Новости за 26.04.2022

د روژې په میاشت کې صحي خواړه د ډېری مسلمانانو لپاره یو ستونزمن کار کېدای شي ځکه د روژې په میاشت کې له سهاره تر ماښامه روژه نیسي. د روژې په میاشت کې د اسلامي کلیزې تر ټولو سپېڅلې میاشت، چې مسلمانان د ورځې په رڼا کې د خوړو او څښاک څخه ډډه کوي، په ژوند کې یو نظم رامنځته کوي چې هدف یې روح ته ګټه رسول دی. خلک هڅه کوي چې په ځانګړې توګه د روژه مات خواړه خوندور او تر روژې مخکې له خوړو څخه بېل پاخه کړي. خو ډېری وختونه دا خوندور خواړه په غوړو کې سره شوي، مساله لرونکي او داسې خواړه وي چې کاربوهایډریټ او بوره پکې زیاته وي. Читать дальше...

د طالبانو حکومت د غویي یا ثور اتمه چې په ۱۳۷۱ کال کې پر افغانستان د مجاهدینو د بریا له ورځې سره برابره ده، عمومي رخصتي اعلان کړې. په یوه بیان کې چې د طالبانو د حکومت د کار او ټولنیزو چارو وزارت خپور کړی ویل شوي دي چې پنجشنبې د غويي ۸ مه پر شوروي اتحاد د افغانستان د سپېڅلي جهاد د بریا له ورځې سره برابره ده او د کار د قانون د ۴۱ مادې په اساس عمومي رخصتي ده. دا ورځ په افغانستان کې په تېرو دریو لسیزو کې هر کال نمانځل کېږي.

په داسې حال کې چې د روسیې ځواکونو د اوکراین پر ختیځ بریدونه زیات کړي، د امریکا دفاع وزیر لویډ اسټن هېله څرګنده کړه چې په اوکراین کې د روسیې ماتې به کریملین له دې را وګرځوي چې پر بل ځای یرغل ونکړي. اسټن دغه څرګندونې خبریالانو ته وروسته له هغې وکړې چې ده د امریکا د بهرنیو  چارو له وزیر انتوني بلیکین سره یوځای د یکشنبې په ورځ له اوکراین څخه کتنه ترسره کړه. اسټن وویل، واشنګټن غواړي روسیه دومره کمزورې وویني چې نور ونشي کړای هغه څه چې دې هېواد پر اوکراین د یرغل په ترڅ کې  ترسره کړي او زیاته یې کړه... Читать дальше...

ټاکل شوې تر راتلونکو څو ورځو پورې په بلخ ولایت کې د ښځو په نوښت یو سوداګریز او صنعتي نندارتون پرنیستل شي. د دې نندارتون یو مسوول سید مجتبی عنایت ازادۍ راډیو ته وویل، دا نندارتون چې د افغان مېرمنو غږ په نوم د یوه ټولنیز بنسټ له لوري جوړیږي، په لړ کې به یې په ۱۰۰ غرفو کې د ښځو او نارینه وو له لوري تولید شوي توکي د شپږو ورځو لپاره نندارې ته وړاندې شي. که څه هم چې ښاغلی عنایت د یاد نندارتون د پیل ورځ نه په ګوته کوي، خو وایي چې په دې نندارتون کې به لاسي صنایع، غالۍ، خوراکي توکي، خامکي توکي او ورته نور صنایع نندارې ته کېښودل شي. Читать дальше...

د طالبانو حکومت اقتصادي کمېسیون د کابل په پیروزي ښارګوټي کې د ۱۵۰ صنعتي کارخونو د جوړیدو طرحه تایید کړه. د ملا عبدالغني برادر په مشری د طالبانو حکومت د اقتصادي کمېسیون له لوري په خپره شوې خبرپاڼه کې ویل شوي، دا طرحه چې د ښار جوړونې او اراضۍ وزارت له خوا یاد کمېسیون ته وړاندې شوې وه، پر بنسټ به یي بیجینګ – ننګرهار په نوم ساختماني شرکت د ۲۱۵ میلیونو ډالرو په لګښت یاد ښارګوټی ورغوي. د خبرپاڼې په حواله د دې پروژې د کار په پیل سره به ۱۳ زره او ۶۰۰ کسانو ته په مستقیم او ۳۰ کسانو ته به په غیر مستقیم ډول د کار زمینه برابره شي. Читать дальше...

د شام په وړوکي ښار تادف کې یوه ناحکومتي اداره د جګړو له وجې بې کوره شویو خلکو ته روژه ماتی برابر کړی دی. د الفت په نوم د ادارې مشران وايي، د دې کار موخه یې له یو بله د جلا شویو کورنیو سره یو ځای کول ول. نور د رویټر اژانس په ویډیويي رپورټ کې.

په افغانستان کې د طالبانو حکومت وايي، دوه لوړ پوړي پلاوي يې ایران او قطر ته رسېدلي او په بېلابېلو مسایلو د دواړو هېوادونو له چارواکو سره خبرې کوي. د طالبانو حکومت وايي چې پلاوي يې بېرته افغانستان ته راستانه شي د پرمختګونو جزیات به رسنیز کړي. د طالبانو د حکومت ویاند ذبیح الله مجاهد د سې شنبې په ورځ ازادي راډيو ته وویل:“ ایران ته چې زموږ کوم پلاوی تللی دی، هلته د افغان کډوالو او دغه شان ایران ته د افغانانو د تګ راتګ په برخه کې د ستونزو د حل او د یو مناسب چاپیریال د رامنځته کېدو په اړه بحثونه کوي... Читать дальше...

د چین په پلازمېنه پیکنګ کې چې شا و خوا ۲۲ ملیونه وګړي په کې ژوند کوي، د کرونا ډله ییزه معاینه له یوې سیمې د ښار ډېرو برخو ته وغځول شوه. اټکل کېږي چې د کرونا د مثبتو پېښو زیاتېدو له کبله د شانګهای ښار په څېر به په پیکنګ کې هم قرنطین نافذ کړای شي. په پیکنګ کې د خلکو د کرونا معاینه پرون دوشنبه له ګڼ مېشتې سیمې چایویانګ څخه پیل شوه، خو وروسته پرېکړه وشوه، چې دغه معاینه په ۱۰ نورو سیمو کې هم وشي. په پلازمېنه پیکنګ کې نن سې شنبه د کرونا د ۳۳ مثبتو پېښو راپور ورکړل شو، چې له دې ډلې یوه کس د کرونا علایم نه درلودل.

شمالي کوریا وايي، د دوی رهبر کیم جونګ اون، په خورا چټکۍ د دغه هېواد د اټومي ظرفیتونو د پیاوړتیا ژمنه وکړه. د شمالي کوریا مرکزي خبري اژانس نن سې شنبه راپور ورکړ، چې کیم دغه څرګندونې تېره شپه یوه پوځي پرېډ ته په وینا کې وکړې. د اژانس په حواله، کیم ویلي، شمالي کوریا به خپل اټومي ځواکونه خورا په چټکۍ نور هم پیاوړي او پراخ کړي. کیم جونګ اون دا تازه څرګندونې داسې مهال کوي، چې د دغه هېواد د اټومي پروګرام له کبله د شمالي کوریا او د امریکا د متحدو ایالتونو ترمنځ له اوږدې مودې ډیپلوماتیک کړکېچ روان دی.

د ملګرو ملتونو د کارپوهانو یوه ډله د امریکا له خوا د افغانستان د ملیارډونو ډالرو د شتمني کنګل کېدل د افغان ښځو او نجونو د کړوانو د زیاتوالي  یوعامل بولي. د ملګروملتونو د کارپوهانو دغې ډلې په هغه بیان کې چې پرون دوشنبې یې خپور کړی ویلي، د دې ترڅنګ چې د افغان ښځو او نجونو ډیر اساسي حقونه د طالب چارواکو د هغې تبعیضي تګلارې له امله چې د ښځو په وړاندې د جنسیت له مخې یې مخته وړې، تر پښو لاندې شوي، د متحدو ایالتونو له خوا د افغانستان کنګل شوې شتمني هم دغه وضعیت لا خراب کړی دی.  په جینوا کې میشتې د... Читать дальше...

په نړۍ کې د مذهبي آزادیو د ملاتړ یوې امریکایي ډلې په افغانستان کې د مذهبي لږکیو پر وضعیت اندېښنه ښودلې او د امریکا د بهرنیو چارو وزارت ته یې سپارښتنه کړې چې د طالبانو تر واکمنۍ لاندې افغانستان دې د ځانګړې اندېښنې وړ هېواد په توګه وپېژني. د امریکا د نړیوالې مذهبي ازادۍ کمېسیون وایي، له افغانستانه د امریکایي ځواکونو له وتلو او واک ته د طالبانو له چټک رسېدو وروسته په تېرو اتو میاشتو کې په دې هېواد کې د مذهبي ازادۍ شرایط خراب شوي دي. د امریکا دغه دوه ګوندیز مشورتي کمېسیون چې په نړۍ کې د مذهبي آزادیو... Читать дальше...

ترکی بشرپال او سوداګر عثمان کاوالا چې د دولت د پرځولو لپاره د مظاهره چیانو د مالي ملاتړ پر هڅو تورن شوی و، په عمري قید محکوم شوی. د کاوالا قضیې د ترکیې او د دې هیواد د ملاتړو، متحدو ایالتونو او اروپا ترمنځ یو جنجال رامنځ ته کړی او د بښنې نړیوال سازمان امنیستي انترنشنل سمدستي کاوالا ته دغه سزا په ترکیه کې پر عدالت او بشري حقونو سخت ګوزار بللی دی. د محکمې له پرېکړې مخکې ۶۴ کلن کاوالا په یوه بیان کې وویل چې پرده د لګول شویو تورونو لپاره څارنوالانو هیڅ کره شواهد نه دي وړاندې کړي او دغه سزا یې د قضایي قوې له خوا د ترور یو عمل بللی دی. Читать дальше...

اوکراین دا رد کړه چې ګنې په محاصره شوي بندري ښار ماریپول کې د فولادو په یوه فابریکه کې د ایثار پاتې شویو ملکیانو د وتلو لپاره له روسیې سره د بشري دهلیز د پرانسيتلو په اړه موافقې ته رسیدلی. د اوکراین د فاع وزارت ویلي چې روسیې پرون دوشنبې هم پر دغې فابریکې او دغه راز د ریلګاډي او سوند موادو پر تاسیساتو بریدونو ته دوام ورکړ. د اوکراین د صدراعظم مرستیالې ایرینا ویریشچوک وویل، د ازو سټال د فولادو له فابریکې د ملکیانو د وتلو لپاره د بشري دهلیز د پرانستلو اعلان روسیې په یو اړخیز ډول کړی او داسې یو دهلیز وجود نه لري. Читать дальше...

د خوړو نړیوال پروګرام، WFP د بشري مرستو په دوام په لوګر، کابل او کندهار کې په زرګونو کورنیو سره د نویو مرستو خبر ورکوي. د خوړو نړیوال پروګرام پرون په خپله ټویټرپاڼه کې ویلي چې په روانه اپریل میاشت کې یې د لوګر په موسهي ولسوالۍ کې له ۱۵۰۰ کورنیو او د کندهار په پنجوایي ولسوالۍ کې له ۳۸۰۰ زیاتو کورنیو سره د خوړو مرستې کړي دي. دې پروګرام ویلي چې په مارچ میاشت کې یې هم په کندهار کې ۴۸۸ زره کسانو سره مرستې کړې وې. د خوړو نړیوال پروګرام دغه راز ویلي چې په تېره مارچ میاشت کې یې په کابل کې له ۳۷۶ زره زیاتو کسانو ته مرستې رسولي دي. Читать дальше...

د افغانستان لپاره د ملګرو ملتونو د مرستندویه ماموریت یا یوناما مرستیالې میتي نودسن پرون د هزاره ګانو او نورو شیعه ټولنو له استازیو سره په کتنه کې د ورستیو حملو په اړه خبرې وکړې او هم یې ورسره خپله خواخوږي وښوده. یوناما پرون په خپله ټویټرپاڼه کې ویلي چې په دې کتنه کې نوموړې پردې خبرې ټینګار وکړ چې دا مهمه ده چې د ټولو افغانانو خوندیتوب او د بشري حقونو او هم د تصمیم نیونې د یوې داسې ټول شموله مرجع مسله یقیني شي چې د افغانستان د ټولو پرګنو استازیتوب وکړي. د یوناما مرستیال مشره د شیعه ګانو له استازیو... Читать дальше...

پر افغان خاوره د پاکستان د بمباریو په تړاو د طالبانو د حکومت د دفاع د وزیر یعقوب مجاهد غبرګون د یو شمېر ورځپاڼو پام ور اړولی. سيډني مارننګ هيرالډ: سیډني مارننګ هیرالډ لیکلي پر کونړ او خوست د پاکستان تر برید وروسته چې د راپورونو له مخې لسګونه کسانو ته پکې مرګژوبله واوښته ملا یعقوب ویلي چې نور به داسې ”یرغل“ ونه زغمي. سیډني مارننګ لیکلي د طالبانو له بیا واکمنېدو راهیسې څو واره د افغانستان او پاکستان د پولې په اوږدو کې لانجې او شخړې رامنځته شوي. ورځپاڼې د ملا یعقوب خبرو ته اشاره کړې چې ویلي... Читать дальше...