Новости за 28.12.2022

کولمبین خپرونه: کولمبین خپرونې په افغانستان کې په غیر دولتي ادارو کې د ښځو پر کار د طالبانو بندیز ته پام کړی دی. په مقاله کې راغلي څلورو نړیوالو مرستندویه ادارو د یکشنبې په ورځ په افغانستان کې خپل فعالیتونه وروسته له هغه وځنډول چې طالبانو په غیر دولتي موسسو کې د ښځو پر کار بندیز ولګاوه. وروسته لولو چې د کوچنیانو د خوندیتوب ادارې، د ژغورنې نړیوالې کمېټې، د ناروې د کډوالو شورا او پاملرنې موسسې ویلي چې، دوی نه‌شي کولای په افغانستان کې په کاري ځواک کې له ښځينه کارکوونکو پرته په اغېزناکه توګه اړو کوچنیانو، ښځو او نارینه‌و ته لاس‌رسی ومومي. Читать дальше...

مالیزیا هیله‌من دی چې طالبان له پوهنتونونو څخه د نجونو د مخنیوي پرېکړه بدله کړي. د دغه هېواد د لوړو زده‌کړو وزیر محمد نورالدین پرون د طالبانو د لوړو زده‌کړو د سرپرست وزیر ندا محمد ندیم په نوم په یوه استولي لیک کې له هغه غوښتې دي چې دا پرېکړه بېرته بدله کړي. د مالیزیا د لوړو زده‌کړو وزیر دا لیک په کابل کې د خپل سفارت له لارې د طالبانو د لوړو زده‌کړو سرپرست وزیر ته سپارلی دی. په دې لیک کې مالیزا د خپل هېواد د ښځینه محصلینو تجربه هم له طالبانو سره شریکه کړې ده چې په پوهنتونونو کې یې څومره درناوی کېږي. Читать дальше...

تجارتي شرکتونو د چین د دې پرېکړې هرکلی کړی دی چې د قرنطین محدودیتونه یې ليرې کړې دي او بهرنیو ته یې اجازه ورکړې ده چې دې هېواد ته سفر وکړي. تجارتي شرکتونو دا پرېکړه د تجارتي فعالیتونو د بیا غوړېدو لپاره مهمه بللې ده. چین پرون اعلان وکړ چې بهرنیان کولی شي چې د جنوري له اتمې وروسته دې هېواد ته سفر وکړي. چین د کرونا وبا له امله د دوه زره شلم کال په لومړیو کې دغه هېواد ته د بهرنیانو پر تګ یو لړ محدودیتونه وضع کړل. بل لور ته جاپان پرون دغه هېواد ته د بهرنیو پر تګ یو شمېر محدودیتونه ولګول او علت یې د کرونا زیاتېدل یاد کړل.

ملګري متلونه وایي، په تېر یوه کال کې بشري مرستو په افغانستان کې د قحطۍ مخه ونیوله. دې سازمان پرون په ټویټر کې ولیکل چې د اوس لپاره یو میلیون افغانان له سخت بحران سره مخامخ دي. ملګرو ملتو اندېښنه څرګنده کړې ده او وایي، که بشري مرستې اړمنو افغانانو ته په افغانستان کې ونه رسیږي دا هېواد به له سخت کړکېچ سره مخامخ شي. دا خبرداری په داسې وخت کې ورکول کېږي چې طالبانو روانه اونۍ په کورنیو او بهرنیو موسسو کې د ښځینه کارکوونکو پر کار بندیز ولګاوه چې له دې سره د ماشومانو د ژغورنې موسسې (سیف د چلدرین)،... Читать дальше...

د بشري حقونو په چارو کې د ملګرو ملتو عالي کمېشنرۍ پرون په اوکراین کې د روسیې د غیرموجه برید په ترڅ کې د وژل شویو ملکي اوکراینیانو شمېرې شریکې کړې. دا سازمان وایي چې د سږکال د فبروري له څلرویشتمې راوروسته شپږ زره اته سوه څلور اتیا ملکي اوکراینیان وژل شوي او نژدې یولس زره نور ټپيان شوې دي. خو دا کمېشنري ټینګار کوي چې ښایي د وژل شویو شمېر تر دې زیات وي ځکه چې له ځینو سیمو د سختو جګړو له امله د معلوماتو ترلاسه کول ګرانه دي. دا په داسې حال کې ده چې تازه د اوکراین له بخموت ښار څخه د سختو جګړو راپورونه ورکړل شوې دي. Читать дальше...

په ملګرو ملتو کې د افغانستان سرپرست استازي نصیر احمد فایق د افغانستان لپاره د ملګرو ملتو د دفتر د مرستیال مارکس پوتزل وروستۍ څرګندونې غندلي دي. د یوناما مرستیال ښاغلي پوتزل له یوې جرمنۍ رسنۍ سره په مرکه کې ویلي دي چې، لوېدیځ هېوادونه دې د افغانستان د وضعیت د ارزونې لپاره خپل سفارتونه په کابل کې پرانیزي. ښاغلي فایق وویل، هیله‌من دی چې دا خبرې د ملګرو ملتونو د رسمي دریځ استازیتوب ونه‌کړي. ملګرو ملتو تر اوسه په دې اړه رسما څه نه‌دي ویلي. وروسته تر دې چې طالبانو پروسږکال د اګست په میاشت کې کابل... Читать дальше...

په افغانستان کې مېشت خبریالان وايي، سره له دې چې له ډېرو ننګونو سره مخ دي، د خبریالانو د ملاتړ د کورنیو او نړيوالو بنسټونو له‌خوا یې پوښتنه نه‌کېږي او دوی مجبور دي چې خپله له هغه ننګونو سره مقابله وکړي چې ورسره مخ کېږي. یوه خبریاله چې د امنیتي ستونزو له امله نه‌غواړي، نوم یې په راپور کې واخیستل شي ازادي راډيو ته يې وویل، هغه افغان خبریالان چې په افغانستان کې پاتې دي، له ډېرو ننګونو سره مخ دي خو د پوښتنې يې څوک یې نه‌شته. دا خبرياله وايي: "داسې یو بنسټ په افغانستان کې نه‌شته چې د خبریالانو لاس‌نیوی او د حقونو پوښتنه یا یې هم دفاع وکړي. Читать дальше...

د امریکا په متحد ایالتونو کې د سړې هوا او واورو له امله په لسګونو کسانو خپل ژوند له لاسه ورکړی دی، لارې بندې شوې دي، په زرګونو الوتنې لغوه شوې دي او لاهم په ځینو سیمو کې د نورو ورښتونو اټکل شوی دی. د نیویارک په لوېدیځ کې د بفالو په سیمه کې د سړې هوا له امله د اته ویشت کسانو د مړینې خبرونه خپاره شوې دي. د متحد ایالتونو په نورو سیمو کې هم د اسوشیتد پریس اژانس د راپور له‌مخې لږ تر لږه څلرویشت تنه د واورو او بادونو له امله مړه شوې دي. په بفالو کې تېره شپه هم تر شل سانتي مترو پورې واوره وورېده.... Читать дальше...

د ملګرو ملتو د بشري حقونو مشر د طالبانو پر چارواکو غږ وکړ چې ژر تر ژره پر افغان ښځو او نجونو لګېدلي بندیزونه ليرې کړي. ولکر تورک په غیردولتي موسسو کې د ښځو د کار د ممانعت پرېکړه د افغانستان او حتی د افغانستان د ګاونډیو لپاره خطرناکه وبلله. د ملګرو ملتو د بشري حقونو د عالي کمېشنرۍ د مشر ولکر تورک بیان پرون په جینوا کې خپور شو. ښاغلي تورک په دې بیان کې ویلي دي چې، هیڅ هېواد نه‌شي کولی چې په اجتماعي او اقتصادي ډګرونو کې پرمختګ وکړي او خپل نیمایي خلک له پامه وغورځوي. په دې بیان کې راغلي دي... Читать дальше...