونو سازمان سرمنشي راپور کې د امنیتي اوضاع څېړنه! انټونیو ګوټریش په خپل درې میاشتني راپور کې لیکلي، په افغانستان کې د ۲۰۲۲ کال د اګسټ له ۱۷مې د نومبر تر ۱۳مې پورې ۱۵۷۸ پېښې ثبت شوي چې د تېر کال په پرتله ۲۳ سلنه زیاتوالی ښيي. د انټونیو ګوټریش راپور چې د راتلونکې سه‌شنبې په ورځ به د ملګرو ملتونو سازمان امنیت شورا ته وړاندې شي... Читать дальше...

د امريکا په شيکاګو ښار کې د سويانو (خرګوش) لپاره ځانګړی هوټل جوړ کړل شوی دی. د سويانو ساتونکي چې کله پر رخصتی ځي نو خپل سوی ځانګړي هوټل ته ور وسپاري. د رویټرز اژانس ويډيويي راپور وګورئ.

په خوست کې د لوړو او نیمه لوړو روغتیايي زده کړو د ادارو ښځینه او نارینه فارغان غوښتنه کوي چې دوی ته دې د کار او زده کړو وړ شرایط برابر شي.ځايي چارواکي د فارغانو غوښتنې پر ځای بولي او وايي دوی به هڅه وکړي چې د طبي زده کړو فارغانو ته په لیرې پرتو سیمو او ولسوالیو کې د کار کولو زمینې برابرې شي. تفصیل د نجیب الله الوخیل په ویډیويي رپورټ کې.

ټاکل شوې ده چې نن د ډسمبر۱۸مه د فوټبال نړیوال جام وروستۍ یا پایلوبه د ارجنټاین او فرانسې ترمنځ ترسره شي. دغه سيالي به د کابل پر وخت ماښام ۷:۳۰ د قطر په لوسیل لوبغالي کې پيل شي. که هره لوبډله پایلوبه وګټي، نو د درېيم ځل لپاره به د نړیوال جام اتلولي ترلاسه کوي. د فرانسې لوبډلې د تېر ۲۰۱۸ زيږدیز کال نړیوال جام اتلولي هم ګټلې وه، خو ارجنټاین په وروستي ځل په ۱۹۸۶ کال نړیوال جام ګټلی و. د یو بل پر وړاندې د دواړو لوبډلو د لوبو پایلې تر دې دمه فرانسه او ارجنټاین په ۱۲ نړیوالو لوبو کې مخ شوي دي،... Читать дальше...

هندوستان د ټېسټ اتلولۍ د نمرو په جدول کې درېيم مقام ته ورسېد. هندوستان کوربه بنګله دېش ته د کرکټ نړیوالې شورا له لوري د ټېسټ سیالیو د اتلولۍ په پار د پیل شوې لوبلړۍ په لومړۍ لوبه کې د ۱۸۸ منډو په توپیر ماتې ورکړه. د لوبې په څلورمه ورځ بنګله دېش د هند د ۵۱۳ منډو په تعقیب توپ وهنه پیل کړه او د ټولو لوبغاړو په سوځېدو یې ۳۲۴ منډې وکړې. د بنګله دېش لپاره په دې پاڼۍ کې ځوان لوبغاړي ذاکر حسن په خپله لومړۍ لوبه کې سلیزه ووهله. هندوستان په خپلې لومړۍ او دویمې پاڼۍ کې په ترتیب سره ۴۰۴ او ۲۵۸ منډې یې کړې وې. Читать дальше...

تېره شپه په سالنګ تونل کې د اورلګېدو له امله دغه لویه لاره د ټرافیکو پرمخ تړل شوې ده. د سالنګونو د حفظ او مراقبت چارواکو تایید کړې چې تېره شپه د سالنګ په تونل کې د اورلګېدنې په پېښه کې لږترلږه یو تن مړ شوی او ۲۵ تنه نور ټپیان دي. د دې ادارې رییس حافظ محمد یعقوب نن ازادي راډیو ته وویل چې مسافرینو ته دغه مرګ ژوبله په تونل کې د تېلو په یوه ټانکر کې د لګېدلي اور لمبو اړولې. هغه ویلي چې د ژغورنې ځواکونو او ګرځنده روغتیایي ټیمونو له جنوبي او شمالي سالنګونو ټپیان روغتون ته لېږدولي، خو ښایي د قربانیانو شمېر زیات شي. Читать дальше...

د افغانستان لپاره د امریکا د متحدو ایالتونو ځانګړی استازی ټوماس وېسټ وایي، د افغانستان لپاره د ملګرو ملتونو مرستندویه ماموریت یا یوناما د نړیوالې ټولنې په استازیتوب خورا مهم کارونه سرته رسوي. وېسټ نن په یوه ټویټ کې له واشنګټن څخه د یوناما د مشرې او د افغانستان لپاره د ملګرو ملتونو د سرمنشي د ځانګړې استازې روزا اوتونبایووا د کتنې د هرکلي ترڅنګ دغه څرګندونې کړي او ویلي یې دي چې یوناما حیاتي بشري مرستې رسوي او عملیات یې همغږي کوي، د بشري حقونو د ودې لپاره کار کوي او په ټول هېواد کې له اړو افغانانو سره په تعامل کې ده. Читать дальше...