Новости за 18.12.2022

د طالبانو د حکومت چارواکي وایي چې د بهرنیو چارو وزارت سیاسي مرستیال شېرمحمد عباس ستانکزي د افغانستان لپاره د ازبکستان له ځانګړي استازي عصمت الله ایرګاشوف سره د ټیلیفون له لارې له ازبکستانه د وارداتي برښنا د ستونزو په اړه خبرې وکړې. دا خبره د طالبانو د حکومت ویاند ذبیح الله مجاهد پرون په یوه ټویټ کې کړې. مجاهد له خپل ټویټ سره د اسلامي امارت د رسمي ویبپاڼې یو لېنک هم ضمیمه کړی چې په کې د دواړو چارواکو د خبرو نور جزییات څرګند شوي دي. ستانکزي په ژمي کې د ازبکستان د وارداتي برښنا د کموالي له امله... Читать дальше...

د پاکستان مخکېنی صدراعظم او د پاکستان د تحریک انصاف ګوند مشر عمران خان پرون شنبې اعلان وکړ چې ګوند به یې له ټاکلي مهالوېش مخکې راتلونکې اونۍ دوه ایالتي اسامبلې منحلې کړي. دا د نوموړي له خوا له وخته مخکې د عمومي انتخاباتو د ترسره کېدو لپاره پر مرکزي حکومت د فشارونو د زیاتوالي یوه هڅه ده. عمران خان په ختیځ ښار لاهور کې د خپلو پلویانو یوې غوندې ته په وینا کې وویل: "موږ به راتلونکې جمعه د پنجاب او خیبرپښتونخوا ایالتي اسامبلۍ منحلې کړو." د هغه ګوند د پاکستان له څلورو ایالتي اسامبلو په دوو بشپړکنټرول لري.

ایران ګواښ کړی چې د وټس اپ او انسټاګرام اپلېکېشنونه به چې په دې هېواد کې ډېر کاروونکي لري، د تل لپاره بند کړي. د میټا په نوم د امریکا د انټرنېټي شرکت تراوسه د ایراني چارواکو هغه لیک نه دی ځواب کړی چې د روانې ډسمبر میاشتې په لومړیو کې یې ور استولی او له دې شرکت یې غوښتنه کړې چې په دې هېواد کې دې د خپلې نمایندګۍ دفتر پرانېزي او هم دې خپلو لارښودونو ته د اسلامي جمهوریت له لارښودونو سره سمون ورکړي. د ایران د سایبر ملي مرکز ریس ابوالحسن فېروز ابادي پرون شنبې له یوې ورځپاڼې سره په مرکه کې ویلي چې که... Читать дальше...

د اوکراین ولسمشر ولادمیر زیلینسکي وایي، د دې هېواد د بېړنیو چارو کارکوونکو وکولای شول چې په تېرو ۲۴ ساعتونو کې د نږدې شپږ میلیون وګړو لپاره بېرته برښنا برابره کړي. د روسیې د بریدونو په وروستۍ لړۍ کې د برښنایي شبکو په ګډون د دې هېواد ډېر بنسټیز تاسیسات زیانمن شوي دي. زیلینسکي پرون شنبې ناوخته په یوه ویډیویي وینا کې وویل چې له پروني تروریستي برید وروسته د ویجاړو شویو شبکو د ترمیم چارې له خنډ پرته دوام لري. روسیې وړمه ورځ د اوکراین پر بنسټیزو تاسیساتو څه باندې اویا میزاییل وتوغول چې په نتیجه... Читать дальше...

په افغانستان کې د ماشومانو د ملاتړ لپاره د ملګرو ملتونو مرستندوی صندوق یا یونېسف وايي، سبا دوشنبه د ډسمبر ۱۹مه د افغانستان په ۲۵ ولایتونو کې د ګوزڼ یا پولیو خلاف کمپاین پیلېږي. په افغانستان کې د یونېسف مطبوعاتي مسوول کمال شاه پرون ماښام ازادي راډیو ته وویل: "په دغه کمپاین کې به ۷ میلیونه ماشومان واکسین شي. دغه کمپاین په جنوب ختیځو ولایتونو، جنوب ختیځه حوزه او شرق حوزه کې چې د دغې ناروغۍ له سخت ګواښ سره مخامخ دي، عملي شي." د کمال شاه په وینا، د پولیو خلاف فرعي کمپاین به بله اوونۍ یعنې راروانه دوشنبه په شرقي حوزه کې پیل شي. Читать дальше...

په غور ولایت کې د دوو زده کوونکو نجونو د ځانوژنې خبر ورکړل شوی دی. د طالبانو تر ولکې لاندې باختر اژانس دغه دوې پېښې تایید کړې دي. په خبر کې د غور د امنیې قوماندانۍ لپاره د طالبانو د ویاند عبدالرحمن بدري په حواله ویل شوي، چې یوې ۱۸ کلنې نجلۍ په تیوره ولسوالۍ کې ځان غرغره کړی او بلې ۱۳ کلنې نجلۍ بیا د فېروزکوه په مربوطاتو کې په تېروتنه په رسۍ ځان زیندۍ کړی دی. په دې اړه نور وضاحت نه دی ورکړل شوی. بدري ویلي، چې د دوی ځواکونه د دغو پېښو د څېړنې په حال کې دي. سرچینو ازادي راډیو ته ویلي، دغه نجونې د ښوونځي زده کوونکې وې.

د اوکراین چارواکي وايي، پرون شنبه د دوی سرتېرو د اوکراین په ختیځ کې د روسي ځواکونو د دفاعي کرښو د نفوذ مخه نیولې ده. خو د روسیې دفاع وزارت وايي، روسي سرتېرو په دونیڅک سیمه کې اوکرایني ځواکونه په شا تمبولي او مهم مورچلونه یې نیولي دي. د جرمني خبري اژانس د راپور له مخې، د روسیې د دفاع وزارت ویاند ایګور کوناشینکوف دغه راز ویلي، چې روسي ځواکونو د راکټي حملو له څپې سره- سره خپل اهداف ترلاسه کړي دي. پر اوکراین د روسیې غیرموجه یرغل د فبرورۍ میاشتې پر ۲۴مه پیل شو چې تر اوسه روان دی. په وروستیو اوونیو... Читать дальше...

د مالیزیا په یوه کمپ کې د ځمکښویېدنې په پېښه کې د مړو کسانو شمېر ۲۴ ته زیات شوی دی. د طبیعي پېښو په وړاندې د مبارزې چارواکو پرون شنبه په ټویټر کې لیکلي، چې د دې ځمکښویېدنې وروستۍ قربانۍ یوه نجلۍ ده. د مالیزیا یوه خبري اژانس راپور ورکړی، چې د ژغورنې ډلې لا هم په ۹ تنه ورکو کسانو پسې پلټنه کوي. د کمپ دغه ساحه چې د پلازمېنې کوالالمپور د شمال په ۵۰ کیلومترۍ کې پرته ده، د جمعې ناوخته ورباندې ځمکه وښویېده. چارواکي وايي، تر اوسه تر ۶۰ زیات کسان له دې طبیعي پېښې وروسته ژغورل شوي دي. د قربانیانو د هویت په باب معلومات نه دي ورکړل شوي.

کرویشیا د فوټبال په نړیوال جام کې درېيم مقام خپل کړ. تېره شپه په قطر کې د فوټبال نړیوال جام د درېیم مقام ګټلو لپاره د کرویشیا او مراکش ترمنځ سيالي ترسره شوه چې ۲ـ۱ کرویشیا وګټله. ټاکل شوې ده نن یکشنبه به د ۲۰۲۲ زېږدیز کال د فوټبال نړیوال جام پایلوبه د ارجنټاین او فرانسې ترمنځ ترسره شي.

په ایران کې د تېلو د کارکوونکو او د صنعتي اتحادیو د مامورینو تر رسمي غوښتنې وروسته پرون د ایران په څو جنوبي ښارونو کې اعتراضیه غونډې او اعتصابونه وشول. د ایران د تېلو د صنعت کارګرانو د اعتراضونو د تنظیم شورا په خپله تازه اعلامیه کې له ټولو کارګرانو په عمومي تظاهراتو کې د ګډون غوښتنه وکړه. دغو کارګرانو د کاري امنیت نشتوالي او له دندو د شړل کېدو ستونزې ته په اشاره ویلي، چې اعدامونه او ځپل د کارګرانو غلامۍ ته ورته اقدام دی، چې لوګی یې د کارګرانو سترګې لا سوځي. د دې راپور تر جوړېدو پورې په ماهشهر،... Читать дальше...

که څه هم طالبان وايي له ایران، پاکستان او ملګرو ملتونو سره یې افغانستان ته د افغان کډوالو پر باعزته ستنولو خبرې کړي، خو ګڼ افغانان هڅه کوي له افغانستان څخه ووځي. که له یوې افغانان هڅه کوي، چې د پاسپورټونو په ترلاسه کولو سره له افغانستانه ووځي، د طالبانو د کډوالو او راستنېدونکو چارو وزارت وايي، له ایران، پاکستان او ملګرو ملتونو سره یې په څلوراړخیزه غونډه کې افغانستان ته د افغان کډوالو پر باعزته راستنولو خبرې کړې دي. د طالبانو د کډوالو او راستنېدونکو چارو وزارت مسلکي معین مولوي عبدالرحمن راشد... Читать дальше...

نیویارک ټایمز ورځپاڼه: نیویارک ټایمز ورځپاڼې په امریکا کې د لسګونه زره افغان کډوالو په اړه یوه مقاله خپره کړې چې هلته یې د دایمي اوسېدو برخلیک لا نه دی معلوم. د ۲۰۲۱ کال د اګست تر پایه د امریکا په مشرۍ له افغانستانه د خلکو د ایستلو په خاص او بېړني پروګرام کې څه باندې ۱۲۴ زره کسان وایستل شول. دا افغانان لومړی په قطر، دوبۍ او ځینو نورو درېیمو هېوادونو کې څو میاشتې په موقتو کمپونو کې اوسېدل. که څه هم تر دې دمه له دې ډلې افغانانو یوه لویه برخه امریکا ته رسېدلي خو هلته لا هم په دې نه دي توانېدلي چې دایمي هستوګنه او د کار اجازه ترلاسه کړي. Читать дальше...

د ملګرو ملتونو سازمان د کډوالو د نړیوالې ورځ په مناسبت د کډوالو د خوندیتوب لپاره د ګډو او منظمو هڅو غوښتنه کړې. رومل صافی هغه افغان کډوال دی چې څلور کاله مخکې یې په فرانسه کې پناه اخیستې، هغه وايي ژوند په خطر کې و، ځکه یې وطن پرېښود. نوموړی اوس له یو شمېر نورو ځوانانو سره په ګډه په پاریس کې د افغانانو ټولنه جوړه کړې او دی یې مرستیال دی. رومل صافی او ملګري یې د دې ټولنې له لارې له هغو افغانانو سره مرسته کوي چې فرانسې ته تازه ورغلي وي او غواړي، پناه واخلي. نوموړی وايي، افغانان بهرنیو هېوادونو... Читать дальше...